Ndonëse duhet edhe një muaj e gjysëm që të nisë zyrtarisht merkatoja e dimrit, tek Vllaznia ka nisur puna për gjetjen e ndonjë lojtari cilësor. Dhe nëse deri më sot mendohej që kuqeblutë do të kërkonin përforcim për në sulm, kjo nuk është e saktë. Më shumë e domosdoshme për stafin aktual është gjetja e një qendërmbrojtësi.

Ndonëse duhet edhe më tepër se një muaj e gjysëm që të nisë zyrtarisht merkatoja e janarit, drejtuesit e Vllaznisë mësohet se kanë nisur punën për të parë ndonjë futbollist që mund t'i bashkohet kësaj skuadre. Për momentin nuk ka një objektiv të qartë se ku po synohet, në tregun e brendshëm apo atë të huaj megjithatë ideja është të gjendet ndonjë lojtar cilësor për sulmin por edhe për mbrojtjen.

Partizani ka vuajtur për golat në fazën e parë të kampionatit e për këtë sigurisht që kanë ndikuar mungesat e Sukajt dhe Çanit, ndërkohë që edhe të afruarit Xhixhiua e Basrak nuk janë në lartësinë e pritur. Merkatoja e të kuqve ka nisur, të paktën faza e studimit të emrave. Së fundmi ka dalë në skenë një emër, i cili e ka provuar Superioren.Bëhet fjalë për ganezin e Vllaznisë, Çharles Atsina, i cili arriti t’i shënojë Kukësit para dy javëve dy gola.

Me marrjen e Andi Ribajt është mbyllur merkatoja e Vllaznisë. Me të ka shkuar në gjashtë numri i blerjeve të saj. I pari erdhi Edon Hasani, më pas firmosi Gilman Lika, Nuredin Orelesi, Charles Atsina e pastaj edhe Erjon Vucaj. Në pamje të parë kemi të bëjmë me një merkato cilësore megjithatë ka edhe mendime ndryshe.

Orët e fundit të merkatos së futbollistëve të kampionatit shqiptar, mund të sjellin një futbollist tjetër tek Vllaznia. Bëhet fjalë për sulmuesin Andi Ribajn. Burime pranë klubit shkodran bëjnë të ditur se lojtari do të mbërrijë në orët e darkës në qytetin verior dhe do të ulet në tavolinë me drejtuesit e klubit me idenë për të rënë dakord për firmosjen e kontratës.

Merkatoja e Superligës shqiptare do të mbyllet ditën e martë por tek Vllaznia nuk pritej lojtarë të tjerë. Bëhet fjalë për futbollistë të kampionatit shqiptar sepse merkatoja e të huajve është mbyllur që më 31 gusht. Sa I takon lojtarëve të kampionatit tonë, në fakt shanset që ndonjëri prej tyre të vijë në Shkodër, duken shumë të pakta. Secili skuadër tashmë është profilizuar dhe bërë gati për nisjen e kampionatit. Në këto kushte, kuqeblutë duhet t’I bëjnë planet me kontigjentin aktual.

Page 1 of 4
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree