Duke filluar nga ora 21:00, Vllaznia pret në stadiumin ‘’Loro Boriçi’’ boshnjakët e Shiroki Brieg për sfidën e kthimit të Ligës së Konferencës.

Për shkodranët do të jetë sfidë shumë e rëndësishme pasi do të luajnë medoemos përmbysjen para 5 mijë tifozëve në shtëpinë e saj.

Në sfidën e parë, Vllazania u masakrua nga gjyqtari rus i cili dha 12 kartonë të verdhë dhe dy të kuq, përfshirë këtu dhe atë të Tomas Brdariç i cili nuk do të jetë në pankinë në sfidën e sotme.

Për këtë çështje, drejtues të klubit deklaruan se do të merren organet e drejtësisë duke e çuar arbitrin në gjykatën e UEFA-s. Zv.trajneri Plori në konferencën për shtyp u shpreh se do t’ia dilnin edhe pse me vështirësi duke karikuar skuadrën shkodrane.

Mungesë e madhe për Vllazninë do të jetë ajo e Ardit Krymit i cili u ndëshkua me karton të kuq në Bosnjë. Sa i përket formacioneve, shkodranët kanë befasuar me zgjedhjet duke lënë në stol emra si Liridon Latifi dhe Haris Dilaver.

LIVE: VLLAZNIA-SHIROKI BRIJEG 0-0

KOMENTI LIVE:

Përfundon pjesa e parë!

45+2′ Shpëtojnë për mrekulli shkodranët nga pësimi i golit, vendimtare ndërhyrja e portieri Zogoviç.

45′ Akordohen 3 minuta shtesë.

44′ Adili ndëshkohet me karton të verdhë për faull taktik.

43′ Mundësi e artë për Vllazninë, portieri Mishkiç bën 2 ndërhyrje vendimtare, duke i mohuar golin Krujës.

42′ Goditje dënimi për Vllazninë nga një pozicion tepër i favorshëm, por tentativa e mbrojtësit ishte e dobët dhe u ndal nga muri.

39′ Staniç është futbollisti i parë i ndëshkuar me karton të verdhë!

32′ Vllaznia provon të rrezikojë me Ardit Hoxhajn, por tentativa e sulmuesit vlonjat me kokë është ndalur nga portieri.

30′ Zëvendësim i detyruar te Vllaznia, largohet nga fusha Da Silva i dëmtuar, në vendin e tij talenti Çoba.

25′ Provon të rrezikojë skuadra e Shiroki me anë të Juril, por gjuajtja e tij fluturimthi brenda zonës, shkon jashtë kuadratit.

20′ Loja zhvendoset në mesfushë, futbollistët boshnjakë provojnë të ulin rritmin e ndeshjes për të menaxhuar avantazhin e ndeshjes së parë.

15′ Minuta të mira për Vllazninë që mbetet në zonën e Shiroki Brijeg. Gjithsesi mungojnë sulmet e rrezikshme në portën e boshnjakëve.

8′ Vllaznia mbetet përpara, duke ushtruar presion të vazhdueshëm në zonën e Shirokit. Shkodranët kërkojnë me ngulm golin e avantazhit.

3′ Start fantastik për Vllazninë, që e nisin në sulm. Provon Ardit Hoxhaj të realizojë me kokë, pas harkimit nga e majta, por pa sukses. Vendimtare ndërhyrja e portierit.

1′ Atmosferë elektiruzese në “Loro Boriçi”, shkodranët në kërkim të triumfit të madh.

FORMACIONET ZYRTARE

Vllaznia: Zogoviç, Gurishta, Adili, Imami, Bulatoviç, Kaleziç, Kruja, Da Silva, Jonuzi, Gjurgjeviç, Hoxhaj, Tranjer: E. Plori

Shiroki: Miskiç, Çuljak, Juriç, Obsivaç, Mediç, Begiç, Vukoja, Staniç, Juril, Vujinoviç, Ikiç, Trajner: T.Karaçiç