7 medaljet e arta dhe dy trofetë e fituara si ekip dhe dy të tjera si boksieri më i mirë i aktivitetit e kanë rritur në mënyrë të ndjeshme nivelin dhe reputacionin e boksit shqiptar. Rezultate këto që tregojnë se ky sport është në ditët e ti më të mira. Tashmë boksierët tanë, jo vetem që garojnë si të barabartë me çdo boksier të huaj, por bazuar në arritjet e periudhës së fundit, ato figurojnë të jënë më të mirët në rajon.

Ka përfunduar me suksesin e kombëtares shqiptare të boksit edhe turneu "Gongu i Artë" i zhvilluar për dy ditë me rradhë në Shkup të Maqedonisë. Shqipëria ka sfiduar Serbinë në renditjen ekipore dhe i ka rrëmbyer asaj vendin e parë. Por jo vetëm kaq. Boksieri shkodran Bekim Vjerdha është vlerësuar si boksieri më i mirë i aktivitetit duke merituar edhe trofeun e veçantë të "Gongut të Artë".

Kombëtarja e boksit, pak ditë pas pjesëmarrjes në turneun “Adem Jashari” që u zhvillua në Prishtinë ka udhëtuar për në Shkup, aty ku këtë fundjavë do të zhvillohet turneu tjetër ndërkombëtar, ai i “Gungut të Artë”. Në këtë turne, Shqipëria do të përfaqësohet me boksierët Ardit Murja (pesha 56kg), Krenar Zeneli (pesha 60kg), Indrit Sokoli (pesha 64kg), Arjon Kajoshi (pesha 75kg), Bekim Vjerdha (pesha 81kg) dhe Emiliano Xhediku (pesha 91kg).

Kombëtarja shqiptare e boksit, me pesë sportistë në rradhët e tij, është nisur paraditen e së enjtes drejt Maqedonisë për të marrë pjesë në turneun ndërkombëtar “Gongu I Artë” që zhvillohet këtë fundjavë në Shkup. Para nisjes, trajneri Zef Gjoni në një prononcim për "Shkodra Sport" është shprehur entuziast për një tjetër paraqitje positive të boksierëve edhe në këtë turne ndonëse ai do të jetë edhe më I fortë se “Adem Jashari” I Prishtinës ku morën pjesë javën e kaluar.

Dy boksierët e Vllaznisë dhe të kombëtares shqiptare, Arjon Kajoshi dhe Krenar Zeneli, do të synojnë fitimin e vendeve të para si në turneun “Adem Jashari” që zhvillohet këtë fundjavë në Prishtinë të Kosovës ashtu edhe në “Gongun e Artë” që do të zhvillohet javën e ardhshme në Shkup të Maqedonisë. Është trajneri i kombëtares tonë Zef Gjoni ai që në një intervistë për "SHKODRA SPORT" shprehet i bindur në suksesin e këtyre dy sportistëve.

Mbrëmë bashkë me sportistët e tij por edhe kolegët trajnerë, ka festuar titullin e 21-të kampion të Shqipërisë. Zef Gjoni është ndjerë i lumtur. Më shumë se kurrë në karrierën e tij. Sigurisht që kaq shumë tituj një trajner nuk i ka fituar kurrë dhe prandaj ai është edhe më i veçantë se të tjerët.

Page 1 of 2
We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree