Deklaratë për shtyp e KF Ada: Ja çfarë ndodhi në Skrapar

KF Ada duke marrë shkas nga ato çfarë ndodhën në ndeshjen e javës së 26-të në mes ekipit tonë dhe atij të Skraparit detyrohet të dalë me këtë deklaratë për shtyp për të denonuar aktet e dhunës të ndodhura në këtë ndeshje si dhe për t’I kërkuar FSHF-së marrjen e masave të duhura për mospërsëritjen e tyre.

KF Ada është I indinjuar nga pritja që na është bërë prej ekipit të Skraparit e për më tepër, nga dhuna e ushtruar ndaj ekipit tonë si në fushë ashtu edhe jashtë saj.

Për çudi, që në momentin e mbërritjes në stadiumin e Skraparit, hasëm në presione nga më të ndryshmet ndaj nesh, në lidhje gjoja me ndeshjen tonë ndaj Himarës një javë më parë. Sa për saktësuar gjërat në lidhje me takimin ndaj Himarës të cilin e humbëm 1-2 në Velipojë, bëjmë me dije se ka qenë një humbje që na ka kushtuar jo pak ekipit tonë sepse pas asaj humbje, pozitat tona në renditje u përkeqësuan dhe u shtuan shanset për rënien nga kategoria. Për atë humbje, klubi ka marrë masat e duhura ndëshkimore duke gjobitur gjithë futbollistët me nga një rrogë mujore e po ashtu ndonjë prej futbollistëve është paralajmëruar me përjashtim për mosimpenjim në atë ndeshje. Në kushte të tilla, ne sigurisht që shkuam për të marrë pikë në Skrapar. 

Ndërpritet ndeshja në Skrapar. Ada drejt fitores në tavolinë

Ndeshja e javës së 26-të në mes ekipeve të Skraparit dhe Adës nuk ka përfunduar deri në fund. Një incident i futbollistëve dhe drejtuesve të ekipit të Skraparit me gjyqtarët, ka bërë që ndeshja të ndërpritet në fundin e pjesës së parë. Për rrjedhojë, pjesa e dytë nuk është luajtur dhe në këtë mënyrë gjyqtarët nuk e kanë vazhduar lojën pas dhunës së ushtruar ndaj tyre. Ndërprerja e ndeshjes, do të thotë se ndeshja do t'i jepet në tavolinë ekipit të Adës me rezultatin 3-0. Në momentin  ndërprerjes së lojës, në minutën e 43-të rezultati i ndeshjes ka qenë 1-1. Të parët kanë kaluar në avantazh velipojakët me anë të Selmanit në minutën e 8-të të ndeshjes dhe më pas ka barazuar Koreshi për vendasit.

Ada mundet 1-2 në Velipojë nga Himara

Ada pa trajnerin Samuel Nikaj në pankinë, nuk ka mundur të marrë qoftë edhe një pikë në ndeshjen e djeshme. Ka qenë Himara ajo që ka marrë një tre pikësh të artë në fushën e vështirë të të Velipojës. Ekipi I drejtuar nga Liçaj ka bërë maksimumin në këtë përballje me Adën e cila përveç mungesës së trajnerit të parë të saj Samuel Nika ka patur mungesë edhe të disa lojtarëve titullarë në këtë përballje. Me fitoren e djeshme, himariotëve u janë rikthyer shpresat për një qëndrim në këtë kategori. Pjesa e parë ka qënë më e mirë për vendasit të cilët kanë kërkuar që të shënojnë që në minutat e para të takimit. Megjithatë me kalimin e minutave, djemtë e teknikut vlonjat Liçaj kanë arritur që të kundërpërgjigjen dhe për më tepër të kërkojnë të bëjnë maksimumin në fushën e lojës.

Ada fitore nën kontestimin e miqve nga Mamurrasi

Tre pikë shumë të vlefshme kanë qenë ato të djeshmet për skuadrën velipojake e cila me to tashmë duket më e qetë në rrugën e saj për të qëndruar larg zonës së ftohtë. Ada është kthyer pas disa takimeve tek fitorja. Ekipi velipojak ka arritur të fitojë me shifrat 1-0, me gol të shënuar në të 51-tën minutë nga ana sulmuesit Edison Puka.  Një fitore që mund të ishte edhe më e thellë nëse lojtarët vendas mund të ishin treguar më të kujdeshëm, por edhe për meritë të lojës së mirë të portierit Gjergji, I cili me pritjet e tij ka qënë vendimtarë në disa raste të vendasve.

Kreshnik Krepi: I thashë “jo” ofertës së Australisë

  Dy javë përpara fundit të kampionatit, Juban Danja ndodhet 5 pikë larg Adës kryesuese megjithatë ajo ka ende shpresa tek titulli kampion. Trajneri i këtij ekipi Kreshnik Krepi mendon se edhe Ada mund të gabojë ashtu siç gaboi...

Veleçiku, një gol me vlerën e tre pikëve

Veleçiku nuk ka gabuar në ndeshjen e tretë të fazës së dytë, ku përballë Egnatias ka marrë 3 pikët, falë një goli të mbrojtësit Rajçeviç. Objektivii vetëm i koplikasve për këtë ndeshje ka qenë fitorja, pasi ata vinin pas 2 humbjeje radhazi. Kështu, Veleçiku e ka nisur ndeshjen në sulm dhe ka krijuar disa raste, por ka arritur ta zhbllokojë rezultatin vetëm në minutën e 35-të, pas një aksioni të shkëlqyer, të finalizuar nga Rajçeviç.Pjesa e parë është mbyllur me rezultatin 1-0 dhe në të dytën vendësi i kanë vazhduar përpjekjet për të shënuar sërish, por nuk kanë mundur ta bëjnë këtë gjë, edhe pse rastet nuk kanë munguar. Vlen të theksohet fakti se ka qenë një ndeshje mjaft korrekte nga të dyja palët, edhe pse terreni ka qenë pak i rënduar në reshjet e shiut.

Sukthi merr tre pikë brenda në Peshkopi

Korabi ka dalë pa pikë nga fusha e tij, ku dje ka pritur Sukthin e vendit të dytë. Ndeshja është luajtur nën reshje dëbore të cilët nga fundi i ndeshjes janë shtuar shumë. Miqtë kanë treguar se jo më kot qëndrojnë në këtë pozicion dhe pretendojnë ngjitjen në kategorinë e parë. Ata kanë përfituar edhe nga nervozismi i vendasave në këtë ndeshje për rrjedhojë, e kanë nisur shumë mirë lojën dhe pas 6 minutash kanë kaluar në epërsi me anë të Ibrahimllarit.

Ada ndal Elbasanin. Barazim 1-1 në Velipojë

Barazim 1-1 në mes Adës dhe Elbasanit në ndeshjen e luajtur sot pasdite në fushën sportive "Adriatik" të Velipojës. Miqtë kanë kaluar në avantazh që në minutën e 3-të me anë të Mustajt dhe vendasve i është dashur shumë punë për të barazuar. Ai ka ardhur pikërisht në minutën e 65-të të ndeshjes kur gjyqtari Masha ka akorduar 11-metërsh dhe nga pika e bardhë, mbrojtësi Gent Isufi ka qenë mjaft i saktë duke e dërguar topin në rrjetë. Loja ka qenë përgjithësisht e kontrolluar nga velipojakët që kanë patur edhe raste më të pastra për shënim por lojtarët e saj janë nxituar para portës kundërshtare.

Kallaverja nuk e kapërdin dot barazimin

Korabi nuk ka mundur të fitoj ndaj Olimpikut pasi edhe fati nuk ishte në anën e tij. Rastet e shumta që patën futbollistët dibranë, treguan më së miri lojën e zhvilluar nga futbollistet tanë, por portieri mik ishte në formë mjaft të mirë ku në disa raste i ka ardhur në ndihmë dhe shtylla tranversale. Ndërkohë Kallaverja thotë që do ishte mirë ta nisnim me fitore fazën e dytë para tifozëve tanë. "Por në futboll duhet t'i pranosh të tre rezultatet pasi edhe gjatë fazës përgatitore kemi hasur shumë vështirësi pasi fusha e stadiumit ka qenë e mbuluar nga dëbora ku dhe ndeshjet miqësore na kanë munguar pasi kemi zhvilluar vetëm një me të rinjtë e Kukësit.

Barazim 1-1 mes Korabit dhe Olimpikut

Në stadiumin "Korabi" të Peshkopisë është luajtur pasditen e sotme takimi ndërmjet Korabit vendas dhe Olimpikut, takim i cili përfundoi në barazim 1-1. Vendasit e nisën mjaft mirë takimin duke ushtruar presion në portën kundërshtare, por miqtë nga Tirana në minutën e 34-të, duke përfituar dhe nga një gabim i mbrojtjes vendase, arrijnë të zhbllokojnë rezultatin me anë të Londos. Me këtë rezultat u mbyll pjesa e parë e kësaj ndeshje. Në pjesën e dytë vendasit hidhen tërësisht në sulm për të barazuar por vetëm në minutën e 75-të do të barazonin rezultatin me anë të Brahasanit.

FUTBOLLI I FEMRAVE

FOTO/ Megi DOÇI jo vetëm futbolliste: Mos u mundo të më...

Megi Doçi, futbollistja e Vllaznisë, nuk është e talentuar vetëm me topin në këmbë, por edhe jashtë fushës së blertë. Me anë të një foto...

HISTORI

error: NDALOHET KOPJIMI DHE PËRDORIMI I PA-AUTORIZUAR