Vllaznia për meshkuj fiton edhe në Korçë, 75-63 ndaj Skënderbeut

Ekipi i basketbollit të meshkujve të Vllaznia ka arritur edhe fitoren e dytë në kampionat. Pasditen e sotme ai ka luajtur në Korçë ndaj Skënderbeut vendas dhe ka fituar ndaj tij me rezultatin 75-63. Të shtunën po në këtë qytet dhe po ndaj këtij kundërshtari kishte fituar edhe ekipi i vajzave të Vllaznisë. Të njëjtën gjë kanë bërë edhe djemtë sot. Siç na njofton trajneri Bledar Gjeçaj nga Korça, ekipi i tij e ka dominuar ndeshjen që nga fillimi. Ai e ka fituar periodën e parë në shifrat 18-13, ndërsa shifrat janë thelluar shumë në të dytën që është fituar nga Vllaznia 25-13.

Vllaznia e nis si pretendente. Mund Flamurtarin në javën e parë

E ka nisur si pretendent kampionatin e ri ekipi i basketbollit të meshkujve të Vllaznisë. Ai, në ndeshjen e javës së parë të kampionatit, ka mundur me rezultatin 82-59 ekipin e Flamurtarit të Vlorës. Ndeshja është zhvilluar pasditen e së dielës në pallatin e sportit "Qazim Dervishi". Vetëm perioda e parë e ndeshjes ka qenë e dominuar nga miqtë të cilët fituan atë 20-18 ndërsa në tre të tjerat, është Vllaznia ajo që udhëheq gjatë gjithë kohës.

Vllaznia për femra e nis me humbje kampionatin ndaj Flamurtarit

Ekipi i basketbollit të femrave të rritura të Vllaznisë, e ka nisur me humbje kampionatin e ri. Në ndeshjen e parë, atë që ka zhvilluar ditën e dielë në pallatin e sportit "Qazim Dervishi", ai ka patur përballë një nga ekipet më të mira të kampionatit, Flamurtarin e Vlorës. Për rrjedhojë, nuk ka mundur të bëjë asgjë më shumë përveçse të pranojë humbjen e këtij takimi në shifrat 70-94. Perioda e parë e ndeshjes ka patur rivalitet dhe është mbyllur me rezultatin 19-18 për miket, të cilat në periodën e dytë e kanë thelluar avantazhin teksa kanë fituar 20-11.

Kampionatet nisin të dielën. Dy sfida Vllaznia- Flamurtari

Kampionatet kombëtare të basketbollit më në fund do startojnë. Federata Shqiptare e Basketbollit ka hedhur shortin e këtyre kampionateve ditën e djeshme dhe tashmë mbetet vetëm të presim nisjen e tyre. Nga sa bëhet e ditue, do kemi një shtim të skuadrave në kampionatin e meshkujve teksa këtë sezon do kemi 12 skuadra pjesmarrëse. Në fakt u mendua që këto 12 skuadra të ndaheshin në dy grupe por nuk ka ndodhur kështu. Ato do luajnë në një grup të vetëm dhe do ndeshen me secilën nga dy herë. Ndërsa tek femrat numri është më i vogël- 8.

Vllaznia- Teuta, nesër në orën 14.00 miqësore në “Qazim Dervishi”

Miqësoret për ekipin e basketbollit të meshkujve të Vllaznisë vazhdojnë. Duke qenë se kampionati është shtyrë sërish, trajneri Bledar Gjeçaj ka kërkuar të zhvillojë sërish miqësore dhe për rrjedhojë një tjetër do zhvillohet nesër (e shtunë). Përballë kuqebluve do jetë ekipi i Teutës së Durrësit. Ky i fundit ka pranuar të vijë në Shkodër për të zhvilluar miqësore dhe ajo do zhvillohet në orën 14.00 në pallatin e sportit "Qazim Dervishi". Kjo do jetë miqësorja e tretë për Vllazninë e cila të parën e pat zhvilluar me ekipin e Ulqinit, një nga më të mirët e Malit të Zi, të dytin me Tiranën një javë më parë të cilin e fitoi.

Kampionatet e basketbollit shtyhen sërish. Nisin në nëntor

Kampionatet kombëtare të basketbollit, si për meshkuj ashtu edhe për femra, nuk do të nisin as këtë fundjavë siç ishin planifikuar më parë. Arsyeja është se ekipet pjesmarrëse ende nuk kanë bërë rregjistrimin në Federatë për pjesmarrje dhe njëkohësisht duke paguar detyrimet që ky institucion ka vendosur për sezonin  e ri. Deri ditën e djeshme vetëm dy ekipe janë rregjistruar, ato të Skënderbeut ndërsa të tjerat jo. Ndër ekipet që ende nuk kanë bërë rregjistrimin për pjesmarrjen në sezonin e ri janë edhe ato të klubit Vllaznia. Kjo ka ndodhur ngaqë për të marrë pjesë, këto dy ekipe duhet të paguajnë një shumë prej gati 3 milionë lekësh në arkën e Federatës, shumë që për momentin nuk është në arkën e klubit.

Basketbollistja Gridi Sokoli lë Vllazninë dhe kalon tek Tirana

Basketbollistja më e mirë e Vllaznisë Gridi Sokoli e ka lënë këtë skuadër dhe para pak ditësh ka kaluar tek ekipi i Tiranës. Lajmi është konfirmuar nga drejtuesit e klubit kryeqytetas që e cilësojnë marrjen e kësaj basketbollisteve si një përforcim shumë të rëndësishëm për skuadrën e tyre në prag të nisjes së kampionatit të ri. Por nga ana tjetër, largimi i Sokolit nga Vllaznia, i ka prishur jo pak planet e trajnerit Rajmond Rasha i cili e ka bazuar prej disa sezonesh lojën e skuadrës së tij pikërisht tek kjo sportiste.

Vllaznia fiton 80-66 miqësoren e sotme me ekipin e Tiranës

Ka përfunduar me fitoren e ekipit të Vllaznisë miqësorja e sotme luajtur kundër ekipit të Tiranës të drejtuar nga trajneri Bujar Shehu. Shifrat përfundimtare të këtij takimi ishin 80-66 për shkodranët. Ndeshje në fakt filloi më mirë për bardheblutë të cilët e çuan rezultatin deri në 14-3 në favorin e tyre duke përfituar edhe nga një nisje krejtësisht e përgjumur e basketbollistëve të Vllaznisë. Këta të fundit megjithatë e ndryshim shpejt lojën dhe në periodën e dytë morën frenat e lojës në dorë. Perioda e parë që u mbyll në shifrat 22-15 për Tiranën, u përmbys në të dytën me fitoren e Vllaznisë me 13 pikë, 27-14.

Vllaznia- Tirana nesër në orën 14.00 miqësore në “Qazim Derivishi”

Fakti që kampionatet kombëtare të basketbollit ende nuk kanë nisur, i ka detyruar ekipet pjesmarrëse në to të mundohen të zhvillojnë disa ndeshje miqësore për të mbushur këtë boshllëk të tejzgjatur. Për këtë arsye, Vllaznia nesër (e premte) në orën 14.00 do të presë për një miqësore ekipin e Tiranës. Kjo ndeshje do të zhvillohet në pallatin e sportit "Qazim Dervishi". Kjo miqësore do t'i shërbejë trajnerit Bledar Gjeçaj për të parë edhe njëherë formën e ekipit, një javë para nisjes së kampionatit. Ai ka mbetur përgjithësisht i kënaqur nga ajo çfarë ato paraqitën në miqësoren tjetër që ata zhvilluan me ekipin e Ulqinit pak ditë më parë.

Shorti i kampionateve ende i pahedhur nga Federata

Ndonëse është vendosur që kampionatet kombëtare të basketbollit, si për femra ashtu edhe për meshkuj, do të nisin më datë 27 tetor, shorti për to ende nuk është hedhur. Një situatë kjo paksa absurde megjithatë ky është realiteti. Nga zyrat e Federatës ende nuk ka një datë të saktë në lidhje me këtë por me shumë mundësi shorti do të hidhet të hënën. Merret vesh se në krahasim me sezonin e kaluar është rritur numri i ekipeve pjesmarrëse ndërsa po ashtu janë ndryshuar edhe disa rregulla të tjera nga ana e Federatës. Në klubin shkodran janë mërzitur disi nga kjo shtyrje e pafund e nisjes së kampionateve.

FUTBOLLI I FEMRAVE

Ndryshime në pankinën e “Juban Danja”, ikën Preka. Ja kush e...

Mbyllja e sezonit futbollistik është shoqëruar edhe me ndryshime në pankinën e ekipit të futbollit të femrave "Juban Danja". Kështu, nga sa bëhet e...

HISTORI

error: NDALOHET KOPJIMI DHE PËRDORIMI I PA-AUTORIZUAR