SPORTE TE TJERA

Kryetari i Bashkisë Shkodër ndjehet mjaft mirë që qyteti të cilin ai përfaqëson, ka tashmë në rradhët e tij një kampion bote. Prandaj dhe në takimin me Elis Gurin ai i ka shprehur mirënjohjen për mënyrën si e ka interpretuar këtë sukses ndonëse për flamurin bullgar por duke e shprehur në çdo vend origjinën e tij dhe flamurin e tij. Lorenc Luka njëkohësisht në prononcimin e tij për televizionin Rozafa i ka bërë thirrje edhe sportistëve të tjerë shkodranë të ndjekin rrugën e Elisit. Ja intervista e plotë e kryebashkiakut Luka:

Përveç basketbollit, në Shkodër ka edhe të tjerë kampionë. Një ndër ta është edhe mundësi 17 vjeçar Elsaed Guri I cili pak ditë më parë, në kampionatin e moshës së tij përveçse ka dalë kampionë, është vlerësuar edhe si sportisti më I mirë I Shqipërisë. Në një intervistë për gazetën www.shkodrasport.com, Guri që është pjestar I familjes së njohur që ka nxjerrë kampionë të mëdhenj në këtë sport, shpreh ëndërrat e tij për karrierën në vazhdim. "Suksesi në kampionatin e fundit ku u shpalla kampion në peshën time dhe u vlerësova si sportisti më i mirë i aktivitetit, ma kanë shtuar dëshirën për të bërë gjëra të mira edhe në të ardhmen. Kuptohet që ëndërra ka shumë por unë kam një dëshirë të madhe: të bëhem kampion bote si kushëriri im- Elis Guri"- ka thënë Elsaedi.

Javën e ardhshme, në Korçë do të zhvillohet aktiviteti i rradhës nga Federata Shqiptare e Çiklizmit. Ajo, në bashkëpunim me Bashkinë e këtij qyteti, do të organizojnë kupën në emrin e çiklistit Mishel Cico. Në të do të marrin pjesë sportistët e të gjithë ekipeve të vendit. Ndryshe nga aktivitetet e tjera të deritanishme, kjo kupë do të zhvillohet me tre etapa dhe për këtë arsye, konsiderohet e rëndësishme.