Pavarësisht se ka qenë një ndeshje miqësore apo dhe testuese, fitorja e sotme e ekipit "Vllaznia B" ndaj "Vllaznia A" mund të quhet një surprizë. Arsyeja është e thjeshtë. Tek ekipi i dytë luajnë futbollistët të cilët nuk kanë gjetur hapësirat e duhura tek ekipi i parë dhe diferencat në emra dhe në pagesa, padyshim që janë të mëdha.

Ndeshja miqësore që do të zhvillohet pasditen e së shtunës në mes ekipeve të Vllaznisë, atij "A" dhe atij "B" mund të marrë më shumë rëndësi se një test kontrolli për stafet e të dy ekipeve. Kjo sepse trajneri Gjoka kërkon të hedhë sytë edhe tek ekipi i dytë për të parë ndonjë element që mund t'i shërbejë në të ardhmen. Arsyeja është e thjeshtë se disa nga futbollistët që ka aktualisht në dispozicion, nuk po e bindin aq sa duhet. Kuptohet, bëhet fjalë për lojtarë që janë jashtë 18-shes.

Ndërprerja e kampionatit për shkak të ndeshjes miqësore që kombëtarja shqiptare do të zhvillojë me atë turke, do të shfrytëzohet nga drejtuesit e ekipit të Vllaznisë për të zhvilluar një ndeshje miqësore. Ajo do të zhvillohet me shumë gjasa ditën e shtunë dhe përballë saj do të jetë ekipi "Vllaznia B".

Një tjetër fitoren e miqësoreve për "Vllazninë B". Ditën e sotme ajo ka zhvilluar ndeshjen e rradhës me ekipin U-19 dhe ka fituar ndaj tij me rezultatin 2-1. Për kuqeblutë e trajnerit Kraja kanë shënuar në pjesën e parë Balaj pikërisht në minutën e 35-të ndërsa në të 70-tën ka shënuar Hajdari ndërsa në minutat e fundit të ndeshjes, të rinjtë shkodranë kanë shënuar golin e vetëm për ta.

Miqësorja e fundit e Vllaznisë në prag të nisjes së sezonit të ri, ajo e luajtur pasditen e sotme në Tuz ndaj Deçiçit vendas, është mbyllur në barazim 1-1. Të parët kanë shënuar shkodranët me anë të Krujës në '15 ndërsa kanë barazuar tuzianët me një autogol të mbrojtësit të kuqebluve Mehmedaj në '72 të pjesës së dytë. Përgjithësisht ka qenë një ndeshje pozitive ndonëse shkodranët kanë patur disa mungesa.

Me rezultatin e thellë 10-0 është mbyllur miqësorja e luajtur pasditen e sotme në mes Vllaznisë dhe malazezëve të Petnicës. E luajtur në stadiumin e Beranes, ashtu siç pritej ajo është dominuar nga futbollistët shkodranë të cilët në fakt nuk kanë hasur shumë rezistencë sepse niveli i ekipit kundërshtarë ka lënë shumë për të dëshiruar.

Page 1 of 2
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree