Eugent Zeka, një trajner shkodran nga Italia për Vllazninë

Një shkodran 38 vjeç, që jeton e punon në Itali, ka shprehur dëshirën e tij për t’u bërë trajner I Vllaznisë. Ai është Eugent Zeka, ai që punon aktualisht me një ekip amator në Itali dhe që ka marrë edhe liçensën “UEFA PRO” në Koverçiano që nga viti 2009. Vetë ka luajtur pak futboll pasi I ka pëlqyer më shumë trajnimi. Pasi ka mbaruar Insitutin e Fiskulturës “Vojo Kushi” në Tiranë, në vitin 1998 ka marrë rrugën drejt Italisë ku ka vazhduar sportive me disa ekipe joprofesioniste si Chiavari, Rapallo, Calvari, Cambiasca e Verbania. Por si trajner, ndonëse I ri në moshë, e ka nisur mbarë. Vetëm pak ditë më parë, duke qenë trajner I ekipit U-20 të klubit Sestri Levante, një qytezë afër Xhenoas, ai është shpallur kampion në ligën rajonale, një sukses ky që nuk arrihej prej 35 vitesh nga ky ekip dhe prandaj, ai ka bërë shumë jehonë në atë zonë teksa në të gjithë komentet thuhej “Sestri Levante e Eugent Zekës”.

Sukaj shënon sërish sot në Ligën e Kampioneve të Azisë

Pas suksesit me Sepahanin në kampionatin iranian ku pak ditë më parë u shpallën kampion, sulmuesi shkodran Xhevahir Sukaj vazhdon të bëjë paraqitje të mira me këtë skuadër edhe në Ligën e Kampioneve të Azisë. Pasditen e sotme është luajtur ndeshja e fundit në grup mes Sepahanit dhe Al Ahly që është fituar nga iranianët 2-1. Golin e parë për ta e ka shënuar pikërisht Sukaj në minutën e 19-të të ndeshjes. Ky ka qenë goli i dytë i tij në ndeshjet e këtij kompeticioni dhe duke i shtuar këtu edhe dy golat e shënuar në kampionat, bëhen jo pak.

Armando Vajushi, goli i parë në kampionatin bullgar

Mesfushori shkodran Armando Vajushi më në fund ka gjetur golin e parë në ndeshjet e kampionatit bullgar teksa ka shënuar dje për Liteks në fitoren e tij të thellë 5-0 ndaj ekipit Kaliakra. Goli i Vajushit ka ardhur në minutën e 80-të të ndeshjes dhe sigurisht që për lojtarin ka patur një kënaqësi të veçantë pas shënimit të tij. 20 vjeçari shkodran nuk ka qenë duke kaluar momente të mira me këtë skuadër teksa nuk ka gjetur mbështetjen që i është premtuar në momentin e firmosjes së kontratës. Ndoshta ky gol do ta ndihmojë atë për të ardhmen megjithëse Vajushi herëpashere në deklaratat e tij ka shprehur dëshirën për të lënë Bullgarinë.

Xhevahir Sukaj shpallet kampion i Iranit me Sepahanin

Sulmuesi shkodran Xhevahir Sukaj pasditen e sotme ka arritur të bëjë realitet titullin e dytë kampion në karrierën e tij. Pas atij të fituar me Elbasanin në vitin 2004, sot 24 vjeçari shkodran ka provuar këtë ndjesi edhe me skuadrën e Sepahanit në kampionatin iranian të futbollit. Pasditen e sotme janë zhvilluar ndeshjet e javës së fundit të këtij kampionati dhe Sepahani ndonëse ka barazuar 0-0 në fushën e tij me ekipin Mes Sarcheshme, kjo pikë e marrë i ka mjaftuar për t'u shpallur kampione e vendit për të tretin vit rradhazi. Sukaj në ndeshjen e sotme ka qenë për 86 minuta titullar në fushë por pa arritur dot të shënojë megjithatë në fund i është gëzuar titullit kampion.

Armando Vajushi do kërkojë largimin nga Liteksi

Armando Vajushi do të kërkojë largimin nga Liteksi. Lajmin e ka bere te ditur gazeta “Panorama Sport” ne nje interviste te marre lojtarit shkodran. Në një bisedë telefonike për kete gazetë, Vajushi ka treguar vuajtjet në Bullgari dhe arsyet pse synon të kalojë në një tjetër klub në formë huazimi. “Jam shumë i dëshpëruar, nuk më përkrah askush. Menaxheri i klubit më ka gënjyer. Me trajnerin Stoiçkov kam relata të shkëlqyera, nuk është ai problemi”, – thotë ndër të tjera Vajushi. Ja intervista e tij e plote dhene per kete gazete:

Hamdi Salihi shënon golin e parë në kampionatin amerikan

Fillimi I muajit maj duket se ka qene I mbare per sulmuesit shkodran që luajnë me ekipet jashtë Shqipërisë. Pas Xhevahir Sukajt që ka shënuar në ndeshjen e Ligës së Kampioneve të Azisë për skuadrën e tij iraniane të Sepahanit, rradha ka qenë për shkodranin tjetër Hamdi Salihi për ta bërë këtë gjë. 28 vjeçari që kalon në muajin shkuar në kampionatin amerikan tek skuadra DC Junajtid, më në fund arriti të shënojë golin e parë në kampionatin amerikan. Ka ndodhur kështu në mengjesin e së enjtes kur për ndeshjen e vlefshme për kampionat në transfertë ndaj ekipit San Hose, ai e ka dërguar topin në rrjetë në minutën e 88-të të ndeshjes duke shënuar golin e tretë për ekipin e tij.

Dëmtohet Armando Vajushi. Mungon të shtunën në ndeshjen e rradhës

Futbollisti shkodran Armando Vajushi nuk do luajë në ndeshjen e rradhës për ekipin e tij të Liteksit pasi ka pësuar një dëmtim dhe do jetë i pamundur për të luajtur. Ai ka pësuar një dëmtim në shpinë dhe tentativa e mjekëve të skuadrës për ta rikuperuar duket se e ka përkeqësuar gjendjen e tij. Lajmin e ka bërë të ditur për gazetën online shkodrasport.com vetë futbollisti që ka thënë: "Kam pasë një dëmtim në shpinë në stërvitje dhe do mungoj në ndeshjen e rradhës, atë që Liteksi do luajë të shtunën ndaj Chernomorets Burgas. Unë ndjeva dhimbje dhe megjithatë doktori i ekipit më tha se nuk kisha ndonjë dëmtim serioz.

Xhevahir Sukaj shënon sot në Champions League të Azisë

Sulmuesi i talentuar shkodran Xhevahir Sukaj ka shënuar sërish për skuadrën e tij iraniane Sepahan. Ka ndodhur kështu pasditen e sotme teksa ai ka kontribuar në fitoren e skuadrës së tij 3-0 ndaj Al Nasri të Dubait, në ndeshjen e luajtur për Champions League të Azisë.Sukaj ka kontribuar në fitoren e skuadrës së tij teksa ka shënuar golin e dytë pikërisht në minutën e 77-të të ndeshjes. Po ashtu, ka fituar edhe një 11-metërsh gjatë kësaj ndeshje duke u shndërruar kështu në protagonistin kryesor për Sepahanin. Me fitoren e sotme, kjo skuadër është ngjitur në kuotën e 10 pikëve pas 5 ndeshjesh dhe tashmë ka siguruar daljen në 8-shen e skuadrave më të mira të Azisë që do luftojnë me njëra-tjetrën për të fituar Champions Leaguen e këtij kontinenti.

Auron Miloti: Titulli kampion me Vllazninë, pengu im i madh

Në fillim të viteve 90' në "Loro Boriçi" një djalë i ri do na shfaqej si një disk fluturues. Me një shpejtësi për tu admiruar e triblime akrobatike shpejt do rrëmbente zemrat e të gjithëve e do fitonte një vend titullari tek Vllaznia. Atëherë futbolli ishte real, i vërtetë dhe një vend mes më të mirëve nuk ishte aspak i lehtë për tu arritur. Me punë e shumë vullnet ai nuk do shumë kohë për tu bërë i pazëvendësueshëm. Një nga ata që përfaqësonte futbollin e vërtetë shkodran. Lojën e bukur e të pastër. Aq mjaftoi që Tirana të kërkonte me ngulm shërbimet e Auron Milotit që nga ana tjetër po çmendte një Shkodër të tërë. Bardheblutë arrijnë ta marrin në strofkullën e tyre për 3-4 vite. Atëherë kur ishte pjekur e ishte formuar tërësisht si futbollist bën një rikthim të bujshëm për kohën në Shkodër, tek Vllaznia ku u rrit. Në ato vite në një moshë të vogël nuk duroja deri sa vinte e shtuna për të kaluar pasditen në stadium sepse mes tjerëve luante edhe Auron Miloti.

Eugent Zeka, një titull kampioni si trajner në Itali

Trajneri shkodran Eugent Zeka që jeton në Itali, ka arritur suksesin e parë në pankinë gjatë karrierës së tij. 38 vjeçari që ka marrë edhe liçensën UEFA PRO të trajnimit pikërisht në Koverçiano, të shtunën, në fund të kampionatit rajonal të juniorëve (mosha deri 20 vjeç) ka arritur të zërë vendin e parë dhe të shpallet kampion me ekipin e tij Sestrin Levante. Zeka është trajneri i parë i këtij ekipi. Suksesi i këtij ekipi ka bërë bujë në qytezën me të njëjtin emër, që ndodhet jo shumë larg Xhenoas. Duke iu referuar këtij suksesi, siti genova24.it do të shkruante: "Suksesi i Sestri Levantes të Eugent Zekës, është një sukses historik. Pas 35 vitesh, ky ekip merr një titull të dytë pasi titulli tjetër ishte marrë më 1977". Komente të shumta edhe nga gazeta të tjera lokale, radio e tv.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR