Samuel Nikaj, ofertë për të qenë trajner i Apolonisë

Një lajm shumë interesant vjen nga Fieri. Drejtuesit e Apolonisë, skuadër kjo që merr pjesë edhe në sezonin e ri në Superligën shqiptare, ka kërkuar si trajner të ardhshëm shkodranin Samuel Nikaj. Lajmi konfirmohet nga burime pranë klubit fierak por ndërkohë që në njëfarë mënyrë është pohuar edhe nga vetë ai. Bëhet e ditur se Nikaj ka patur një takim me presidentin e nderit të kësaj skuadre Koço Kokëdhima teksa është biseduar gjerë e gjatë për mënyrën si do të ndërtohet skuadra dhe shumë gjëra të tjera. Madje, thuhet se gjërat kanë shkuar deri tek ana financiare e kontratës ku ende nuk është arritur akordi.

Veleçiku, asnjë lëvizje në prag të sezonit të ri

Në kampin e Veleçikut, dy muaj pas përfundimit të kampionatit të fundit, atij të sezonit 2011-12, ende nuk ka asnjë zhvillim. Lajmet e mira mungojnë nga kjo skuadër. Askush në rradhët e kësaj skuadre nuk di të të thotë se si do të jetë organizimi për sezonin e ri futbollistik. Skuadra e Veleçikut do të marrë pjesë në turin eliminator të Kupës së Shqipërisë si skuadra që zuri vendin e tretë në kategorinë e dytë, por ajo ende nuk ka filluar stërvitjen dhe nuk dihet se kur do të ndodhë kjo gjë.

Tërbuni mund Partizani 3-1. Pukjanët, kampionë të kategorisë së dytë

Tërbuni është shpallur pasditen e sotme kampion i Kategorisë së Dytë teksa kanë mundur Partizanin 3-1 në ndeshjen e luajtur në stadiumin "Selman Stërmasi" të Tiranës.Djemtë e terbunit kanë bërë një loje të shkëlqyer duke shënuar kështu në portën e demave të kuq 3 here . Një ndeshje e shkëlqyer dhe një fitore e merituar kundër legjendareve. Tribuna qëndrore e stadiumit “Selman Stermasi” u tejmbush edhe nga femrat një fenomen i rrallë që duhet marr si shembull edhe nga Superliga. Minutat e para të lojës kanë qenë të qeta me pak ngacmime nga të dyja portat. Në minutën e 15-të Çapja pas një kundërsulmi shënon në portën e kundërshtarit duke shtangur tifozat e Partizant dhe duke i “çuar” në qiell me gëzim ato të Tërbunit që ishin të shumtë në numër.

Flamur Hoxha: Kukësi të dielën “firmos” historinë! Ejani të festojmë!

 

Që prej tre vjetësh ka filluar të dëgjohet dhe të “kumbojë” gjithnjë e më shumë emri i Kukësit. E ky tanimë jo vetëm si një qytet me vlerat e tij ento-kulturore, por tani më së shumti për ato sportive. Pikërisht tre sezone më parë kjo skuadër, që në atë kohë ishte e “pagëzuar” me emrin “Përparimi” i Kukësit, ishte fare pak e njohur në Shqipëri. Por tani nuk mund të thuhet e njëjta gjë. Ky ekip është fare pranë suksesit të tij historik: për herë të parë ta shikojë vete në Superligë; mes më të mirave të futbollit shqiptar. Por përveç atyre që “dirigjojnë” në fushën e lojës, pra futbollistët dhe stafi teknik, disi më në “hije” qëndrojnë ata të cilët bënë, që një qytet i tërë, por edhe përtej, të ndihet i lumtur dhe i gëzuar. Të ndihet njëlloj si gjithë qytetet e tjera të Shqipërisë dhe të mos paragjykohet dhe të mos “persekutohet”, të paktën as nën zë.

Klubi i futbollit “ADA” tashmë me faqen e tij të internetit

Ndryshimet për mirë tek klubi i futbollit Ada vazhdojnë sërish. Pas suksesit që pati me krijimin e ekipit të femrave me të cilin në dy vite të krijimit doli dy herë Kampione e Shqipërisë dhe fitoi një edicion Kupën, njëkohësisht është vazhduar edhe me plotësimin e hallkave të gjithë ekipeve zinxhir të Akademisë teksa tashmë me këtë ekip stërviten futbollistë që nga mosha 10 vjeç. Por presidentët Lazër Matia dhe Alfred Pjetri nuk janë ndalur këtu. Në kuadrin e përpjekjeve për ta bërë Adën një klub sa më serioz, nga dita e sotme, klubi i futbollit "ADA' ka edhe faqen e saj të internetit. Në adresën www.kfada.com, tashmë mund të gjeni çdo njoftim zyrtar për skuadrën velipojake. Në këtë faqe mund të njiheni me përbërjen e ekipit të të rriturve, atë të femrave, ekipet e Akademisë dhe çdo gjë. Hapësira të veçanta i janë lënë edhe galerisë së fotove dhe videove nga ndeshje dhe aktivitete të Adës që nga krijimi i saj në vitin 1996 dhe deri më sot.

Ada mundet 0-2 në Gjirokastër nga Luftëtari kryesues

Luftëtari ka mundur sikurse pritej Adën e Velipojës ditën e djeshme me rezultatin 2-0. Shkodrani Rraboshta i ka kaluar bluzinjtë e Nevil Dedes që në minutën e 11-të në epërsi, duke e bërë më të qetë në aspektin psikologjik për të tijtë vijimin e sfidës. Në pjesën e dytë, pasi ka shpërdoruar shumë, ka konkluduar edhe Arlind Nora, duke e vënë në siguri të plotë 3-pikëshin. Në aspektin personal, Nora ngjitet në kuotën e 20 golave në kampionat. Interesi i Luftëtarit lidhej edhe me fatin e Kukësit në Lezhë, sepse frenimi i verilindorëve siguronte edhe matematikisht ngjitjen në Superiore, që është edhe misioni kryesor i këtij sezoni për bluzinjtë, por edhe afrimin e ndjeshëm me titullin kampion.

Pjetri: Edhe ndaj Luftëtarit do kërkojmë pikë

Pas ndeshjes me Skraparin dhe peripecitë e ndodhura në të, drejtuesit e Adës dolën me një deklaratë për shtyp ku bënin të ditur ndër të tjera se kjo skuadër do ta respektonte deri në fund kampionatin, pavarësisht se me një vendim të tilla mund t’I prishte punë skuadrave të tjera ndoshta. Kjo jo “për t’u mbyllur” gojën drejtuesve të Skraparit që I akuzuan gjoja për tolerim ndaj Himarës në kurriz të tyre por për të treguar se vërtetë do luajnë në atë mënyrë, në çdo ndeshje që ka mbetur deri në fund të kampionatit. Si për ta vërtetuar këtë gjë, velipojakët mundën javën e kaluar në fushën e tyre fqinjët e Besëlidhjes duke u prishuar atyre jo pak punë për zënien e vendit të katërt në renditje. Shumëkush mbase “I akuzoi” futbollistët e Adës për këtë lojë të fortë dhe për mostolerim megjithatë ata bënë punën e tyre. Ashtu siç do ta bëjnë edhe sot ndaj Luftëtarit në Gjirokastër apo javën e ardhshme në Velipojë ndaj Lushnjës.

Ada mund edhe Besëlidhjen. Vendos goli i Lifjes

 

 

Një tjetër trepikësh për velipojakët dhe tashmë për ta ka edhe më shumë shanse që të pozicionohen në një vend shumë komod në mesin e tabelës së renditjes. Goli I Lifjes ka thyer lezhjanët edhe për të vërtetuar deklaratën e drejtuesve të klubit bërë pas ndeshjes me Skraparin se Ada do vazhdojë të luajë fort deri në fund të kampionatit, pavarësisht problemeve që mund t’u shkaktojë ekipeve kundërshtare. Për miqtë nga Lezha kjo humbje ka ndikuar direkt atyre në ecurinë e tyre drejt kërkimit të supërligës si ekipi I vendit të dytë siç edhe pretendonin lezhjanët. Përballja mes këtyre dy skuadra është karakterizuar nga një luftë e fortë sportive që nga minuta e parë deri tek e fundit. Ashtu siç edhe ishte paralamëruar ekipi I Adës ka treguar se është I fortë me të fortët dhe për më tepër këtë e ka treguar edhe në lojën e zhvilluar në takimin e djeshëm.

Ada fiton 3-0 në tavolinë ndeshjen e ndërprerë ndaj Skraparit

Komisioni i Disiplinës pranë FSHF-së i mbledhur pasditen e sotme, ka vendosur t'ia japë fitoren 3-0 në tavolinë Adës për takimin e fundit, atë që është luajtur dje në Skrapar dhe që është ndërprerë në minutën e 43-të pas dhunës së ushtruar nga vendasit ndaj gjyqtarëve të takimit. Por ndëshkimi për Skraparin nuk është ndalur vetëm me kaq pasi kësaj skuadre, për gjithë këtë dhunë të ushtruar, i janë zbritur edhe tre pikë të tjera në renditje dhe po ashtu, e kanë dënuar atë për të mos luajtur 8 ndeshjet e ardhshme në fushën e saj. Në këtë mënyrë, Ada me këtë fitore është ngjitur në kuotën e 33 pikëve duke qenë në vendin e tetë të renditjes, me golaverazh më të mirë se Burreli.

Deklaratë për shtyp e KF Ada: Ja çfarë ndodhi në Skrapar

KF Ada duke marrë shkas nga ato çfarë ndodhën në ndeshjen e javës së 26-të në mes ekipit tonë dhe atij të Skraparit detyrohet të dalë me këtë deklaratë për shtyp për të denonuar aktet e dhunës të ndodhura në këtë ndeshje si dhe për t’I kërkuar FSHF-së marrjen e masave të duhura për mospërsëritjen e tyre.

KF Ada është I indinjuar nga pritja që na është bërë prej ekipit të Skraparit e për më tepër, nga dhuna e ushtruar ndaj ekipit tonë si në fushë ashtu edhe jashtë saj.

Për çudi, që në momentin e mbërritjes në stadiumin e Skraparit, hasëm në presione nga më të ndryshmet ndaj nesh, në lidhje gjoja me ndeshjen tonë ndaj Himarës një javë më parë. Sa për saktësuar gjërat në lidhje me takimin ndaj Himarës të cilin e humbëm 1-2 në Velipojë, bëjmë me dije se ka qenë një humbje që na ka kushtuar jo pak ekipit tonë sepse pas asaj humbje, pozitat tona në renditje u përkeqësuan dhe u shtuan shanset për rënien nga kategoria. Për atë humbje, klubi ka marrë masat e duhura ndëshkimore duke gjobitur gjithë futbollistët me nga një rrogë mujore e po ashtu ndonjë prej futbollistëve është paralajmëruar me përjashtim për mosimpenjim në atë ndeshje. Në kushte të tilla, ne sigurisht që shkuam për të marrë pikë në Skrapar. 

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR