Në barazim 0-0 është mbyllur ndeshja e parë e turit të parë të Kupës së Shqipërisë në mes Kastriotit dhe Vllaznisë. E luajtur në Krujë pasditen e sotme, ky takim nuk ka dhuruar fitues ndonëse rastet nuk kanë munguar rastet për të dy ekipet. Skuadra shkodrane e ka nisur këtë ndeshje me formacionin e saj thuajse më të mirë teksa në fushë kanë qenë 9 nga 11 futbollistët që luajtën tre ditë më parë ndaj Lushnjës.

Pasditen e nesërme në Krujë do të luhet ndeshja e parë e turit të parë të Kupës së Shqipërisë, ajo në mes Kastriotit vendas dhe Vllaznisë. Natyrisht që për shkodranët është një ndeshje e cila duhet fituar në mënyrë që gjithçka të bëhet më e lehtë për ndeshjen e kthimit në mënyrë që të jenë ata të cilët do të kalojnë në turin e dytë të këtij kompeticioni.

Dy ditë më parë është prezantuar edhe shorti i Kupës së Shqipërisë për sezonin e ri futbollistik. Në të do të marrin pjesë ekipet e Superligës dhe ato të kategorisë së parë. Por çuditërisht në mes këtyre ekipeve mungon Vllaznia B e cila siç dihet merr pjesë sivjet për herë të parë në kategorinë e parë. Në vend të saj në mënyrë të padrejtë është rregjistruar ekipi i Vorës i cili u rendit pas shkodranëve në kampionatin e kategorisë së dytë.

Vllaznia dhe Tirana do të ndeshen sërish me njëra- tjetrën edhe në sezonin e ri futbollistik por këtë herë jo për kampionat sepse bardheblutë siç dihet kanë rënë nga Superliga. Shkodranët dhe tiranasit pritet të ndeshen këtë herë për Kupën e Shqipërisë. Ky është verdikti I shortit të bërë publik sot nga Federata Shqiptare e Futbollit. Në fakt, këto dy ekipe nuk do të ndeshen mes tyre që në turin e parë të këtij kompeticioni. Vllaznia në turin e parë do të përballet me Kastriotin e Krujës në dy ndeshje që do të luhen 13 dhe 27 shtator.

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree