Armando Vajushi dhe Edon Hasani, me pasaporta bullgare?!

Dy futbollistët shkodranë që luajnë për Liteksin, Armando Vajushi dhe Edon Hasani, shumë shpejt mund të paisen me pasaporta bullgare. Lajmi është bërë I ditur nga njerëz pranë këtyre lojtarëve të cilët pak ditë më parë kanë dorëzuar në klub edhe disa dokumenta që iu kanë kërkuar për këtë gjë. Konfirmimin e një lajmi të tillë në fakt e ka dhënë edhe vetë Vajushi që ekskluzivisht për gazetën  do të shprehej:

Vajushi e Bala titullarë në ndeshjet e sotme me ekipet e tyre

Dy futbollistët shkodranë, Armando Vajushi dhe Bekim Balaj kanë luajtur titullarë edhe në ndeshjet e sotme për skuadrat e tyre, përkatësisht Liteksin në Bullgari dhe Spartën në Çeki. Megjithatë, pavarësisht se ata kanë qenë në fushë, nuk kanë mundur dot të shënojnë por edhe t'i ndihmojnë skuadrat e tyre të marrin fitoren. Për Liteksin ka qenë një ndeshje shumë e rëndësishme teksa kanë pritur në fushën e tyre ekipin Botev Plovdiv dhe ndonëse u duhej medoemos fitorja për t'u ngjitur në renditje, nuk ka ndodhur kështu.

Lucerna dhe Young Boys të interesuara për Armando Vajushin

Dy ekipe zviceriane, pikërisht Lucerna dhe Young Boys janë të interesuara për futbollistin shkodran Armando Vajushi. Lajmi është bërë i ditur nga mediat bullgare sipas të cilave tashmë vetë drejtuesit e Liteksit që zotërojnë kartonin e tij, janë duke i shqyrtuar këto oferta por nuk do ngutem. Mesfushori me tipare sulmuese që kaloi këtë janar në Bullgari, ka firmosur për tre vite e gjysëm për Liteks dhe kuptohet që ka kohë për të luajtur aty megjithatë drejtuesit e këtij klubi me shumë siguri do të kërkojnë ta shesin atë sapo ndonjë klub tjetër t'u ofrojë diçka të mirë. Bullgarët siç dihet i paguan Vllaznisë shumën e 100 mijë eurove për këtë transferim.

Edon Hasani shtyllë në miqësoren e djeshme të Liteksit

Mesfushori 20 vjeçar shkodran Edon Hasani ka qenë protagonist dje në miqësoren e ekipit të tij Liteks teksa ka goditur shtyllën në një moment. Ka ndodhur kështu në pjesën e dytë kur ai është aktivizuar nga ana e trajnerit Stoiçkov. Ai ka bërë një paraqitje të mirë edhe në këtë ndeshje ashtu si dhe të shtunën që shkoi në miqësoren ndaj Shpresave të Bullgarisë. Në miqësoren e djeshme ndaj ekipit OPC Red Beach, që është mbyllur në barazim 1-1, nuk ka luajtur asnjë minutë futbollisti tjetër shkodran Armando Vajushi i cili siç dihet po kalon një dëmtim prej pak ditësh, dëmtim i cili nuk e la atë të grumbullohej as me Shpresat e Shqipërisë për miqësoren e pazhvilluar me ekipin anglez.

Bala e Vajushi thirren me Shpresa për miqësoren ndaj Anglisë

Më 16 tetor ekipi i 21 vjeçarëve të Shqipërisë, nën drejtimin e trajnerit Skënder Gega do të zhvillojë një ndeshje miqësore me ekipine Anglisë së 23 vjeçarëve. Kuptohet që do jetë një seleksionim i disa prej lojtarëve më të mirë të këtij vendi. Ndeshja do të zhvillohet më datën 16 qershor dhe ajo që të bën përshtypje është se në listën e lojtarëve të shpallur për grumbullim për këtë ndeshje, janë vetëm dy shkodranë. Bëhet fjalë për dy sulmuesit, Bekim Balën dhe Armando Vajushin. Të tjerë nuk ka dhe ajo që bën përshtypje është se nuk është thirrur as Edon Hasani, futbollisti që ka kaluar nga Vllaznia për tek Liteksi në Bullgari ku dhe ka filluar të aktivizohet.

Goli i Salihit ndër 5 më të bukurit e DC United për vitin 2012

Njëri nga gjashtë golat që Hamdi Salihi ka shënuar për skuadrën e tij DC United në kampionatin amerikan, është përzgjedhur nga ana e faqes zyrtare të këtij klubi, si një nga më të bukurit e kësaj skuadre për vitin 2012. Themi kështu, sepse pikërisht në këtë faqe, janë 5 golat e zgjedhur, ndër të cilët edhe ai që sulmuesi shkodran ka shënuar më datë 2 maj në ndeshjen ndaj ekipit San Jose. Ka qenë një futje në zonë e Salihit dhe dërgimi i topit me majën e këpucës mbi portierin kundërshtar. Goli i tij do të konkurrojë me atë të Maicon Santos, Chris Pontius, De Rosarios dhe Branko Boshkoviçit.

Salihi kthehet tek goli. Shënon dhe i jep fitoren ekipit të tij

Sulmuesi shkodran Hamdi Salihi është kthyer sërish tek goli pas një periudhë disi të gjatë mungese. Ai ka shënuar pikërisht sot në ndeshjen e luajtur në transfertë ndaj ekipit Toronto FC duke i dhënë fitoren 1-0 ekipit të tij DC United. Edhe në këtë ndeshje, ai nuk e nisi si titullar teksa u fut në fushë në minutën e 64-të të ndeshjes dhe pak minuta më vonë, ai ndoqi me shumë vëmendje një aksion të skuadrës së tij nga krahu i djathtë dhe shfrytëzoi mirë momentin e moszotërimit të topit nga ana e portierit kundërshtar, duke e dërguar atë pastaj në rrjetë.

Bekim Bala shënon ndaj Atletiko Bilbaos për Ligën e Europës

Ka luajtur sot titullar dhe madje ka shënuar edhe gol për skuadrën e tij sulmuesi shkodran Bekim Bala. Ai është preferuar të jetë në fushë nga ana e trajnerit të Spartës së Pragës në takimin e luajtur pasditen e sotme ndaj spanjollëve të Atletiko Bilbaos, në ndeshjen e vlefshme për Ligën e Europës. Ndeshja e luajtur në stadiumin "General Arena" të Pragës është mbyllur me rezultatin 3-1 për Spartën dhe njëri nga protagonistët e këtij suksesi ka qenë edhe Bala. Ai ka shënuar madje golin e dytë të kësaj ndeshje pikërisht në minutën e 41-të.

Armando Vajushi shënon dy gola sot për Liteksin në fitoren 5-0

Futbollisti shkodran Armando Vajushi ka qenë protagonisti kryesor i ndeshjes për skuadrën e tij Liteks në përballjen që ajo ka patur ndaj Sllavias së Sofjes. Ai ka shënuar 2 gola duke kontribuar jo pak në fitoren e thellë 5-0. Vajushi ka shënuar golin e dytë të ndeshjes në minutën e 57-të dhe më pas edhe të tretin në minutën e 69-të. Loja e tij ka qenë e shkëlqyer në këtë ndeshje ndonëse siç është bërë e ditur ai ka qenë në dilemë për të luajtur apo jo si pasojë e një dëmtimi në kavilje në ndeshjen e kaluar.Madje ka qenë insistimi i trajnerit Stoiçkov për ta futur në lojë, ai që e ka detyruar 20 vjeçarin shkodran të durojë dhimbjet e të luajë, madje edhe nën efektin e gjilpërave vetëm e vetëm që ta ndihmojë skuadrën.

Xhevahir Sukaj shënon sërish gol për Sepahanin në Iran

Sulmuesi shkodran ka shënuar sërish në Iran. Në ndeshjen e luajtur pasditen e sotme ndaj ekipit Malavan FC, skuadra e shkodranit ndonëse luante në transfertë, ka arritur të fitojë me rezultatin e pastër 2-0. Ka qenë pikërisht Sukaj ai që ka zhbllokuar rezultatin në minutën e 45-të duke shënuar golin e parë ndërsa goli i dytë ka ardhur në minutën e 66-të nga kroati Daloviç. Me golin e shënuar sot, Sukajt ngjitet në kuotën e 5 golave të shënuar (në fakt duhej të ishin 6 por një gol i tij është shënuar si autogol nga mediat iraniane ngaqë topi është devijuar nga një futbollist kundërshtar.

FUTBOLLI I FEMRAVE

Vllaznia nis përgatitjet për “Uefa Women Champions League”

Për Vllazninë e futbollit të femrave nuk ka kohë për të humbur. Prej një jave, kampionia e Shqipërisë në futboll për femra, ka nisur...

HISTORI

error: NDALOHET KOPJIMI DHE PËRDORIMI I PA-AUTORIZUAR