Tota, Mujeci e Drabeja firmosin në Kosovë me ekipin e Trepçes

Skuadra e Adës ka bërë maksimumin e mundshëm në merkaton e dimrit për të ofruar lojtarë cilësorë në mënyrë që të shpëtojë nga rënia prej kategorisë. Ajo ka ofruar dy futbollistë malazezë si dhe Pukën dhe Markolajn. Por ndërsa janë ofruar disa futbollistë, planet për drejtuesit e Adës janë prishur jo pak. Tre nga futbollistët e saj më të mirë, mbrojtësit Feliks Tota e Oltion Drabeja si dhe sulmuesi Ndue Mujeci. Të tre këta futbollistë kanë marrë një ofertë më të mirë nga ekipi kosovar I Trepçes së Mitrovicës. Për rrjedhojë, prej dy ditësh këta futbollistë ndodhen në Kosovë dhe madje ditën e djeshme kanë firmosur kontratë me këtë ekip për të qenë pjesë e tij deri në fund të sezonit.

Hamdi Salihi firmë tek francezët e Nantës?!

Zbulohet destinacioni i ri i mundshëm i Hamdi Salihit për pjesën e dytë të sezonit. Sulmuesi shkodran, sikurse është raportuar javët e fundit, pritet ta vijojë karrierën në Europë, pikërisht në kampionatin francez tek skuadra e Nantes. Lajmi konfirmohet nga prestigjiozja franceze L’equipe, që u referohet levizjeve më të fundit te skuadra që renditet në vendin e 6 në Ligën e parë. Drejtuesit e Nantes kanë vendosur t’i besojnë sulmuesit shqiptar, i cili nga e marta duhet të bindë trajnerin Michel Der Zakarian, para se të hedhë të zezën mbi të bardhë. Sulmuesi i kombëtares shqiptare konsiderohet alternativa më e mirë për zëvendësimin e Filip Djorxhevic, i cili pritet të largohet në fund të sezonit nga kjo skuadër.

Elis Guri rikthehet në nivele të larta. Shpallet kampion i Bullgarisë

Mundësi shkodran Elis Guri rikthehet sërish në nivele të larta. Në garat e djeshme të vlefshme për kampionatin bullgar, 30 vjeçari ka zënë vendin e parë duke sfiduar të gjithë kundërshtarët e tij dhe duke u shpallur sërish kampion i këtij vendi ne peshen e tij, ate 96 kg. Në fakt për Elisin kjo nuk është hera e parë që triumfon në këtë vend por ky titull kampion ka patur një të veçantë sepse Guri rikthehej në tapet pas një mungese të gjatë si rrjedhojë e dëmtimit dhe më pas operacionit të kryer në shpatull. Titulli kampion i fituar dje natyrisht që do jetë një shtysë tashmë për të marrë rezultate të larta edhe në arenën ndërkombëtare, që në aktivitetin më të afërt që do të zhvillohet.

Salihi: S’e kam ndër mend të kthehem tani të luaj në Shqipëri

Ndryshe nga çfarë është shkruar ditët e fundit në gazetat sportive, Hamdi Salihi nuk e ka ndër mend të kthehet e të luajë në kampionatin shqiptar. Kësisoj ai hedh poshtë të gjithë aludimet për bisedime me Tiranën, Partizanin apo...

Udineze jep 1.2 milionë euro për Armando Vajushin

Armando Vajushi do të luajë për klubin italian të Udinezes, duke filluar nga janari i vitit 2014. Kjo behet e kryer ne shtetin ku ai po luan aktualisht. Dje mediat bullgare kanë zbuluar se presidenti i Liteksit, Grisha Gançev, ka arritur një marrëveshje me homologun e tij italian, Xhiampaolo Poco. “Gançev ka biseduar së fundmi me drejtuesit e Udinezes dhe futbollisti shqiptar pritet t’i bashkohet nga janari skuadrës friulane. Për shërbimet e tij Udineze do të paguajë 1.2 milionë euro te Liteksi, ndërsa paga e lojtarit ende nuk bëhet e ditur.

Vajushi shënon sërish. Këtë herë për Kupën e Bullgarisë

Armando Vajushi ka shënuar sërish në Bullgari për ekipin e tij Liteks. Bashkë me të ka shënuar edhe shqiptari tjetër, Jurgen Gjasula. Dy shqiptarët e Liteksit kanë qenë protagonistë në fitoren e thellë 6-0 në Kupën e Bullgarisë ndaj...

Saimir Hyseni, firmos në Gjermani me ekipin VFR Burstadt

Një tjetër shkodran arrin të hedhë firmë jashtë vendit. Kështu 21-vjeçari nga Shkodra, Saimir Hyseni, është bërë pjesë e futbollit gjerman duke firmosur me skuadrën e klubit VFR Burstadt 1910, për një periudhë njëvjeçare. Kështu, pas Telit, Salihit, Sukajt, Balës, Vajushit, Hasanit e Hysajt një tjetër shkodran do të shkojë jashtë vendit. Hyseni, ka qenë një nga mesfushorët më të spikatur të Akademisë së Futbollit Vllaznia, e cila drejtohet nga dyshja Nikaj-Dibra. Lajmin për një akord të tillë e ka konfirmuar edhe klubi gjerman që merr pjesë në Kategorinë e Katërt përmes faqes së tij të internetit.

Vajushi edhe dy gola të tjerë për Liteks. Shkon në kuotën 8

Futbollisti shkodran Armando Vajushi shfaqet sërish si protagonist me skuadrën e tij Liteks Lovech. Në ndeshjen e luajtur pasditen e sotme dhe të vlefshme për javën e 17-të të kampionatit bullgar, kjo skuadër ka patur përballë Pirin Gotse Dolchev dhe në fund të 90 minutave është fiksuar rezultati 5-1. Pjesa e parë e ndeshjes është mbyllur në shifrat 3-0 dhe autorë të tre golave kanë qenë shqiptarët Vajushi dhe Gjasula. Shkodrani ka shënuar në minutat 4 dhe 7-të ndërsa tiranasi në minutën e 38-të. Në pjesën e dytë ndërkohë ka patur edhe gola të tjerë teksa të pestin e ka shënuar Gjasula nga pika e bardhë e penalltisë në minutën e 74-të.

Vajushi shënon golin e pestë. Shënuesi më i mirë i Liteks

Futbollisti shkodran Armando Vajushi shënon sërish. Ka ndodhur kështu në ndeshjen e mbrëmjes së sotme, e vlefshme për kampionatin bullgar të futbollit në mes ekipit të tij Liteks dhe Lokomotivës së Plovdivit. Ndeshja ka qenë e vlefshme për javën...

“Kundërpërgjigjet” Bala. Dy gola sot për Jagiellonia në Poloni

Pas golave të djeshëm të dy sulmuesve shkodranë Hamdi Salihi dhe Armando Vajushi, është "kundërpërgjigjur" sot shkodrani tjetër- Bekim Bala. Ai ka shënuar plot 2 gola në fitoren e skuadrës së tij Jagiellonia në kampionatin polak të futbollit në ndeshjen ndaj Ruch Chorzow. Bjondi shkodran ka kontribuar kësisoj në fitoren e thellë 6-0 të skuadrës së tij ndaj këtij kundërshtari. Bala ka shënuar pikërisht dy golat e fundit të kësaj ndeshje, të pestin në minutën e 64-të dhe të gjashtin në minutën e tretë shtesë të ndeshjes. Në këtë mënyrë, sulmuesi shkodran vazhdon të bëjë një paraqitje të mirë edhe me skuadrën e tij të re, me të cilën është bashkuar këtë verë.

FUTBOLLI I FEMRAVE

Vllaznia në merkato për ndeshjet e “Uefa Women’s Champions League”

Vllaznia në futboll për femra vijon me përgatitjet e saj për ndeshjen e Ligës së Kampioneve të Europës, por përveçse në fushën e stërvitjes,...

HISTORI

error: NDALOHET KOPJIMI DHE PËRDORIMI I PA-AUTORIZUAR