Blog

Milani nuk ka pasur një nisje të tillë të sezonit që nga viti i fitimit të titullit kampion. Sipas “La Gazzetta dello Sport”, 31 pikët e fituara nga Milani në 14 javët e para të Serie A janë të barabarta me ato të koleksionuara në sezonin 2021-22 (sezoni kur kuqezinjtë fituan titullin për herë të fundit).

Ekziston një statistikë historike që e bën Massimiliano Allegrin të buzëqeshë në lidhje me Champions League: në epokën e tre pikëve, sa herë që kuqezinjtë kanë tejkaluar shifrën e 30 pikëve në këtë fazë të sezonit, ata gjithmonë kanë përfunduar të paktën në podium. Shkurt, të gjitha shifrat janë në anën e kuqezinjve.

Aktualisht kuqezinjtë kryesojnë renditjen e Serie A (bashkë me Napolin) me 31 pikë pas 14 ndeshjeve të luajtura.

E ardhmja e kapitenit të Shqipërisë Berat Gjimshiti në ekipin e Atalantës ka marrë tjetër qasje pas largimit të trajnerit Gasperini.

Qendërmbrojtësit shqiptar i përfundon kontrata ne verën e vitit të ardhshëm dhe shanset që skuadra bergamaske t’i rinovojë kontratën janë të pakta, marrë shkasë edhe prej moshës, 32 vjeç.

Mediat greke bëjnë të ditur se “rekordmenët” e Olympiacos janë të interesuar për Gjimshitin, transferim me parametra zero gjatë merkatos së verës 2026.

Aventura për liderin e Kombëtares në Superligën greke do të ishte një risi, aq më tepër te klubi më i madh në tokën helene.      

Jashtë Europe dhe Kupës në Itali, Milan tani është i fokusuar totalisht te gara në Serie A.

Drejtuesit e “djallit” insistojnë se objektiv mbetet vetëm rikthimi në Champions, por në kushte të tilla me vetëm një ndeshje në javë, Milan pa diskutim do të luajë për titull, por ky objektiv është i lidhur ngushtë edhe me merkaton e janarit.

Igli Tare do të kërkojë me çdo kusht t’i vendos në dispozicion trajnerit Alegri një sulmues të ri, për këtë arsye Tare ka planifikuar një takim kokë me kokë me super agjentin Pini Zahavi, i cili menaxhon Nkunku dhe Robert Levandovski. Tare kërkon të kuptojë nga agjenti i polakut nëse ekziston mundësia që Leva të transferohet në Milano, sigurisht edhe kushtet financiare.

Në këtë pikë, në skenë del edhe opsioni Nkunku, me Taren që kërkon të përfshijë në negociata ish sulmuesin e Çelsit. Nkunku zbarkoi në Milano gjatë verës për 38 milionë euro, plus 4 bonuse, por deri në këtë pikë të sezonit ka zhgënjyer totalisht. Tare është i gatshëm t’i jap Barçës sulmuesin francez, në mënyrë që Flik të lërë të lirë Lewandovskin.

Jorge Valdano ka analizuar problemet e Real Madridit, duke theksuar se disa prej tyre janë “kronike”, sidomos vështirësia për të bërë presion, e lidhur “drejtpërdrejt me gjendjen shpirtërore dhe stimulimin”. Ai theksoi se “kundër Celta, skuadra mbeti me 10 lojtarë dhe vetëm atëherë gjeti një agresivitet që nuk e kishte treguar për një orë të tërë”.

“Presioni është thelbësor, sepse e mban ekipin të lidhur, të përqendruar dhe pa apati”, – nënvizoi Valdano. Ai shtoi se presioni duhet të jetë i vërtetë: “Siç thoshte Menotti: Nuk është çështje të shkosh e të lëshosh. Është çështje të shkosh dhe të kafshosh”.

Sipas tij, vështirësitë nisin nga sulmi: “Dy sulmuesit e mëdhenj të Realit janë shumë vendimtarë, por e kanë të vështirë betejën e parë”. Ai përmendi Mbappé (“shumë pak për një që mund të jetë më i miri në botë”) dhe Vinicius (“iu deshën 35 minuta të hynte në lojë”). 

Sa i përket rolit të Xabi Alonso, Valdano ishte i qartë: “E konsideroj Xabi Alonson një trajner të aftë; ata që nuk vrapojnë janë lojtarët, jo trajneri”.