Charles Atsina, sulmuesi ganez nuk qenka krejt pa vlera!

30 Tetor 2017
Author :  

Shumëkush e ka paragjykuar por në ndeshjen e djeshme ndaj Kukësit, tregoi vlera. Sulmuesi ganez me pasaportë italiane Charles Buaku Atsina jo vetëm ishte autor i të dy golave për Vllazninë por ka shfaqur edhe vlera të tjera pozitive duke mbajtur skuadrën përpara. 28 vjeçari ka qenë i pafat në fakt në këtë fillim-kampionati. Vetëm pas 2-3 ndeshjeve të para, ai pësoi një dëmtim në gju prej të cili u detyrua të qëndronte pushim për rreth një muaj.

Ndërkohë, ndryshimi i trajnerëve do të sillte edhe fatin për këtë lojtar. Trajnerit të ri Gjoka i ka mjaftuar një javë stërvitje me këtë futbollist për të dalë në përfundimin se më mirë se Atsina, askush tjetër nga kontigjenti aktual nuk mund ta bënte vijën e parë të sulmit. Për rrjedhojë, i besoi vendin e titullarit ndaj Kukësit dhe ai nuk e zhgënjeu. Shumëkush mund të mendojë se ato gola ishin rastësi dhe vështirë se ky futbollist do të shënojë gola të tjerë në javët e ardhshme. Mund të ndodhë edhe kështu por të mos harrojmë se që në momentin e firmosjes së kontratës, drejtuesit e Vllaznisë e kanë patur të qartë se nuk kanë marrë një super-sulmues por një alternativë për këtë repart dhe ai deri më tani e ka justifikuar në mënyrën e duhur. Shpresat janë që ai të vazhdojë të bëjë mirë edhe në të ardhmen.

SHKODRA SPORT

1024 Views
ShkodraSport
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree