Vajushi shënon dy gola në fitoren e thellë 5-1 të Liteksit

Pas Hamdi Salihit dje, sot ka qenë rradha e një shkodrani tjetër për të shënuar një dygolësh. Bëhet fjalë për Armando Vajushi që ka shënuar një dopietë duke kontribuar në fitoren e thellë 5-1 të Liteksit ndaj ekipit Botev...

Sparta e çon tek ekipi “B”, Bekim Balaj shpërthen me gola

Ardhja e Lafatas nga Jabloneci në merkaton e janarit bëri që për Bekim Balën të mos kishte më hapësira aktivizimi te Sparta e Pragës. Mirëpo, edhe pse në media u tha se sulmuesi shqiptar mund të jepej në huazim te Mllada Boleslav, kjo nuk ndodhi, pasi vetë Bala nuk pranoi që të largohej nga skuadra. Kësisoj, drejtuesit vendosën që ta mbanin në organikë, por ai të luante në fundjavë te skuadra e dytë, Sparta Pragë B, e cila militon në kategorinë e tretë në Çeki.

Hamdi Salihi shënon 2 gola dhe i jep barazimin ekipit të tij

Sulmuesi shkodran Hamdi Salihi vazhdon paraqitjen e tij të mirë me skuadrën kineze Jiangsu Santy. Ai në ndeshjen e luajtur sot, të vlefshme për kampionatin kinez të futbollit ndaj ekipit Shangai Shenxin, ka shënuar të dy golat për skuadrën e tij duke i dhënë asaj barazimin 2-2. Goli i parë i ndeshjes është shënuar nga ekipi kundërshtar në minutën e 51-të dhe shtatë minuta më vonë, Jiangsu ka fituar një 11-metërsh. Trajneri ka caktuar Salihin për ta ekzekutuar atë dhe ai ka qenë i saktë duke barazuar shifrat. Megjithatë ky barazim nuk ka zgjatur shumë sepse Shangai ka shënuar edhe golin e dytë në minutën e 64-të.

Sukaj e Vajushi në fushë por skuadrat e tyre kanë humbur sot

Dy futbollistët shkodranë, Xhevahir Sukaj dhe Armando Vajushi kanë qenë në fushë sot për skuadrat e tyre por pa i ndihmuar ato me gola për t'i fituar ndeshjet. Sepahani i Sukajt ka luajtur në Ligën e Kampioneve të Azisë në transfertë me skuadrën e Katarit Al Gharafa. Ndeshja ka nisur mirë për iranianët që kanë shënuar madje të parët që në minutën e 14-të por pa kaluar dy minuta skuadra vendase ka barazuar. Në pjesën e dytë Sepahani ka pësuar edhe dy gola të tjerë duke humbur kësisoj 1-3. Sukaj nuk ka mundur të bëjë dot asgjë në këtë ndeshje për të ndihmuar skuadrën e tij për arritjen e një rezultati pozitiv.

Salihi 30 minuta në fushë ndaj japonezë të Vegalta por… s’ka gol

Sulmuesi shkodran Hamdi Salihi ka luajtur sot ndeshjen e dytë të tij në Ligën e Kampioneve të Azisë me ekipin Jiangsu Sainty. Përballë këtë herë ka qenë ekipi japonez Vegalta Sendai dhe rezultati përfundimtar i ndeshjes ka qenë 0-0. Shkodrani është aktivizuar nga ana e trajnerit të skuadrës së tij në minutën e 60-të të ndeshjes me shpresë se ai do bënte diçka për t'i dhënë fitoren ekipit të tij por nuk ia ka dalë dot. Jiangsu kësisoj nuk ka arritur të marrë fitoren e parë në këtë kompeticion teksa edhe ndeshjen e parë e kishte humbur ndaj Seulit me rezultatin e thellë 1-5.

Hamdi Salihi s’ndalet. Tre ndeshje- tre gola në Kinë me Jiangsu

Sulmuesi shkodran Hamdi Salihi nuk ka të ndalur me shënimin e golave në Kinë. Pas atij të shënuar në Ligën e Kampioneve të Azisë javëne e kaluar, në fundjavë ai shënoi edhe në Superkupën e Kinës duke mundur skuadrën e Marçelo Lipit dhe duke i dhënë fitoren e këtij skuadrës së tij Jiangsu Sainty. Por Salihi ka vazhduar me golat e tij. E ka bërë një gjë të tillë edhe ditën e sotme teksa në ndeshjen e javës së parë të kampionatit kinez, atë në mes Jiangsu Sainty dhe ëuhan Zall, ka shënuar në minutën e 60-të një gol shumë të bukur duke zhbllokuar rezultati që deri atëherë ishte në barazim 0-0.

Armando Vajushi zgjidhet lojtari i javës në kampionatin bullgar

Armando Vajushi shpallet futbollisti më i mirë i javës së 16-të në kampionatin bullgar. Talenti shkodran i Liteksit ka marrë 12 vota në anketën që bëhet nga mediat sportive në Bullgari. Dy golat e shënuar në ndeshjen ndaj CSKA-së së Sofjes e kanë shndërruar Vajushin në heroin e Liteksit. Fitorja e skuadrës së trajnerit Hristo Stoiçkov ka qenë shumë e rëndësishme, aq më tepër në një fushë ku Liteksi kishte më shumë se një dekadë pa fituar. Protagonist absolut ka qenë mesfushori me tipare sulmuese, i cili në anketën e javës së fundit ka thyer edhe një tjetër “rekord”.

Sukaj s’ndalet. Shënon golin e 10-të në kampionatin iranian

Sulmuesi shkodran Xhevahir Sukaj nuk ka të ndalur në shënimin e golave në Iran. Pas dy golave të shënuar pak ditë më parë në ndeshjen që Sepahan luajti në Ligën e Kampioneve të Azisë, ai ka shënuar edhe sot në ndeshjen e vlefshme për kampionatin iranian të futbollit. Sepahani luante në transfertë me ekipin Gohar Zakros dhe ka fituar me rezultatin 4-1. Golin e parë për të e ka shënuar pikërisht Sukaj që në minutën e 9-të të ndeshjes duke i hapur rrugë kështu fitores së skuadrës së tij.

Salihi gol dhe asist. I jep Superkupën e Kinës ekipit Jiangsu

Hamdi Salihit i është dashur pak kohë për të shkruar emrin e tij në historinë e futbollit kinez. Sulmuesi i përfaqësueses shqiptare ka qenë njeriu i ndeshjes në Superkupën e Kinës, të fituar 2-1 nga Jiangsu Sainty përballë Guangzhou Evergrande, skuadrës që drejtohet nga i mirënjohuri Marçelo Lipi dhe që në vitet e fundit ka dominuar futbollin kinez. Në këtë mënyrë duket se ky njeri nuk do ndalet asnjëherë së shënuari.

Vajushi shënon dy gola me dedikim dhe i jep fitoren Liteksit

Mesfushori shkodran Armando Vajushi është shfaqur sërish protagonist për skuadrën e tij Liteks. Madje në ndeshjen e sotme, ka qenë heroi i saj teksa ka shënuar të dy golat e ndeshjes duke i dhënë fitoren 2-0 Liteksit në transfertën e vështirë me CSKA-në e Sofjes. 21 vjeçari shkodran golin e parë e ka shënuar që në minutën e 6-të të ndeshjes duke i dhënë njëfarë qetësie trajnerit Stoiçkov ndërsa të dytin në minutën e 56-të duke i dhënë qetësinë përfundimtare të fitores.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR