Vllaznia në atletikë për meshkuj shpallet kampion e Shqipërisë

Ka ndodhur sërish edhe këtë vit. Ekipi i atletikës së Vllaznisë për meshkuj është shpallur përsëri kampion i vendit. Kampionati i zhvilluar për dy ditë me rradhë në Tiranë e që është mbyllur me kurorëzimin e ekipit shkodran si fitues pasditen e sotme. Atletët e drejtuar nga trajnerët Albert Marashi, Vildan Tufi, Isak Bala, Fatjon Serhati dhe Dorian Tafa kanë dominuar mbi kundërshtarët e tyre duke fituar me shumë pikë diferencë ndaj Tiranës që u rendit e dyta. Vllaznia në fund të kampionatit, ka arritur të grumbullojë 213 pikë ndërsa Tirana e vendit të dytë vetëm 160. Kjo tregon më së miri për epërsinë e atletëve shkodranë. Ajo në fakt ka nisur që në ditën e parë, në garat e djeshme. Kanë qenë tre vende të para për atletët e Vllaznisë.

Vllaznia kampione e Shqipërisë edhe në garat e 20 vjeçarëve

 Vllaznia është shpallur kampione e Shqipërisë në atletikë për 20 vjeçarët. Kampionati kombëtar I kësaj grupmoshe është zhvilluar pasditen e së mërkurës në pistën e stadiumit kombëtar “Qemal Stafa” të kryeqytetit dhe është dominuar nga atletët shkodranë. Kanë marrë pjesë në të sportistët më të mirë të të gjithë ekipeve të vendit por natyrisht që performancën më të mirë ndër to e kanë bërë ata të Vllaznisë. Ka spikatur mbi të gjithë atleti Lulëzim Çengeli I cili ka dalë kampion në dy gara, atë të 200 dhe 400 metrave. Ky atlet, është shpallur njëkohësisht edhe sportisti më I mirë I kampionatit duke merituar një kupë të posaçme.

Vllaznia, kërkon titullin kampion të 20 vjeçarëve ditën e nesërme

Pas suksesit në Kupën e Shqipërisë pak ditë më parë kur zuri vendin e parë duke merituar këtë trofe, si dhe pas suksesit tjetër në ditën e kërcimeve, ekipi I Vllaznisë do të kërkojë një tjetër trofe për sezonin. Bëhet fjalë për titullin kampion me 20 vjeçarët. Garat e këtij kampionati do të zhvillohen nesër në Tiranë dhe objektivi I atletëve shkodranë sigurisht që do jetë fitimi sërish I titullit kampion. Vllaznia është kampionia në fuqi e këtij trofeu sepse në vitin 2012 I ka sfiduar të gjithë ekipet  e tjera dhe këtë gjë do të kërkojë ta bëjë edhe këtë vit.

Izmir Smajlaj fitues i dyfishtë në kupën “Hysni Bebeziqi”

Atleti shkodran Izmir Smajlaj ka fituar të dy disiplinat e kërcimeve, atë së gjati dhe trehapësh, të zhvilluara pasditen e sotme në kuadrin e kupës "Hysni Bebeziqi" të organizuar nga klubi shumësportësh Vllaznia në bashkëpunim me Federatën Shqiptare të...

Sot në Shkodër dita e kërcimeve me emrin “Hysni Bebeziqi”

Një aktivitet shumë I rëndësishëm do të zhvillohet pasditen e sotme në pistën e stadiumit “Loro Boriçi” të Shkodrës. Do jetë aktiviteti tradicional që zhvillohet tashmë nga klubi shumësportësh Vllaznia në bashkëpunim me Federatën Shqiptare të Atletikës, pra dita e kërcimeve. Ndryshe ky aktivitet ka edhe emrin e ish- kampionit dhe rekordmenit të shquar të atletikës shkodrane dhe atij shqiptare Hysni Bebeziqi. Jo më kot një aktivitet I tillë zhvillohet në Shkodër sepse ky qytet ka një traditë të shkëlqyer në garat e kërcimeve, si në atë së gjati edhe në trehapësh.

Izmir Smajlaj, vend të parë në turneun ndërkombëtar të Tivarit

Paraqitja e djeshme në turneun ndërkombëtar të Tivarit të Malit të Zi e atletëve shkodranë ka qenë shumë e mirë. Njëri prej tyre, pikërisht Izmir Smajlaj ka zënë vendin e parë në garën e kërcimit së gjati. Në fakt në këtë disiplinë ka patur një konkurrim shkodranësh sepse përveç Smajlajt, ka marrë pjesë edhe atleti tjetër i Vllaznisë Gledis Halluni si dhe shkodrani që konkurron për Tiranën Admir Bregu. Ky i fundit siç dihet është edhe rekodmeni në fuqi i kësaj gare në vendin tonë me 7.75 m. Në këtë garë fitues ka dalë Izmir Smajlaj që ka kërcyer 7.31 m në Tivar duke zënë kështu vendin e parë, i dyti është renditur Gledis Halluni me 7.26 m dhe i treti Admir Bregu me 7.22 m.

5 atletë të Vllaznisë pjesmarrës në turneun ndërkombëtar të Tivarit

Kombetarja e Shqiperise ne atletike per meshkuj do te marre pjese ne nje aktivitet nderkombetar qe do te zhvillohet ne Tivar te Malit te Zi. Kuqezinjte e atletikes ne perberje do te kene atlete qe vijne thuajse te gjithe nga skuadra e Vllaznise. Po ashtu edhe trajneret jane thuajse te gjithe nga Shkodra dhe qe drejtojne ekipet kuqeblu. Keshtu ne 200 meter nga Shkodra do te marre pjese Elvedin Meti qe u shpall fitues i Kupes se Shqiperise para pak ditesh. Ne garen e kercimit se gjati dhe 3 hapesh do te jete Izmir Smajli i cili po ashtu arriti nje rezultat mjaft pozitiv sefundmi ne Kupen e Shqiperise.

Vllaznia shpallet fituese e Kupës së Shqipërisë për të rritur

Ashtu siç pritej, ekipi i Vllaznisë për të rritur, është shpallur fitues i Kupës së Shqipërisë për vitin 2013. Garat janë zhvilluar pasditen e djeshme në stadiumin kombëtar "Qemal Stafa" dhe janë shoqëruar me një rivalitet të madh në mes ekipeve pjesmarrëse. Shkodranët kanë marrë pjesë me një ekip të plotë të përbërë nga 23 sportistë në këtë eveniment të rëndësishëm dhe paraqitja e tyre ka qenë shumë e mirë. Nuk kanë munguar vendet e para në shumë disiplina sportive.

Vllaznia objektivi për të fituar Kupën e Shqipërisë të mërkurën

Ditën e mërkurë në Tiranë do të zhvillohet Kupa e Shqipërisë në atletikë për të rritur. Vllaznia pas suksesit në kampionatin e 18 vjeçarëve të zhvilluar pak ditë më parë ku u shpall kampione e vendit, do të kërkojë...

Vllaznia kampione e Shqipërisë në garat e 18 vjeçarëve

Vllaznia për djem, ashtu siç pritej, është shpallur kampione kombëtare në kampionatin e 18 vjeçarëve të zhvilluar pasditen e sotme. Garat kanë patur shumë rivalitet por në fund kanë triumfuar shkodranët. Kampionati është zhvilluar si zakonisht në stadiumin "Qemal Stafa" në Tiranë dhe në të kanë marrë pjesë të gjithë ekipet e vendit me sportistët e tyre më të mirë. Vllaznia ka qenë e kompletuar në të gjitha disiplinat sportive. Trajnerët Vildan Tufi, Albert Marashi, Isak Bala, Fatjon Serhati dhe Dorjan Tafa kanë punuar në mënyrë të shkëlqyer gjatë gjithë kësaj periudhe derisa kanë korrur suksesin sot. Në fund të garave të sotme, Vllaznia ka arritur të grumbullojë 98 pikë duke zënë vendin e parë dhe shpallur kampione për vitin 2013.

FUTBOLLI I FEMRAVE

Vllaznia- Fortuna Hjorring, ja kur do të luhet sfida në ‘Loro...

Tashmë nuk ka më dilema: Vllaznia ka caktuar datën 11 shtator për të luajtur ndeshjen e parë të turit të dytë të Ligës së...

HISTORI

error: NDALOHET KOPJIMI DHE PËRDORIMI I PA-AUTORIZUAR