KATEGORIA SUPERIORE

Duket se nuk është vetëm një hamendësim apo sajesë e medias, por mesa duket largimi i dyshes sulmuese më të mirë të  kampionatit shqiptar, Xhevahir Sukajt e Armando Vajushit, është i sigurtë në janar. Të dy futbollistët e Vllaznisë, e kanë pohuar dje këtë fakt për gazetën “Metropol Sport”, duke dhënë, madje edhe detaje.

Vllaznia dhe Tirana kanë vendosur të harrojnë gjithçka ka ndodhur mes tyre ditët e fundit dhe sëbashku do të nisin një etapë të re bashkëpunimi. Drejtuesit e klubit tiranas kanë qenë sot në Shkodër për të kërkuar falje për sjelljen e tifozëve të tyre. Të drejtuar nga presidenti Refik Halili, kanë qenë edhe administratori Krenar Alimehmeti, kapiteni i ekipit Ervin Bulku apo dhe emra të tjerë si Indrit Fortuzi e të tjerë. Ata janë pritur nga ana e zëvendëspresidentit të Vllaznisë Isufi, administorit Kalamishi, shefit të klubit Grima si dhe emrat e njohur të futbollit si Rragami, Ndoja, Zmijani e Sinani.

Në stërvitjen e pasdites së sotme, zhvilluar në fushën sportive "Reshit Rusi" kanë qenë të pranishëm shumë prej futbollistëve që kanë mbyllur sezonin e kaluar me Vllazninë. I vetmi që ka munguar ka qenë mesfushori Arlind Kalaja.

Në barazim 0-0 është mbyllur ndeshja e parë e turit të parë të Kupës së Shqipërisë në mes Kastriotit dhe Vllaznisë. E luajtur në Krujë pasditen e sotme, ky takim nuk ka dhuruar fitues ndonëse rastet nuk kanë munguar rastet për të dy ekipet. Skuadra shkodrane e ka nisur këtë ndeshje me formacionin e saj thuajse më të mirë teksa në fushë kanë qenë 9 nga 11 futbollistët që luajtën tre ditë më parë ndaj Lushnjës.