AEL Limassol-Vllaznia nuk do të luhet në orën 16:00. Sfida e turit të dytë të Conference League është programuar që të luhet ditën e enjte, ndërsa orari ka ndryshuar për shkak të temperaturave të larta në Qipro.

Prej ditësh është kërkuar që ky orar të ndryshojë pasi është e vështirë për lojtarët që të luajnë në të tilla kushte dhe sot UEFA ka pranuar kërkesën duke ndryshuar orarin.

Ky takim tashmë është spostuar për t’u luajtur në orën 19:00 dhe një gjë e tillë konfirmohet nga UEFA në faqen zyrtare.

AEL Limassol-Vllaznia do të luhet ditën e enjte në orën 19:00.