TE FUNDIT

Në Kampionatin Botëror të Atletikës që zhvillohet pas dy javësh në Londër vendi ynë do të përfaqësohet vetëm me atleten Luiza Gega, pasi shkodrani Izmir Smajlaj ka ngritur “flamurin e bardhë”. Një dëmtim në këmbë ka detyruar shkodranin të tërhiqet nga gara, lajm që është konfirmuar nga vetë atleti, që ka kryer edhe një vizitë më të detajuar mjekësore në Itali.

Sporti shkodran humbet një tjetër kampion, Rasim Krajën. Atleti i shkëlqyer, kampioni dhe rekordmeni i garave të sprintit në vitet '60- '70, i ka dhënë lamtumirën familjes, shokëve dhe kolegëve të tij pikërisht në moshën 75 vjeçare. Natyrisht që ka lënë pas një karrierë shumë të suksesshme.

Titulli i nënkampionit të Ballkanit marrë së fundi në Pitesht të Rumanisë nga atleti shkodran Ergys Gjeçaj, ka gëzuar të gjithë stafin e ekipit tonë kombëtar. Në veçanti presidentin e Federatës Shqiptare të Atletikës. Duket se disiplina e tij e preferuar, ajo e kërcimit së gjati, po rezulton më e suksesshmja për Federatën që ai drejton me rezultatet e arritura.

Atletika shkodrane dhuron një tjetër rezultat të lartë në arenën ndërkombëtare. Këtë herë nuk është kampioni i Europës Izmir Smajlaj që ka shkëlqyer. Rradha ka qenë e një tjetër kërcyesi, pikërisht e Ergys Gjeçajt. Atleti i Vllaznisë është shpallur nënkampion Ballkani për të rinjtë. Ai ka kërcyer 7.54 metra dhe ka zënë vendin e dytë, ndërsa presidenti Gjergji Ruli e ka vlerësuar si një talent që po vjen.

Dëmtimi i pësuar nga kampioni i Europës Izmir Smajlaj në garat e kampionatit kombëtar që u zhvilluan javën e kaluar në Elbasan, për fatin e mirë nuk ka qenë i rëndë. Një tërheqje muskulare në pjesën e përparme të kofshës së djathtë, për momentin e ka lënë disa ditë pushim megjithatë atleti i mirënjohur nuk ka qëndruar krejt pasiv.

Dikush feston titullin e parë në historinë e tij, dikush tjetër priti titullin e 10-të kampion për të vënë yllin e parë në fanellë (është një shenjë treguese në sport kur një ekip fiton 10 herë titullin kampion të atij vendi). Në fakt ka patur edhe ekipe të tjera më Shkodër që e kanë vënë tashmë edhe yllin e dytë në fanellë siç është ekipi i boksit të Vllaznisë që një vit më parë festoi titullin e 20-të kampion. Në Shkodër është krijuar në fakt ideja dhe perceptimi se boksi nën drejtimin e të mirënjohurit Zef Gjoni, duhet të jetë sporti më i titulluar në klubin Vlaznia.

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree