KATEGORIA SUPERIORE

Federata Shqiptare e Futbollit ka përcaktuar datat dhe oraret e zhvillimit të ndeshjeve të rradhës për javën e ardhshme të kampionatit të Superligës, madje janë caktuar për katër javët e ardhshme. Kështu, ndeshja Tomori- Vllaznia e vlefshme për javën e shtatë, do të luhet të dielën e ardhshme, më datë 21 tetor në orën 14.00 në stadiumin e qytetit të Beratit. Ndeshja tjetër, ajo për javën e tetë me Shkumbinin, do të luhet po të dielën, më datë 28 tetor, këtë herë në orën 17.00, pra nën dritat e projektorëve të stadiumit "Loro Boriçi".

Zgjidhet problemi I pjesmarrjes së ekipeve të basketbollit dhe volejbollit të klubit Vllaznia në kampionatet kombëtare por mbetet një ngërç I madh ai për disa ekipe të tjera për pjesmarrjen në aktivitetet e tjera që kanë mbetur për t’u zhvilluar deri në fund të këtij viti. Bashkia Shkodër, në kuadër edhe të shkurtimit të shpenzimeve administrative në këtë fund- viti ka vendosur që të përshijë në këto shkurtime edhe sportin. Konkretisht klubin shumësportësh Vllaznia. Bëhet e ditur se institucioni I pushtetit lokal nga I cili merr fondet klubi, ka vendosur që të akordojë 30 për qind më pak të fondeve për periudhën tetor- dhjetor 2012. Me t’u bërë publik lajmi për mundësinë e mospjesmarrjes së disa ekipeve të shumësportëshit shkodran në kampionatet kombëtare, ka ardhur edhe reagimi I Bashkisë Shkodër.

Vllaznia ka bërë mirë në gjashtë javët e para të kampionatit ndonëse ka patur edhe ajo oshilacionet e veta në disa prej ndeshjeve të zhvilluara. Kjo është deklarata e bërë në konferencën e sotme për shtyp nga mbrojtësi I saj Dritan Smajli. Duke folur para gazetarëve, numri 2 I kuqebluve e ka vlerësuar si positive këtë ecuri teksa ka thënë: "Normalisht që duhet të jemi të kenaqur sepse ekipi ka reaguar në momentet më të vështira të tij. Mendoj që kemi reaguar mirë, sidomos dy ndeshjet e fundit duke marrë edhe rezultat, duke zhvilluar edhe lojë. Normalisht duhet të jemi të kënaqur sipas mendimit tim".

Ka qenë pasditen e së dielës i pranishëm në stadiumin "Loro Boriçi" dhe prania e tij në ndeshjen e Vllaznisë ndaj Laçit, duket se i ka dhënë fat skuadrës shkodrane. Bëhet fjalë për ish-futbollistin e saj Armando Vajushi. Edhe ai vetë ka këtë mendim teksa për gazetën online shkodrasport.com, do të shprehej: "Prania ime në stadiumin "Loro Boriçi" sa herë që luan Vllaznia rezulton me fat, çka do të thotë se edhe tani që nuk jam pjesë e saj, sërish i sjell fat skuadrës time të zemrës. Më ka ndodhur edhe sezonin e kaluar kundër Flamurtarit, ndeshje kjo që u fitua nga Vllaznia, më ndodhi edhe këtë herë ndaj Laçit.

Tekniku i Vllaznisë, Shpëtim Duro, e ka vlerësuar maksimalisht punën e repartit të mbrojtjes në këto gjashtë javët e para të kampionatit. Pavarësisht paraqitjes së takimit të parë me korçarët, tekniku Shpëtim Duro duke iu referuar edhe pësimit të një goli në pesë ndeshjet e tjera e ka vlerësuar këtë repart, por sidomos qendrën e mbrojtjes së saj, si një nga pikat më të forta dhe më cilësore të kësaj skuadre. “Unë dua të vlerësoj në maksimum punën që po bën në tërësi mbrojtja. Mund të them se ne kemi treguar në pesë takime se kemi një nga mbrojtjet më të mira.

Pas paraqitjes së mirë dhe golit të shënuar në ndeshjen e Europa League ndaj Atletiko Bilbao, sulmuesi shkodran Bekim Bala ka fituar një vend titullari edhe në ndeshjen e fundit të kampionatit çek të futbollit, ate te luajtur pasditen e djeshme. Atë që Sparta e Pragës ka luajtur në shtëpi ndaj ekipi Banik Ostrava. Ky takim është fituar me rezultatin 2-0 nga skuadra e sulmuesit shkodran i cili ndonëse nuk ka shënuar, ka bërë një paraqitje të mirë edhe në këtë ndeshje. Ai ka qëndruar në fushë 88 minuta dhe në fund është zëvendësuar thjesht për të fituar kohë.

Një ish-futbollist i njohur, më saktë, një portier i madh, që ka patur fatin të luajë edhe me Vllazninë në Kupat e Europës, saktësisht në fitoren historike 2-0 ndaj Austrisë së Vjenës në vitin 1978, pikërish Jani Kaçi, e ka vlerësuar edhe skuadrën aktuale të Vllaznisë. Ai, duke folur në një të përditshme sportive në lidhje me skuadrën korçare dhe për kampionatin në përgjithësi ka thënë: "Skënderbeun përveçse kampion në fuqi për dy vitet e fundit, e shoh pretendent edhe në sezonin aktual. Ai ka në përbërje lojtarë shumë të mirë megjithatë pretendent nuk do jetë vetëm Skënderbeu.

Goli I shënuar ndaj Laçit ka patur shumë rëndësi për Vllazninë sepse ishte ai që I dha fitoren asaj. Pikërisht për këtë arsye, ai merr vlera dhe më të mëdha. Kristian Dragoi pikërisht për këtë duhet vlerësuar sepse e shpëtoi skuadrën e tij ngaqë ky gol erdhi në minutën e 89-të. Por ajo që  e bën edhe më të rëndësishëm këtë gol është padyshim sakrifica që bëri ky futbollist për të qenë në fushë dhe për kontribuar për skuadrën e tij.

Pasditen e sotme është zhvilluar në Mitrovicë të Kosovës ndeshja miqësore e futbollit të femrave në mes ekipit vendas Trepça '89 dhe ekipit shkodran "Juban Danja". Siç kemi bërë të ditur, kjo ndeshje do shërbente si test për këtë të fundit në prag të nisjes së kampionatit të ri por edhe për të forcuar marëdhëniet në mes dy vendeve. Siç na bën të ditur presidenti i ekipit "Juban Danja" Ferdinand Jaku, rezultati përfundimtar i kësaj miqësoreje ka qenë 3-1 për ekipin kosovar. Të vetmin gol për vajzat jubanase e ka shënuar futbollistja më e mirë e këtij ekipi Advije Veliu.