Ada, gati ndëshkimet për të larguarit

Tek skuadra e Adës janë disa futbollistë që janë larguar pse po tentojnë të largohen nga rradhët e saj gjatë kësaj merkatoje të janarit. Me përjashti të Albert Kaçit, i vetmi që e ka patur të shkruar në kontratë largimin në këtë periudhë, të tjerët nuk mund të lejohen. Pikërisht veprimi në një mënyrë ndryshe i disa prej futbollistëve, i ka detyruar drejtuesit e klubit të Adës të paralajmërojnë për ndëshkime financiare për këta futbollistë. I pari që mund ta pësojë është mesfushori Orges Lini Siç bëhet e ditur,drejtuesit e KF Ada Velipojë, kanë përgatitur dokumentacionin që do t'i paraqitet edhe organeve të FSHF-së për gjobitjen e lojtarit të tyre Orges Lini për mosparaqitje në seancat stërvitore të ekipit.

Senad Lekaj firmos për Burrelin

Mesfushori shkodran me tipare sulmuese Senad Lekaj nuk ka përfunduar tek Kamza ashtu siç pritej por në Burrel. Arsyeja është ana financiare sepse ajo çfarë i kanë ofruar kamzalinjtë nuk e ka kënaqur. Për këtë lojtar, ka patur interesim dhe nga skuadra e Kukësit që pretendon Superligën megjithatë në fund ka dalë oferta e Burrelit që e ka bindur. Fakti që në krye të ekipit tashmë është trajneri shkodran Elvis Plori, ka bërë që Lekaj t'i thotë "po" ofertës matjane.

Elvis Plori zyrtarisht trajner i Burrelit

I konsideruar si një ndër trajnerët e perspektivës në Shkodër dhe përtej, Elvis Plori me shumë gjasa mund të zyrtarizohet, por edhe të prezantohet sot, në krye të skuadrës së Burrelit. Nëse ndodhë kështu, kjo mund të quhet aventura e parë e tij, jashtë qytetit të tij të lindjes, si trajner. Për mbi 5 sezone me radhë Plori punoi pranë ekipeve zinxhir të Vllaznisë, duke qenë gjithnjë fitues, pra “kampion”, me moshat që drejtonte.

Uliks Kotrri, “menaxheri” i Tërbunit

Ish-futbollisti i Vllaznisë dhe  i disa ekipeve të tjera nëpër Botë, deri në Zelandën e Re, tashmë me licensën e FIFA-s si menaxher futbolli, Uliks Kotrri, së fundmi duket se ka marrë përsipër për të menaxhuar dhe ekipin e Tërbunit të Pukës, në kategorinë e dytë. Është ai personi, që i qëndron pranë, kohët e fundit, presidentit të këtij ekipi Petrit Sylës, duke i sugjeruar dhe afruar futbollistë të ndryshëm nga Shqipëria dhe jashtë saj.

Merkato shkodrane, nga Hoti tek Puka e Rexhepi

Shumë prej futbollistëve shkodranë janë në merkato ditët e fundit. Kështu, dikush prej tyre kërkon Superligën, të tjerë kategorinë e parë apo dhe më tutje. E rëndësishme për ta është të gjejnë "një strehë" ku të luajnë futboll dhe të sigurojnë disa të ardhura financiare. Kështu mesfushori Erjon Hoti pasi ka luajtur me Dinamon në fazën e parë të kampionatit, tashmë është shumë pranë arritjes së një marëveshje me Pogradecin. Drejtuesit e tij e kanë pëlqyer dhe ka mbetur vetëm mbyllja e anës financiare të kontratës. Po ashtu, në Superligë kërkon të luajë edhe sulmuesi 20 vjeçar Edison Puka.

Elvis Plori, trajneri i ri i Burrelit

Ish-zëvendëstrajneri i Vllaznisë Elvis Plori është shumë pranë emërimit të tij si trajner i ekipit të Burrelit. Kanë mbetur vetë disa bisedime të fundit dhe me shumë mundësi trajneri shkodran do prezantohet ditën e hënë në Burrel para skuadrës. Bisedimet kanë ditë që kanë nisur. Plori ka dashur të shohë nga afër gjendjen e skuadrës matjane para se të vendosë për marrjen e saj dhe pikërisht për këtë arsye, ditën e sotme është organizuar një miqësore mes Burrelit dhe ekipit Vllaznia U-19. Ndeshja është mbyllur në barazim 1-1 kur në fillim kanë shënuar matjanët dhe ka barazuar Harusha për shkodranët e rinj.

Albert Kaçi pranë kalimit tek Besëlidhja

Ish-futbollisti i Vllaznisë Albert Kaçi i ka dhënë fund aventurës së tij të shkurtër tek skuadra e Adës dhe tashmë është vënë në kërkim të një skuadre tjetër. Ditën e djeshme ai ka qenë në Lezhë, madje ka dalë edhe në stërvitje me ekipin e Besëlidhjes dhe me shumë mundësi do jetë pjesë e kësaj skuadre për fazën e dytë të kampionatit. Mesfushori 30 vjeçar është shumë pranë arritjes së një marrëveshjeje me presidentin Noka.

Ada mund Butrintin 2-0 në ndeshjen e fundit të fazës së parë

Ada pas një serie rezultatesh negative, më në fund është kthyer në fitore në shtëpinë  e vet teksa dje pasdite ka mundur Butrintin e Sarandës. Djemtë e teknikut Nikaj kanë arritur të fitojnë me shifrat 2-0 në një përballje pa shumë rivalitet. Përballë njëra tjetrit ka qenë një ekip si Ada që kërkonte fitoren dhe  një tjetër  si Butrinti që dukej se kishte udhëtuar për të marrë jo më shumë se një barazim në këtë përballje.

Ada humbet 0-3 në Lushnjë

Në ndeshjen e javës së 14-të të kategorisë së parë, ekipi i Adës është mundur në shifrat 3-0 në ndeshjen që ka luajtur në stadiumin e Lushnjës ndaj skuadrës vendase. Pritej njëfarë reagimi i skuadrës velipojake e cila pas humbjes javën e kaluar në Velipojë me Luftëtarin, rregjistron edhe një tjetër disfatë duke bërë kështu që pozitat e saj në renditje të bien dhe tashmë renditet në vendin e nëntë në renditje.

Sukaj pranë kalimit tek Ada, por jo Xhevahiri

Një Sukaj është fare pranë kalimit tek skuadra e Adës. Por nuk bëhet fjalë për sulmuesin e Vllaznisë Xhevahir Sukaj sepse do ishte absurde që një lojtar i përmasave të tilla, të luante në kategorinë inferiore të futbollit shkodran. Bëhet fjalë për të vëllanë, portierin e ri Suadin. Ai është aktualisht pjesë e ekipit të të rinjve të Vllaznisë por pa gjetur shumë hapësirë edhe për shkak të moshës së tij sepse është vetëm 17 vjeç.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR