Vllaznia ka 8 lojtarë të cilëve u ka përfunduar kontratat. Të gjithë kanë qenë ndër ata që kanë dhënë më të mirën e tyre në arritjet e klubit në këtë sezon.

Behet fjale per portierin Bojan Zogoviç, mbrojtesit Eni Imami, Dajan Shehi e Aleksandar Isaevski, mesfushoret Herald Marku e Fjoart Jonuzi e sulmuesit Demir Imeri e Haris Dilaver.

Ajo që mësohet është se drejtuesit e klubit dhe lojtarët në fjalë ende nuk janë ulur kokë më kokë për të diskutuar hollësisht për të ardhmen e tyre. Me sa është mësuar, fillimisht mes disa prej tyre dhe klubit kuqeblu kanë nisur negociata, por me sa mësohet është ende herët.

Marku është një prej tyre që ka pranuar se me të klubi kanë nisur negociatat, por nuk është vetëm ky lojtar që ka është në tratativë me klubin. Nga sa është mësuar fillimisht është se me ata lojtarë që kanë nisur bisedimet ajo që po kërkohet nga ana e lojtarëve, është kërkesa për një rritje të pagës së tyre.

Arritjet e sezonit të shkuar dhe performanca e treguar u kanë lejuar lojtarëve që të kërkojnë një gjë të tillë. Ajo që është mësuar është se disa nga lojtarët kanë kërkuar një rritje të pagës afro 1 mijë euro më shumë. Gjithsesi, këto mbeten për t’u parë, pasi lojtarët do të dalin në stërvitje ditën e hënë për të nisur punën për sezonin e ri.