Kosovari Ilir Nallbani në “rrjetën” e Kukësit. Të hënën në Tiranë

I prezantuar në kampionatin shqiptar, 5 sezone më parë tek Elbasani, por gjurmë ai la tek Vllaznia, duke u aktivizuar për tre sezone me radhë si titullarë, kosovari Ilir Nallbani ka rënë së fundmi në “rrjetën” e drejtuesve të Kukësit. Për këtë, ai pritet që të vijë nga vendlindja e tij, në fillim të javës tjetër, për të biseduar me drejtuesit e klubit verilindor për një marrveshje të mundshme për sezonin e ri. Ka qenë tekniku Armando Cungu, që u ka propozuar drejtuesve të Kukësit, që në momentin e parë që mori drejtimin e këtij ekipi, emrin e mesfushorit Nallbani, pasi ia njeh mirë vlerat, duke qenë se e ka patur nën urdhra, gjatë kohës që ai luajti në Shkodër me Vllazninë.

Vllaznia, paratë nuk mungojnë. Lojtarët “po”

Ajo që kanë premtuar drejtuesit e Vllaznisë mesditën e së mërkurës në momentet e prezantimit të trajnerit Duro, është për t’u patur në konsideratë. Ata duan dhe kanë premtuar një skuadër ndryshe nga një sezon më parë dhe të gjithë shpresojnë që ky premtim I tyre të bëhet realitet. Mbase në këtë ceremoni nuk u përmendën fare paratë por duket se për një institucion si Bashkia Shkodër, ato nuk janë një problem. Kryebashkiaku Luka ka patur merak më shumë të thotë se për çdo lekë që do të hidhet tek Vllaznia, do të ketë një transparencë të plotë financiare sepse ato janë lekët e taksapaguesve shkodranë.

Ilir Nallbani fiton Kupën e Kosovës nën vështrimin e Cungut

Mesfushori kosovar Ilir Nallbani ka fituar sot Kupën e Kosovës me skuadrën e tij Trepça '89. Ajo ka mundur në finalen Ferizajn me rezultatin e pastër 3-0. Kjo ndeshje finale është zhvilluar në stadiumin e Prishtinës dhe është ndjekur edhe nga trajneri shkodran që tashmë drejton Kukësin Armando Cungut. Kjo ngaqë ai dëshiron ta marrë në skuadrën e tij për sezonin e ardhshëm dhe pas kontakteve të para, është rënë dakord që lojtari të vëzhgohej në këtë ndeshje.

Ramazan Rragami: Duro do ketë mbështetje maksimale

Legjenda e futbollit shkodran, Ramazan Rragami, në emër të anëtarëve të këshillit të trajnerëve pranë klubit Vllaznia, ka vlerësuar maksimalisht përzgjedhjen e Shpëtim Duros. Sipas tij, emërimi në pankinë i Duros, i hap rrugën një punë intensive dhe serioze te skuadra shkodrane. Ndërkohë, ashtu si vetë kreu i klubit Lorenc Luka, edhe Rragami, në emër të këshillit të trajnerëve, i shprehu mbështetjen maksimale teknikut tiranas. “Dua të falënderoj presidentin e Vllaznisë, Lorenc Luka, për zgjedhjen që ka bërë, por edhe për gjithë këtë maturi që ka treguar në vendosjen e trajnerit Shpëtim Duro.

Vllaznia në vend-numëro por “rikthehet” nënkryetari Troshani

Të hënën nuk ndodhi, madje as dje. Prezantimi I trajnerit Shpëtim Duro është shtyrë sërish. Kryebashkiaku I Shkodrës Lorenc Luka është kthyer nga Italia që mbrëmjen e së dielës por e ka patur mesa duket axhendën e ngarkuar dhe për rrjedhojë nuk ka planifikuar qoftë as 5 minuta për të firmosur me trajnerin dhe për ta prezantuar para mediave.

Kryebashkiaku Luka: Zgjodhëm Duron- intelektualin e futbollit

Në mesditën e sotme në zyrën e kryebashkiakut Luka, ka qenë vetë ky i fundit që pasi ka firmosur kontratën me trajnerin e ri të Vllaznisë Shpëtim Duron, e ka prezantuar atë para mediave. Ja një pjesë e fjalës që ai ka mbajtur: "Të nderuar veteran të futbollit të Shkodrës dhe njëkohësisht dhe anëtarë të “Këshillit të Trajnerëve” që unë do e vlerësoja maksimalisht për kontributin që keni dhënë gjatë kësaj periudhe. Me agnazhim maksimal gjatë këtyre ditëve duke zgjedhë një autoritet që ti shërbejë sa më mirë ringritjes së klubit të futbollit Vllaznia, pikërisht me ato standarte që vetë kërkoni së bashku me vetë komunitetin e këtij qyteti.

Ditmar Jubica: Pasioni nuk shpërblehet kurrë!

Quhet Ditmar Jubica dhe vjen nga qyteti i djepit të kulturës dhe sportit shqiptar, Shkodra. Në moshën 19-vjeçare do të niste rrugëtimin e tij si arbitër, fillimisht si asistent në ligën amatore të Shkodrës për të përfunduar tani si arbitër kryesor në Superligën Shqiptare. Gjyqtari Jubica, i datëlindjes 08.11.1984, regjistron në arkivën e tij personale: 45 ndeshje në kategorinë e parë, 40 në të dytën dhe 6 ndeshje në superiore. Gjithashtu ka arbitruar në 27 ndeshje të Kupës së Shqipërisë.
Ka qenë viti 2004 kur Jubica do të fitonte të drejtën nga federata për të gjykuar ndeshjet e Kategorisë së Dytë.

Skandali: Prokuroria gjermane hap hetimin për Rapid- Vllaznia

Dita e sotme ka nxjerrë sërish në skenë skuadrën e Vllaznisë si protagoniste të akuzave për trukime ndeshjesh. Prokuroria Rajonale e Bohumit në Gjermani ka hapur një hetim për 35 ndeshje që mendohet të jenë të trukuara ndër të cilat edhe ajo Rapid- Vllaznia e luajtur në vitin 2009 dhe që përfundoi 5-0 për austriakët. Sipas asaj çfarë ka shkruar gazeta "Panorama Sport" sot, ka dyshime që në këtë histori është përfshirë edhe portieri i Vllaznisë në atë ndeshje Olti Bishani që thuhet të jetë paguar 10 mijë dollarë për të pësuar 4 gola në pjesën e dytë. Ja si e përshkruan kjo gazetë një lajm të tillë:

Klubet vendosin: Sezoni i ardhshëm, ai 2013-14 me 10 skuadra

Shumica e klubeve të Superligës kanë vendosur sot që t'i propozojnë Komitetit Ekzekutiv të FSHF-së një strukturë të kampionatit 2013-14 me 10 skuadra. Mbledhja është zhvilluar sot në Tiranë me pjesmarrjen e përfaqësuesve të të gjithë klubeve të vendit. Nga Vllaznia kanë qenë të pranishëm administratorit Kujtim Shaba dhe drejtori sportiv Armir Grima. Klubet e mëdha kanë qenë dakord për një ulje të numrit të skuadrave dhe për rrjedhojë është propozuar zbritja e këtij numri nga 14 në 10 skuadra. Kjo do të thotë se nga Superliga do zbresin plot 5 skuadra këtë sezon dhe do ngjitet vetëm një.

Vllaznia, në bisedime me 8 lojtarë për t’i veshur kuqeblu

Nëse për Vllazninë e fushës po vijojnë pushimet, për atë të zyrës nuk mund të thuhet e njëjta gjë. Klubi, pas afrimit të trajnerit të ri, i është futur me zell punës. Pikësëpari, vëmendja është përqendruar te merkatoja. Edhe pse janë përmendur shumë emra, lakuar plot, zyrtarizime nuk ka pasur. Mirëpo, bisedimet sigurisht që kanë filluar. Vetë klubi nuk i ka mohuar aspak këto tratativa, që do të thotë se ato kanë avancuar deri në një farë pike. Burime zyrtare pranë skuadrës bëjnë më dije për “Panorama Sport” se kuqeblutë do dëshironin që për sezonin e ri të afronin një pjesë të lojtarëve më të mirë të kampionatit shqiptar. Deri tani në qarkullim kanë dalë emra si Bala, G.Lika, Dushku, Shtubina, Vrapi, Bicaj, Biskup, apo edhe Bratiç.

error: NDALOHET KOPJIMI DHE PËRDORIMI I PA-AUTORIZUAR