BOKS

Duhej të ishte zhvilluar sot në Podgoricë një turne boksi me pjesmarrjen edhe të 3 boksierëve shkodranë por ai nuk ka shkuar ashtu si duhet. Turneu është bërë por më e çuditshmja është se dy boksierët shkodranë, Asmer Bilali dhe Kristian Demaj nuk kanë bërë ndeshje. Ka ndodhur kështu sepse kundërshtari malazez i Bilalit gjoja ka qenë me temperaturë dhe prandaj nuk është bërë e mundur dalja e tij në ring. Me shumë interes pritej edhe ballafaqimi i Kristian Demës në peshën 81 kg nga një malazezi që është kampion i Mesdheut. Për çudi ai ka lajmëruar në fund se nuk do marrë pjesë në turneun e zhvilluar sot në Podgoricë. Me të mësuar këto lajme, trajneri i ekipit kombëtar shqiptar Zef Gjoni ka protestuar ndaj organizatorëve duke shprehur zemërimin e tij dhe të boksierëve shqiptarë për trajtimin që i është bërë.

Pas Italisë, shteti i dytë që konfirmon pjesmarrjen në Memorialin "Vllaznia 2012", është Kazakistani. Kombëtarja e këtij vendi dallohet për nivelin e lartë dhe për rrjedhojë, prania e boksierëve të saj në ndeshjet që do zhvillohen në pallatin e sportit "Qazim Dervishi", pritet ta rrisë edhe më shumë nivelin e boksimit.Ende nuk është e qartë se me sa boksierë do marrë pjesë Kazakistani megjithatë, pritet që ky vend të përfaqësohet me shumë sportistë. Madje edhe të cilësisë së lartë ashtu si dhe Italia e cila vjen në Shkodër me boksierë që kanë provuar të marrin medalje në LOjërat e mëparshme Olimpike të zhvilluara në Pekin në vitin 2008.

Paraditen e djeshme është inaguruar palestra e re e boksit e klubit sportiv Vllaznia. Në fakt nuk ka patur prerje shiriti por megjithatë tashmë zyrtarisht boksierët shkodrane kanë një palestër të re që është ndërtuar në ambjentet poshtë tribunave të stadiumit "Loro Boriçi". Trajneri i ekipit shkodran Zef Gjoni e vlerëson shumë ndërtimin e kësaj palestre dhe shprehet se ajo do të shërbejë për rritjen e cilësisë sportive të boksierëve të Vllaznisë por edhe të kombëtares shqiptare.

Boksieri i Vllaznisë dhe i ekipit tonë kombëtar të boksit, Kristian Demaj pasi ka arritur të shpallet kampion i vendit një muaj më parë dhe pasi ka fituar medalje të artë në "Gongun e Artë" që u zhvillua në Maqedoni, tenton suksesin edhe në aktivitetin e rradhës. Bëhet fjalë për kupën "Adem Jashari" që do të zhvillohet më 25-26 nëntor në Prishtinë dhe Ferizaj. Në këtë aktivitet do marrin pjesë mbi 10 shtete megjithatë synimet e boksierëve tanë janë për vende të para.

Starton sot në Shkodër kampionati kombëtar i boksit për të rinj. Boksierët më të mirë të të gjithë ekipeve të vendit, kanë mbërritur pasditen e së mërkurës në qytetin tonë për t’u bërë pastaj gati për ndeshjet e ditës së parë. Kampionati do zgjasë tre ditë. Vllaznia do të kërkojë të shpallet kampione e vendit edhe për këtë grupmoshë. Këtë objektiv të saj e ka bërë të ditur për gazetën www.shkodrasport.com njëri nga trajnerët e ekipit shkodran Jozef Sermi që ka thënë: "Vllaznia është përgatitur seriozisht për këtë kampionat ngaqë vitin e kaluar ndoshta edhe si shkak i një neglizhimi të vogël nuk arritëm të shpallemi kampion. Ky gabim nuk do të ndodhë këtë herë teksa me të gjithë boksierët jemi përgatitur shumë seriozisht dhe jam shumë i bindur se do jemi kampionë të vendit".

Pas Zef Gjonit, trajnerit të Vllaznisë në boks, edhe Gëzim Zeneli, trajneri i ekipit të Flamurtarit, mendon se presidenti aktual i Federatës Shqiptare të Boksit Gjergj Leqejza, duhet të hapë krahun. Në një intervistë për gazetën shkodrasport.com, trajneri vlonjat që është njëkohësisht edhe zëvendëstrajner i kombëtares shqiptare, shprehet se boksi nuk ka nevojë për manekinë por për njerëz që duan të investojnë për të.

Kampionati kombëtar i boksit për të rritur është në prag. Ai do të zhvillohet për tre ditë me rradhë, të premten, të shtunën dhe të dielën në pallatin e sportit "Qazim Dervishi" të Shkodrës. Në këtë të fundit gjithçka duket gati. Në televizionet lokale ka filluar transmetimi i një spoti në të cilin i bëhet thirrje sportdashësve për të qenë të pranishëm në këtë impiant sportiv në të tre ditët e zhvillimit të këtij kampionati. Po ashtu po merren edhe masat që në ndeshjet e ditës finale, skena rreth ringut të jetë e tillë që t'i ngjajë ndeshjeve të mëdha të boksit profesionist. Gjërat tek Federata e Boksit duket se kanë filluar të lëvizin për mirë që pas zgjedhjeve të fundit të bëra dhe ardhjes në krye të saj të presidentit Kalivopuli. Sa i takon kampionatit, pritet të ketë një rivalitet të fortë dhe duket se përveç Vllaznisë e Tiranës, në garë për titullin duket se do të jetë edhe Dinamo. Këtë gjë e ka paralajmëruar trajneri i ekipit shkodran Zef Gjoni i cili për shkodrasport.com do të shprehej: