Shqipëria merr pjesë në Ballkaniadë, por… me gjysëm ekipi

U duk se u anullua përfundimisht pjesmarrja e ekipit kombëtar shqiptar në Kampionatin Ballkanik të Sallave të mbyllura që do zhvillohet pas dy ditësh në Stamboll të Turqisë, por mbrëmjen e së mërkurës është gjendur një zgjidhje nga drejtuesit e Federatës sonë. Nëse udhëtimi ka qenë i planifikuar me autobuz me ekip të plotë por ai u anullua për shkak të kushteve jo të mira atmosferike, tashmë është vendosur që drejt Turqisë të udhëtojë gjysma e ekipit me avion. Nga shkurtimi i delegacionit, e kanë pësuar edhe dy atletët e Vllaznisë Durjon Idrizaj dhe Elvedin Meti ndërkohë që do ikë vetëm Elsid Dizdari.

Kombëtarja e atletikës s’merr pjesë në Kampionatin Ballkanik

Ditën e nesërme duhej të nisej drejt Turqisë ekipi kombëtar shqiptar i atletikës për të marrë pjesë në Kampionatin Ballkanik të sallave të mbyllura që do të zhvillohet më datë 18 shkurt në Stamboll të Turqisë. Në përbërje të këtij ekipi ishin edhe tre atletët shkodranë, Elvedin Meti, Durjon Idrizaj dhe Elsid Dizdari. Bashkë me të, në rolin e liderit të ekipit ishte edhe i mirënjohuri Arben Mlloja. Por lajmi më i fundit që mësohet është se Federata Shqiptare e Atletikës e ka anulluar pjesmarrjen e kombëtares tonë në këtë Ballkaniadë. Arsyeja ka qenë se kombëtarja jonë, për mungesë fondesh nuk do udhëtonte me avion nga Tirana por kishin zgjedhur linjat e autobuzave. Por agjensitë që merren me këtë lloj transporti, nuk e kanë marrë përsipër udhëtimin nisur nga kushtet aspak të mira atmosferike që po mbizotërojnë ditët e fundit.

Bledar Mesi: Vllaznia ka qenë dhe do jetë kampione e krosit

Në garën e fundit, atë të Krosit Kombëtar, ai ka zënë vendin e dytë duke u shpallur nënkampion Shqipërie në këtë disiplinë sportive. Bëhet fjalë për atletin shkodran Bledar Mesi i cili është nga më të mirët në këtë garë prej vitesh. Ai ka qenë në jo pak raste edhe kampion i vendit. Nëse këtë herë nuk ka dalë i pari (vend që e zuri një atlet i Skënderbeut), kjo e ka një shpjegim. "Kohët e fundit kam qenë për një trajnim me ushtrinë në Francë dhe prandaj nuk kam patur shumë kohë në dispozicion për t'u stërvitur. Kjo ndikoi edhe në paraqitjen time në garën e sivjetme të krosit megjithatë e rëndësishme është që Vllaznia si ekip sërish nuk hoqi dorë nga vendi i parë. Madje mesa di unë, në këto gjashtë vitet e fundit, ajo ka qenë gjithnjë kampione"-ka thënë Mesi.

Trajneri- atlet Albert Marashi: Do jap ende si sportist

Atletika shkodrane e ka nisur mirë vitin 2012 me paraqitjen e bërë në garat e kampionatit të sallave të mbyllura që u zhvilluan pak ditë më parë në Tiranë. Këtë mendim ka njëri nga trajnerët e këtij ekipi pikërisht Albert Marashi. Duke folur për gazetën online shkodrasport.com, ai do shprehej: "Në këto gara, dy sportistë të ekipit tonë zunë vendet e para, pikërisht Elvedin Meti në garën e 400 metrave dhe Durjon Idrizaj në garën e kërcimit trehapësh. Ishte edhe një sportist tjetër që zuri vendin e parë në garën e 60 metrave me pengesa, pikërisht Bajram Muça por që në një mënyrë të turpshme do thosha unë, iu mohua vendi i parë nga gjyqtaria. Ai e kaloi i pari vijën e mbërritjes por në fund të garës është rrëzuar dhe gjyqtarit ia humbi garën.

Tre atletë të Vllaznisë në Kampionatin Ballkanik

Kryesia e Federatës Shqiptare të Atletikës ka përzgjedhur emrat e sportistëve që do marrin pjesë në Kampionatin Ballkanik të sallave të mbyllura që do të zhvillohet më 18 shkurt në Stamboll të Turqisë. Në listën e ekipit tonë kombëtar, janë edhe tre sportistë të ekipit të Vllaznisë dhe pikërisht Elsid Dizdari, Elvedin Meti dhe Durjon Idrizaj. Të tre këta sportistë janë paraqitur më mirë se të tjerët në garat e fundit të kampionatit të sallave të mbyllura që u zhvillua në Tiranë.Përveç këtyre tre sportistëve të Vllaznisë, kuptohet që në listën e ekipit kombëtar është edhe shkodrani Admir Bregu që konkurron për klubin e Tiranës.

Elvedin Meti dhe Dorian Idrizaj, kampionë të dimrit

Mesditën e sotme në Tiranë janë zhvilluar garat e kampionatit të sallave të mbyllura. Në fakt, ata janë zhvilluar në pistën e stadiumit "Qemal Stafa" në një ambjent të hapur sepse në Shqipëri mungon pallati i sportit për t'i zhvilluar garat ashtu siç duhet. Sipas informacioneve të para që marrim, atletët shkodranë kanë bërë një paraqitje të mirë në këtë kampionat. Por figurën më të mirë e kanë bërë dy sportistë. Bëhet fjalë për Elvedin Metin dhe Dorian Idrizajn. I pari ka dalë kampion ën garën e 400 metrave duke zënë vendin e parë në këtë disiplinë sportive.

Oltion Luli: Në Londra 2012 do jetë edhe një atlet shkodran

Vetë ai ka qenë pjesmarrës në Olimpiadën e Sidneit në vitin 2000. Para tij ka qenë edhe një atlete tjetër nga Shkodra, pjesmarrëse në një Olimpiasë, pikërisht vera Bregu. Oltion Luli ndjehet krenar që ka arritur të jetë pjesmarrës në evenimentin më të rëndësishëm të sportit botëror duke realizuar edhe ëndërrën e madhe të tij. Duke folur në lidhje me këtë çështje ai ka thënë: "Për çdo sportist është ëndërr marrja pjesë në një Olimpiadë. Unë kam patur fatin të jem në Sidnei në vitin 2000 dhe sigurisht që kam mbresa shumë të mira.

Tufi: Një atlet shkodran do shkojë në Olimpiadën “LOndra 2012”

  Prej 40 vitesh punon si trajner me ekipin e atletikës së Vllaznisë. Vildan Tufi është specialist i garave të kërcimeve dhe atyre të shpejtësisë dhe nga duart e tij kanë dalë me dhjetra kampionë e rekordmenë të vendit....

Federata e Atletikës nderon 4 shkodranë me “Nderi i atletikës shqiptare”

  Federata Shqiptare e Atletikës në mbledhjen e saj të fundit ka vendosur të akordojë disa tituj për figura të njohura të njohura të këtij sporti në Shkodër. Kështu janë nderuar me titullin e lartë "Nderi i atletikës shqiptare"...

Lulëzim Çangeli, 17 vjeçari kampion i Shqipërisë

Ai është vetëm 17 vjeç por ecuria e tij në sportin e atletikës ka qenë shumë e mirë që prej tre vitesh kur ai merret me këtë sport. Mënyra si është rritur, si i ka përmirësuar rezultatet, e...

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR