Trajneri i Bylisit Shensoj vetëofrohet për pankinën e Vllaznisë

Pasditen e sotme në Ballsh do luhet ndeshja e vlefshme për javën e 21-të e kampionatit të Superligës në mes ekipeve të Bylisit dhe Vllaznisë dhe interesant në këtë pragndeshje është fakti se trajneri aktual i skuadrës ballshiote Naxhi Shensoj, ka shprehur hapur dëshirën e tij për të drejtuar Vllazninë në sezonin e ardhshëm. Përmes menaxherit të tij, ai ka ndërhyrë tek drejtuesit shkodranë për ta hedhur si kandidaturë edhe emrin e tij. Kuptohet që të jesh trajner i Vllaznisë për të është kënaqësi. Menaxheri i tij, ish-futbollisti i Vllaznisë Erkan Sulejmani, ka kohë që ngulmon për këtë lëvizje.

Samuel Nikaj jep dorëheqjen nga pankina e Adës

Kohë largimesh të trajnerëve nga pankinat. Pas Rudi Vatës, një tjetër trajner shkodran është larguar nga kjo detyrë. Por nëse i pari është shkarkuar, i dyti ka dhënë dorëheqjen. Nikaj ka bërë të ditur sot se i kanë kërkuar drejtuesve të Adës të pranojnë dorëheqjen e tij dhe kjo ka ardhur për arsye shëndetësore. Në ditët e ardhshme, trajneri i velipojakëve do t'i nënshtrohet një operacioni të hernieve diskale dhe pikërisht për këtë arsye i duhen disa ditë të mira pushimi. Në kushte të tilla, ai e ka parë të arsyeshme që më të mirë të dorëhiqet edhe ngaqë skuadra e tij nuk ndodhet në pozita të vështira në renditje.

Vata: Kam dyshimet e mia për ndeshjen e humbur ndaj Pogradecit

Humbja e pësuar në ndeshjen e tij të fundit si trajner i Vllaznisë, i ka lënë shije shumë të hidhur Rudi Vatës. Përpos akuzave ndaj gjyqtarëve të takimit, ai ka dyshimet e tij se për humbjen e kësaj ndeshje, mund të kenë patur ndikim edhe vetë pjestarë të Vllaznisë. Këtë ai e ka bërë të ditur në emisionin "Eurodita" mbrëmjen e së premtes në televizionin Rozafa kur ka thënë:

Tifozët protestë para Bashkisë. Kush jep llogari për këtë Vllazni?

Mesditën e sotme është zhvilluar protesta e paralajmëruar e tifozëve të Vllaznisë para Bashkisë Shkodër. Në orën 13.30, para zyrave të saj në fakt numri i tifozëve që janë grumbulluar nuk ka qenë shumë i madh. Më aktivët sigurisht që kanë qenë tifozët e grupimit "Vllaznit Ultras", të cilët me pankarta në duar, kanë brohoritur kundër Bashkisë dhe drejtuesve të klubit. "Bashki amatore" dhe "Deri kur me prit, dona Vllazni kampione" kanë qenë pankartat dhe thirrjet kryesore të këtij grupimi. Ndërkohë përveç tyre, në këtë protestë kanë marrë pjesë edhe një grup tjetër jo shumë i madh tifozësh, më të vjetër në moshë që kanë folur edhe për gazetarët. "Nuk e kuptojmë çfarë duan të bëjnë me këtë Vllazni.

Rudi Vata: Do mbrohem me avokatë ndërkombëtarë ndaj Vllaznisë

Ish-trajneri i Vllaznisë Rudi Vata duke folur në lidhje me atë çfarë kanë deklaruar drejtuesit e Vllaznisë se do ngrenë një padi penale ndaj tij në lidhje me akuzat që ka bërë, ka bërë të ditur se në rast se nis kjo gjë, ai do mbrohet nga avokatë ndërkombëtare. Rrëfimin ai e ka bërë të ditur në një intervistë për televizionin TV1 Channel teksa ka thënë: "Drejtuesit e Vllaznia nuk mund të më bëjnë shantazh mua për të mbyllur gojën. Rudi Vata nuk e ka mbyllur asnjëherë dhe nuk do ta mbyllë atë kur thotë të vërtetën. Nëse vërtetë drejtuesit e Vllaznisë duan ta bëjnë një gjë të tillë, atëherë sapo të njoftohem për këtë gjë, do njoftoj Ambasadën Britanike në Tiranë meqë unë jam shtetas britanik dhe do angazhoj avokatë ndërkombëtarë për këtë çështje.

Klubi Vllaznia gati padia penale ndaj Rudi Vatës për akuzat e tij

Në klubin Vllaznia dhe Bashkinë Shkodër nuk kanë ndër mend t’I tolerojnë akuzat e ish-trajnerit Rudi Vata ndaj tyre. Pikërisht për këtë arsye, drejtuesit e tyre janë duke bërë gati padinë penale ndaj tij. Një padi që në ditët e ardhshme mund të depozitohet në Gjykatën e Shkodrës. Lajmi bëhet I ditur nga burime pranë klubit shkodran, të cilat saktësojnë se  drejtuesit e klubit shkodran, që janë njëkohësisht edhe pjesë të Bashkisë Shkodër, po hartojnë dokumentacionin e duhur për ta dërguar këtë çështje në organet e drejtësisë. Ata nuk mund të lejojnë qoftë ky edhe një njeri me shumë reputacion si Rudi Vata, I cili deri para tre ditësh ka qenë edhe trajner I ekipit të tyre, të thonë gjëra të pavërteta.

Vata: Presioni ndaj meje, shantazh kundër fjalës së lirë

Ish trajneri i skuadrës së Vllaznisë, Rudi Vata tha duke folur gazetën “Shekulli” se presioni ndaj tij për të tërhequr ato që ka thënë, është shantazh kundër fjalës së lirë. Para pak ditësh Vata shpërndau në media një listë ku thuheshin arsyet e situatës negative të krijuar në klubin Vllaznia. Në këtë listë shkruhej për ekzistencën e një “fondi të zi për arbitrat” dhe “shitja e një projektplani në media” nga drejtuesit e klubit. Menjëherë pas kësaj deklarate, drejtuesit e klubit Vllaznia vendosën unanimisht për shkarkimin e tij dhe njëkohësisht i kërkuan atij të tërheqë akuzat e tij ose përndryshe do ndiqej penalisht për shpifje. Vata tha të hënën se “për mendimin tim këto janë shantazhe ndaj fjalës së lirë. "Unë ato që kam thënë nuk i tërheq  pas, sepse janë të bazuara mbi të vërteta. Fatkeqësisht tek skuadra e Vllaznisë po udhëheqin njerëz që nuk kanë asnjë lidhje profesionale dhe shpirtërore me futbollin”, tha Vata.

Astrit Premçi në krah të Grimës në pankinën e Vllaznisë

Ish-kapiteni i Vllaznisë së viteve '90 Astrit Premçi, që nga dita e sotme do jetë krahu i djathtë i Armir Grimës. Ai është emëruar për të qenë në postin e zëvendëstrajnerit të kësaj skuadre. Në fakt, nuk do jetë një post i tillë i mirëfilltë pasi ideja është që skuadrën në këtë periudhë ta drejtojnë në mënyrë kolegjiale disa nga ikonat e këtij klubi, Grima, Premçi e Sinani. Të tre sëbashku ata, por edhe me trajnerin e portierëve Legata, tashmë përbëjnë stafin e skuadrës shkodrane pas largimit të Vatës. Premçi sot ka drejtuar seancën e parë në krah të Grimës. Ai ka qenë edhe më parë në këtë post teksa para disa sezonesh ka punuar bashkë me Hysen Dedjen tek Vllaznia.

Kryebashkiaku Luka “i mbyll” gojën Troshanit dhe Shabës

Pas akuzave të rënda të ish-trajnerit Rudi Vata, pritej që të kishte një reagim mediatik të dy prej të sulmuarve prej tij, nënkryetarit të Bashkisë Ritvan Troshani dhe administratorit Kujtim Shaba. Ndonëse reagimi I parë ka qenë përmes deklaratës për shtyp të lëshuar nga ana e klubit paraditen e së premtes, ku I bëhej thirrje Vatës të tërhiqte akuzat e tij ose në rast të kundërt, ata do t’I drejtoheshin organeve të drejtësisë, u prit një dalje e tyre edhe në ekranet televizive.

Zmijani dhe Martini: Bashkia gaboi me Rudi Vatën

Në Shkodër pritej një situatë e tillë. Kjo konfirmohet edhe nga dy figura të shquara të Vllaznisë ndër vite. Edi Martini, ish-lojtar dhe ish-trajner i kuqebluve, si dhe i famshmi Hysen Zmijani, kanë komentuar për “Panorama Sport” zhvillimet më të fundit në klubin kuqeblu. Për dy ish-futbollistët e mirënjohur, bashkia ka gabuar me shkarkimin e trajnerit Rudi Vata. I pari flet Martini, i cili përpara dy sezonesh ka drejtuar Vllazninë.

FUTBOLLI I FEMRAVE

Federata vjen me një tjetër risi. Kompeticioni i ri për femrat...

Futbolli i femrave nuk do ta nisë vitin me ndeshjet e Kupës së Shqipërisë si çdo vit tjetër, pasi Federata ka menduar për një...

HISTORI

error: NDALOHET KOPJIMI DHE PËRDORIMI I PA-AUTORIZUAR