Samuel Nikaj: Tek Flamurtari jam për një projekt dyvjeçar

Një shkodran po bën gjithçka mirë në Kosovë. Samuel Nikaj që kur ka marrë drejtimin e Flamurtarit të Prishtinës, jo vetëm që nuk e njeh humbjen por edhe e ka dërguar këtë ekip në vendin e parë në renditje. Një barazim dhe shtatë fitore rresht, kjo është ecuria e "çmendur" e këtij ekipi nën drejtimin e trajnerit shkodran. Ai mori drejtimin e kësaj skuadra dy muaj më parë kur ndodhej në vendin e tetë dhe sot e ka çuar në vendin e parë. I pyetur se çfarë ka ndryshuar tek skuadra, ai do të përgjigjej: "Në aspektin taktik shumë pak gjëra. Edhe në aspektin fizik sigurisht që nuk kisha se çfarë të ndryshoja sepse kampionati ishte në vazhdim. E vetmja gjë ku unë ndërhyva ishte ajo në anën psikologjike të futbollistëve.

Nikaj dhe Flamurtari tjetër fitore dhe sërish “në tavolinë”

Flamurtari i Prishtinës nuk ka të ndalur në ecurinë e tij drejt Superligës së Kosovës. Nën drejtimin e trajnerit shkodran Samuel Nikaj ai pritet të rregjistrojë fitoren e gjashtë rradhazi. Themi pritet sepse do të jetë Komisioni Disiplinor i Federatës kosovare që do t'ia japë në tavolinë fitoren këtij ekipi ngaqë ndeshja e sotme ndaj Ballkanit, e luajtur në fushën e këtij të fundit, është ndërprerë në minutën e 35-të. Ka ndodhur kështu ngaqë tifozët vendas kanë hyrë në fushë duke bërë që të mos jetë i mundur më vazhdimi i lojës. Për këtë arsye, duket i sigurtë vendimi për dhënien e fitores 3-0 Flamutarit.

Bekim Balaj edhe dy të tjerë. Është golashënuesi më i mirë në Rusi

Sulmuesi i kombëtares shqiptare, Bekim Balaj, po kalon një moment të shkëlqyer në karrierën e tij. Ditën e sotme ai ka shënuar 2 gola në fitoren 2-1 me përmbysje të ekipit të tij, Terek Grozni, ndaj Zenitit të Shën Petersburgut, në takimin e vlefshëm për javën e 13 të Premier Ligës ruse. Zeniti kaloi i pari në avantazh në minutën e 10 të takimit me anë të Mak, por Balaj brenda 4 minutash, në të 34-tën dhe në të 38-n, përmbysi rezultatin i cili nuk do të ndryshonte më deri në fund. Sulmuesi kuqezi u zëvendësua në minutën e 82-të, ndërsa Roshi luajti gjatë gjithë takimit, dhe u ndëshkua me karton të verdhë në minutën e 42-të.

Samuel Nikaj, ditëlindje e festuar me fitore përmes dhunës

Trajneri shkodran Samuel Nikaj sot ka festuar 39 vjetorin e lindjes por kjo ditë do të mbetet gjatë në kujtesën e tij. Jo për dhuratat e miqve dhe familjarëve të tij. As për ndonjë suprizë tjetër të këndshme sa i takon ditëlindjes. Kjo ka qenë ditë e veçantë për të sepse në ndeshjen që ekipi i tij- Flamurtari i Prishtinës ka zhvilluar sot në Rahovec, ka parë një luftë të vërtetë. Tifozë të acaruar, dhunë masive në fushë dhe tribuna, aq sa ndeshja është ndërprerë në pjesën e dytë ngaqë tifozët vendas kanë goditur gjyqtarin e ndeshjes.

Bekim Balaj edhe dy gola të tjerë sot për Terek Grozny

Sulmuesi shkodran Bekim Balaj vazhdon të shfaqet gjithnjë e më protagonist për ekipin e tij Terek Grozny në kampionatin rus.

Flamurtari i Prishtinës e treta fitore rradhazi. Shënon edhe Gjini

Skuadra e shkodranit Samuel Nikaj, Flamurtari i Prishtinës, ka arritur pasditen e sotme tjetër fitore në kampionat duke përforcuar pozitat e saj në vendin e dytë në Ligën e parë të Kosoës. Në ndeshjen e luajtur në fushën e vet, ajo ka fituar 2-0 me ekipin e Deçanit dhe ajo që duhet përmendur është se golin e dytë në këtë takim, atë që vulosi fitoren, e ka shënuar sulmuesi shkodran Jurgen Gjini. Fitorja nuk është vënë për asnjë moment në dyshim nga skuadra prishtinase që kësisoj merr edhe tre pikë të tjera që e ndihmojnë atë për të konsoliduar pozicionin aktual në renditje.

Samuel Nikaj tjetër fitore me Flamurtarin. E ngjit në vend të dytë

Vazhdon të jetë shumë i sukseshëm trajneri shkodran Samuel Nikaj në krye të ekipit Flamurtari të Prishtinës. Pasi e ka marrë këtë ekip në vendin e tetë, me fitoren e sotme 1-0 ndaj ekipit të Fushë- Kosovës, ekipi i drejtuar nga ish-trajneri i Vllaznisë dhe i Tërbunit, është ngjitur në vendin e dytë në renditje. Një ngjitje e justifikuar kjo pas një barazimi dhe dy fitoresh të arritura nga ekipi i Flamurtarit në tre ndeshjet që drejtohet nga Nikaj. Takimi i sotëm ndaj Fushë- Kosovës konsiderohej shumë i vështirë. Jo vetëm se luhej në transfertë por edhe sepse të dy ekipet ishin me pikë të barabarta, nga 15.

Bekim Balaj i shënon gol edhe Rubin Kazanit

Sulmuesi shkodran Bekim Balaj shënon sërish në kampionatin rus me ekipin e tij Terek Gronzy, duke e ndihmuar atë të merrte fitoren e rradhës. Madje, një dorë ia ka dhënë edhe shqiptari tjetër që luan me këtë ekip, Odise Roshi. Shkodrani ka shënuar golin e parë të ndeshjes që në minutën e 18-të por goli i tij u barazua shpejt nga ekipi i Rubin Kazan në '34. Pjesa e parë do të mbyllej në barazim 1-1 ndërsa në të dytën, skuadra e dy shqiptarëve do të shënonte edhe dy gola të tjerë duke fituar me rezultatin 3-1.

Samuel Nikaj e nis me barazim karrierën në Kosovë

Trajneri shkodran Samuel Nikaj e ka nisur me barazim karrierën e tij në kampionatin kosovar me ekipi e Flamurtarit të Prishtinës. Në ndeshjen e luajtur pasditen e sotme në fushën e Vitias, është vulosur rezultati përfundimtar 2-2. Një barazim që i lë të dy ekipet në pozitat e mëparshme në renditje, pikërisht Vitian në vendin e gjashtë me 13 pikë ndërsa Flamurtari ndodhet në vendin e nëntë me 12 pikë. Në skuadrën e Flamurtarit, përveç trajnerit, janë edhe tre futbollistë nga Shkodra, pikërisht portieri Ervin Hallunaj, mbrojtësi Erbet Hotaj dhe sulmuesi Jurgen Gjini.

Samuel Nikaj emërohet trajner i Flamurtarit të Prishtinës

Trajneri shkodran Samuel Nikaj do të jetë trajneri i ri i ekipit Flamurtari i Prishtinës. Akordi është arritur pasditen e sotme dhe shumë shpejt ai pritet të nisë punën me këtë ekip. Lajmi është bërë i ditur nga gazetaolle.com. Ajo ka konfirmuar largimin e trajnerit të mëparshëm dhe emërimin në vend të tij të Nikajt.
Është nënkryetari i klubit, Ymer Ademi, që ka konfirmuar lajmin.

FUTBOLLI I FEMRAVE

Vllaznia nis përgatitjet për “Uefa Women Champions League”

Për Vllazninë e futbollit të femrave nuk ka kohë për të humbur. Prej një jave, kampionia e Shqipërisë në futboll për femra, ka nisur...

HISTORI

error: NDALOHET KOPJIMI DHE PËRDORIMI I PA-AUTORIZUAR