Trajneri Duro i alarmuar: Vllaznia pëson gola edhe në stërvitje

Në kampin shkodran nuk ka qetësi. Trajneri Shpëtim Duro është parë tejet i nervozuar gjatë stërvitjes së të mërkurës, teksa për 20 minuta ka zhvilluar edhe një ndeshje kontrolli në mes ekipit të parë që mendohet të luajë në Kukës dhe ekipit të rezervave. Pikërisht në një moment të kësaj minindeshjeje, formacioni i dytë ka shënuar gol teksa mbrojtësit titullarë kanë gabuar sërish në vendosje. Kaq ka mjaftuar që njeriu i pankinës shkodrane “të shpëthejë”.

Vllaznia, Deliç, Hysa e Begaj jashtë formacionit

Ndryshime në formacion për ndeshjen me Kukësin tek Vllaznia. Trajneri Duro, I pakënaqur nga paraqitje a disa prej futbollistëve në ndeshjen e parë të kampionatit, atë të humbur ndaj Skënderbeut, ka vendosur të lërë jashtë formacionit disa prej titullarëve të asaj ndeshje. I pari që do ta pësojë është mesfushori malazez Ivan Deliç. Pavarësisht bagazhit të shkëlqyer teknik që ai disponon duket se lojtari I ardhur këtë verë në Shkodër ende nuk e ka kontigjentin e duhur fizik.

Kuqeblutë shfajësohen: Vllazninë e vërtetë ende se keni parë

Starti negativ që Vllaznia i bëri kampionatit të ri, nuk është pritur mirë në ambjentin sportiv shkodran. Të gjithë janë të mendimit se llogaritë nuk ishin bërë ashtu siç duhet për ndeshjen me Skënderbeun. Madje në këtë përfundim kanë dalë edhe vetë futbollistët dhe stafi drejtues i kësaj skuadre. Në një analizë të shkurtër që skuadra ka bërë pasditen e së hënës, në prani edhe të drejtorit sportiv Grima, konkluzionet e nxjerra kanë qenë kryesisht ato të nënvlerësimit të kundërshtarit dhe marrjes së lehtë të ndeshjes. Secili prej pjestarëve të skuadrës ka marrë përgjegjësitë e tij për atë humbje. Shkaku kryesor që çoi në humbjen duket se ka qenë euforia që kishte pushtuar ekipin.

Kukësi- Vllaznia, të shtunën ora 17.00 pa tifozë për javën e dytë

Ndeshja e javës së dytë të kampionatit, ajo në mes Kukësit dhe Vllaznisë, që do të zhvillohet në stadiumin e qytetit të Kukësit, do të luhet pa tifozë. Skuadra vendase e cila luan për herë të parë në historinë e saj në kategorinë superiore, do të vuajë dënimin e dhënë që nga sezoni I kaluar nga Federata Shqiptare e Futbollit. Në javën e parë në fakt, u bë një përjashtim nga ana e institucionit që drejton futbollin shqiptar meqë Kukësi inaguroi stadiumin e ri dhe prandaj ndeshja me Luftëtarin u luajt në praninë e tifozëve. Në javën  e dytë ndërkohë, do rikthehet dënimi dhe në Kukës këtë javë do luhet pa tifozë. Ndeshja është planifikuar të luhet pasditen e së shtunës në orën 17.00 dhe luajtja pa tifozë sigurisht që është një anë positive për Vllazninë.

Mbrojtja e Vllaznisë nën akuzë për golat e pësuar

Duhej të ishte reparti më I fortë por në fakt nuk rezultoi I tillë. Mbrojtja e Vllaznisë në ndeshjen e parë të kampionatit, atë të luajtur ndaj Skënderbeut, ka gabuar në të tre rastet golave të pësuar. Gabimet më të mëdha kanë ardhur në qendër të këtij reparti, pikërisht aty ku luajnë dy nga lojtarët më me përvojë të skuadrës. Elvin Beqiri dhe Tefik Osmani kanë gabuar jo pak në këtë 90 minutësh. Në golin e parë, pavarësisht se gabimi nisi nga humbja e topit në mesfushë prej Deliç, edhe mbrojtja nuk u gjend e pozicionuar mirë.

Vllaznia e nis me zhgënim por garantohet kthesa në javët e ardhshme

Ka nisur me zhgënjim edhe kampionati I ri për Vllazninë. Ndaj skuadrës kampione- Skënderbeut, kur pritej fitorja dhe nisja e mbarë e kampionatit, ka ndodhur e kundërta. Një humbje 1-3 ka mërzitur së tepërmi tifozët, ka vënë në dilemë drejtuesit e klubit për shpenzimet e bëra dhe po ashtu edhe trajnerin Duro nëse e ka bërë mirë merkaton dhe nëse e ka stërvitur siç duhet skuadrën. Ai që ka reflektuar I pari pas kësaj ndeshje, është pikërisht “timonieri” I saj. Shpëtimi ka deklaruar se kjo nisja më e keqe e një kampionati për të si trajner me të gjitha skuadrat që ka punuar. Sigurisht që ka gjithmonë një herë të parë. Por pse në Shkodër, pse para kaq shumë tifozëve që janë të etur për të parë një Vllazni pretendente?! Për t’I paraprirë të gjitha këtyre pse-ve, ka menduar pikërisht trajneri Duro që në emër të ekipit ka kërkuar falje. “I kërkoj falje Shkodrës dhe gjithë tifozëve të zjarrtë të Vllaznisë. Jam shumë I shqetësuar për atë që ndodhi në fushën e lojës. Publiku nuk e meritonte atë lojë që zhvilluam ne. U ndëshkuam nga raste sporadike dhe nga gabimet tona në mbrojtje, madje jemi ndëshkuar në momentet tona më të mira.

Skënderbeu “ngre” flamurin në “Loro Boriçi”. Mund 3-1 Vllazninë

Ka filluar me festë kampionati i ri në Shkodër por fundi i ndeshjes Vllaznia- Skënderbeu, ka sjellë dëshpërim të madh tek të gjithë shkodranët. Kuqeblutë janë mundur 3-1 nga kampionët në fuqi të vendit, në një ndeshje ku ata kanë lënë shumë për të dëshiruar. Pritshmëria për këtë sfidë ka qenë krejt tjetër. Ndeshja ka nisur me ceremoninë e hapjes së kampionatit nga ana e Federatës Shqiptare të Futbollit dhe ka vazhduar me një ceremoni tjetër, atë të lënies së futbollit për një nga sulmuesit më të mirë të historisë së Vllaznisë, Vioresin Sinanit.

Vujadinoviç: Vllaznia- Skënderbeu, do vendosë një gol i vetëm

Kur ndeshen me njëri- tjetrin dy kundërshtarë shumë serioz siç janë Vllaznia dhe Skënderbeu, aq më tepër në javën e parë të kampionatit, nuk mund të presësh gola shumë. Ky është mendimi I portierit të Vllaznisë, malazezit Miroslav Vujadinoviç. Duke folur në lidhje me ndeshjen e sotme, gardiani kuqeblu do shprehte njëkohësisht edhe besimin për fitore të skuadrës së tij. Ai e ka thënë hapur këtë gjë në prononcimin e tij kur ka thënë:

Biletat, klubi shkodran çmime normale për ndeshjen e nesërme

Për ndeshjen Vllaznia- Skënderbeu mendohet që të ketë një interesim shumë të madh të tifozëve. Pritet të jenë të pranishëm jo vetëm tifozë nga Shkodra dhe rrethinat pranë saj por edhe nga Malësia e Madhe, Lezha e Puka. Thuhet që do ketë tifozë edhe nga Korça megjithatë e rëndësishme është që numri I tifozëve do jetë I madh. Klubi Vllaznia gjithsesi nuk ka vendosur çmime të ekzagjeruara për biletat e kësaj ndeshje.

Vioresin Sinani: Jam krenar që i kam shërbyer Vllaznisë

Nesër për nder të karrierës së shkëlqyer të tij dhe kontributit të jashtëzakonshëm që ka dhënë për Vllaznisë, drejtuesit e këtij klubi kanë vendosur t’i zhvillojnë një ceremoni të thjeshtë por shumë sinjifikative me rastin e lënies së futbollit. Vioresin Sinani për këto arsye, ndihet i lumtur. Njëkohësisht edhe krenar për atë çfarë i ka dhënë kësaj skuadre në vite. Ndjehet krenar që e ka nisur karrierën tek Vllaznia dhe e mbylli tek ajo.

error: NDALOHET KOPJIMI DHE PËRDORIMI I PA-AUTORIZUAR