KATEGORIA SUPERIORE

Opinion
Nga Pjerin Mirdita
Padyshim që ishte surpriza më e këndshme e takimit, Dritan Smajli. Ai i cili gabimin e dy javëve  më parë në ndeshjen kunder Bylisit, e shpërbleu me një takim ne kufinjtë e perfektes në Fier. Gol me kokë, asist për golin e Sukajt, iniciator i golit te Vajushit dhe galopimet karakteristike në krah, praktikisht bëri gjithçka sot. Spostimi taktik i trajnerit Vata, i cili shtyu Smajlin para dhe tërhoqi  Gocajn në mbrojtje në krahun e djathtë, i dha më së miri frytet e veta.

Skuadra shkodrane nuk ka arritur dot të fitojë as ndaj Laçit. Në takimin e luajtur pasditen e sotme në stadiumin e qytetit të Krujës, kuqeblutë e trajnerit Zmijani janë mundur me rezultatin 0-1. Fatin e ndeshjes e ka vendosur sulmuesi Xhejms që ka shënuar golin e vetëm të takimit në minutën e fundit të pjesës së parë. Pavarësisht se Laçi mësohet se nuk ka zhvilluar një lojë të mirë, sërish ai ka dalë fitues ndaj një Vllaznie e cila ka kontrolluar takimin por gjithsesi ka dalë e mundur prej tij. Me humbjen e sotme, shkon në 10 numri i ndeshjeve që skuadra drejtohet nga stafi aktual dhe ajo ka arritur të marrë vetëm 8 pikë nga 30 të mundshmet.