Josa shkarkohet sot, Starova zëvendësuesi më I mundshëm

Ndonëse është lënë për sot paradite vendimi që do merret, drejtuesit e Vllaznisë nga sa duket kanë mbyllur punë me Mirel Josën. Ata kanë vendosur ta shkarkojnë atë për mungesë rezultatesh dhe kjo duket qartë nga fakti se krerët kuqeblu kanë filluar të mendojnë për zëvendësimin e tij. Emri më I lakuar është ai I Sulejman Starovës. Sula në fakt shpeshherë është përfolur si kandidaturë për postin e trajnerit të Vllaznisë por asnjëherë një lëvizje e tillë nuk është bërë realitet.

A rrezikon Mirel Josa?

Humbja në Vlorë mund t’I ketë rënduar pozitat e tij por vetë Mirel Josa duket I qetë në këtë drejtim. Skuadra e tij ende nuk ka marrë asnjë pikë në ndeshjet jashtë këtë kampionat dhe I pyetur për këtë gjë, ai është shprehur: “Unë kam një kontratë me klubin Vllaznia dhe e respektoj atë. Në kontratën që unë kam të firmosur, nuk e kam të shkruar që duhet të fitoj në transfertë për të mbetur trajner I Vllaznisë.

Vllaznia humbet 0-1 në Vlorë me Flamurtarin

Skuadra shkodrane është mundur në ndeshjen e luajtur pasditen e sotme në Vlorë nga Flamurtari me rezultatin 0-1. Goli i Prognit në minutën e tretë të ndeshjes, u ka mjaftuar vlonjatëve të marrin tre pikët e fitores. Shkodranët nga ana e tyre kanë bërë një ndeshje të dobët, ndoshta në këtë mes kanë ndikuar edhe mungesat e shumta që kanë patur në rradhët e tyre.

Vllaznia, ja formacioni sot në Vlorë

Në takimin e sotëm të Vllaznisë në Vlorë ndaj Flamurtarit trajneri Mirel Josa ka menduar të hedhë në fushë një formacion të përzier, ku bie në sy edhe aktivizimi i disa lojtarëve të rinj, mosha e të cilëve natyrisht që premton shumë për të ardhmen. Kjo ka qenë në fakt e detyruar ngaqë mungojnë disa titullarë për arsye kartonash apo dëmtimesh. Kështu, në portë do jetë sërish malazezi Vujadinoviç që ka deklaruar se do të bëjë më të mirën e tij në këtë takim për të larguar edhe kritikat që kanë vërshuar në adresë të tij javët e fundit.

Shkodra “shkollë portierësh”, tani asnjë shkodran, kthehet në vuajtje për kuqeblutë

Historikisht Shkodra është shquar për nxjerrjen e portierëve cilësor ndër vite, që numërohet jo pak. Por absurditeti, çuditërisht, në ditën e sotme, qëndron në faktin se në katërkëndorin e kuqebluve nuk është asnjë shkodran, madje as në stolin e rezervave. E për më pak se kaq, porta e Vllaznisë në pesë javët e para të kampionatit, por edhe në ndeshjet e kupës, po kthehet në një repart, që po i bën të vuajë, jo pak, por të gjithë në skuadër, por edhe staf teknik dhe drejtues, dhe jo më pak sportëdashësit e shumtë. Gjatë sezonit të kaluar të gjithë u mrekulluan me paraqitjen shumë të mirë të malazezit Mirosllav Vujadinoviç,

Tre ish-ët kundër Vllaznisë të shtunën në Vlorë

Një prej ndeshjeve më interesante të javës së gjashtë të Superligës Shqiptare, që do të zhvillohet këtë fundjavë, është ajo që do të luhet në stadiumin e Vlorës, Flamurtari-Vllaznia. Por shkodranët do të gjejnë në Vlorë, të ish-lojtarë të tyre, vetëm tre muaj më parë ishin me fanellën kuqebluve. Mesfushori Ndriçim Shtubina dhe dy mbrojtësit Blazho Rajoviç dhe Alechenu Abraham

Vllaznia fiton në Elbasan 4-2

Takimi mes Elbasanit dhe Vllaznisë, i vlefshëm për turin e dytë të Kupës së Shqipërisë i luajtur sot pasdite në "Ruzhdi Bizhuta", është fituar nga skuadra shkodrane me rezultatin 4-2 duke marrë kësisoj fitoren e parë në grupin D.  Pjesa e parë e ndeshjes ka mbaruar 1-0 për Vllazninë me golin e shënuar nga Vajushi në minutën e 39-të me një 11-metërsh të fituar nga vetë ai. Në të dytën kemi dy gola të njëpasnjëshëm të Vllaznisë me të njëjtin autor Xhevahir Sukajn.

Vllaznia sot për kupë në Elbasan

Pasditen e sotme, skuadra shkodrane do të luajë në Elbasan ndaj skuadrës vendase në kuadër të ndeshjeve të turit të dytë të Kupës së Shqipërisë. Kuqeblutë kanë lënë që dje qytetin e tyre duke u sistemuar në Elbasan dhe me ekipin kanë udhëtuar të gjithë futbollistët me përjashtim të sulmuesit Sinani që ka një dëmtim të vogël dhe është lënë pushim nga ana e stafit si dhe të portierit Vujadinoviç që po kalon një gjendje gripale. Të tjerët do jenë të gjithë të gatshëm

Xhevahir Sukaj me foton e Ardian Arrës në fanellë

Në ndeshjen e fundit, atë të kampionatit me Tiranën, futbollisti i Vllaznisë Xhevahir Sukaj ka luajtur me një fanellë tjetër poshtë asaj kuqeblu të ndeshjes. Arsyeja ka qenë se ai i kishte dedikuar diçka ish-trajnerit të tij Ardian Arra, të ndarë nga jeta pak ditë më parë. Por nuk qe e thënë se ajo fanellë të ngrihej dhe lojtari t’ia dedikonte golin e dytë ish-trajnerit që ia mësoi këtë lojë të bukur. Kjo ngaqë në minutat shtesë të ndeshjes, Sukaj ndonëse doli vetëm për vetëm me portierin Lika, nuk arriti ta dërgonte topin në rrjetë dhe t’i jepte fitoren skuadrës së tij. Për rrjedhojë, edhe dedikimi për profesor Ardianin nuk ka shkuar deri në fund. Sukaj e pranon vetë se në rast se do kishte shënuar do ta kishte hequr krejt fanellën kuqeblu për t’u treguar të gjithëve dedikimin e tij.

Klubi Vllaznia harron të nderojë Ardian Arrën

Ajo që ka rënë në sy në ndeshjen e djeshme në mes Vllaznisë dhe Tiranës ka qenë “harresa” për të nderuar ish-futbollin e njohur shkodran Ardian Arra. Në raste të tilla, zakonisht përpara ndeshjes së rradhës, mbahet një minutë heshtje në respekt të këtyre figurave që ndahen nga jeta. Por klubi Vllaznia nuk e ka bërë një gjë të tillë dje. Përpara ndeshjes, askush nuk është kujtuar nga ana e drejtuesve të klubit për ta bërë një ceremoni të tillë shumë domethënëse.

error: NDALOHET KOPJIMI DHE PËRDORIMI I PA-AUTORIZUAR