KATEGORIA SUPERIORE

Pasditen e sotme ekipi I Vllaznisë do të zbresë në fushë për të zhvilluar të parën miqësore të vërtetë në këtë periudhë përgatitore. Pas tre javësh stërvitje intensive në Shkodër, kuqeblutë tashmë do provojnë veten përballë një kundërshtari serioz. Bëhet fjalë për ekipin e Mornarit të Tivarit. Miqësorja siç është bërë tashmë e ditur, do të luhet sot në orën 18.00 në stadiumin e qytetit të Tivarit të Malit të Zi.

Skuadra shkodrane e ka nisur me humbje serinë e miqësoreve të saj në përgatitoren e kësaj vere. Në ndeshjen e luajtur pasditen e sotme në stadiumin e qytetit të Tivarit ndaj skuadrës vendase të Mornarit me rezultatin 0-1. Një gol I shënuar në pjesën e dytë I ka dhënë fitoren malazezëve. Me këtë humbje sigurisht që nuk ka patur ndonjë problem për skuadrën e trajnerit Duro por megjithatë nisja me humbje e serisë së miqësoreve është një tregues se tek Vllaznia ka shumë gjëra për t’u rregulluar sërish deri në momentin e nisjes së kampionatit.

Vendimi do merret ditën e martë në mbledhjen e rradhës të Këshillit Bashkiak Shkodër megjithatë projekti I hartuar nga ana e drejtuesve të klubit parashikon atë shumë parash për të kaluar nga llogaria e këtij institucioni në atë të shoqërisë aksionere Vllaznia. Bëhet fjalë për 450 milionë lekë të vjetra. Shumë kjo e mjaftueshme për të përballuar gjithë sezonin futbollistik 2012-13. Kryetari I Bashkisë Lorenc Luka prej kohësh ka ngarkuar kryetarin e bordit mbikëqyrës të shoqërisë aksionere- Ritvan Troshanin, njëkohësisht edhe nënkryetar I këtij institucioni të qeverisjes lokale, që sëbashku me administratorin Kujtim Shaba  të hartojnë projekt- buxhetin për sezonin e ri.

Pasditen e së enjtes në stërvitjen e zhvilluar në fushën sportive të Shtojit, ka patur një moment të pakëndshëm. Gjatë një momenti të lojës së zhvilluar Brenda përbrenda skuadrës, mesfushori shkodran Edon Hasani ka bërë një ndërhyrje të rëndë ndaj sulmuesit tiranas Vilfor Hysa. Si pasojë e kësaj ndërhyrje, ky I fundit pa pësuar një çarje në pjesën sipër vetullës. Pas këtij dëmtimi ka marrë situatën në kontroll stafi mjekësor dhe për rrjedhojë, për Hysën ka patur dy qepje në vendin e dëmtuar. Gjërat janë normalizuar pas kësaj por jo për stafin drejtues.

Olti Bishani, Orges Lini dhe Ergys Buliqi fillimisht por në ditët e ardhshme mund të vijnë edhe të tjerë lojtarë shkodranë. Ky është Partizani aktual. Partizani që drejtohet nga Paro Laçi, një prej aksionerëve të klubit dhe që ka nisur përgatitjet për kampionatin e ri. Portieri Bishani dhe mesfushori Lini kanë filluar prej ditësh stërvitjen me këtë skuadër, madje edhe kanë luajtur në miqësoren e parë që ajo ka zhvilluar. Ndërkohë që nga dita e djeshme, me të kuqtë është ofruar edhe mesfushori tjetër shkodran Amir Tafa.

Pas Arsen Sykajt, edhe një tjetër futbollist I Vllaznisë e ka braktisur atë për të kaluar tek Kastrioti I Krujës. Lajmi bëhet I ditur nga burime pranë klubit krutan teksa ka qenë vetë presidenti I tij Artan Djala që e ka bërë publike një gjë të tillë sonte. Marrja e Gocajt nuk është ndonjë e papritur duke qenë se ky lojtar edhe më parë ka qenë pjesë e Kastriotit madje fillimisht tek ai spikati për t’u rikthyer sërish në Shkodër. Megjithatë, me ardhjen e Duros në pankinën e Vllaznisë, mbrojtësi dhe mesfushori I djathtë nuk shihej më si titullar dhe jo më kot është marrë rumuni Dragoi.

Opinion nga Blendi DIBRA

Përgatitjet për sezonin e ri futbollistik për çdo ekip si përherë ndeshen me shumë dilema dhe të panjohura të cilat lidhen kryesisht me formimin e ekipit, duke filluar që me caktimin e trainerit, emrat e të afruarve dhe të larguarve të merkatos si dhe shume të papritura të këndshme dhe të pakëndshme të cilat krijohen gjatë zhvillimit të këtyre proçeseve.

Dje ka prezantuar blerjen më të fundit të Vllaznisë- Vilfor Hysën. Drejtori  sportiv I klubit shkodran Armir Grima, protagonisti kryesor I merkatos kuqeblu të kohëve të fundit, është shprehur mjaft I kënaqur me atë çfarë ka realizuar. “Besoj se kjo është ndër skuadrat më të mira që ka patur Vllaznia këto vitet e fundit”-ka thënë ai. Mjafton kjo fjali për të kuptuar se deri në këto momente të gjithë janë të kënaqur me atë çfarë është arritur.

Pejiç, Xhafaj, Hysa? E rëndësishme ishte të vinte njëri dhe jam i kënaqur që erdhi Hysa”-thotë trajneri I Vllaznisë Shpëtim Duro në prononcimin e tij të djeshëm për gazetën tonë. Ai po punon me shumë përkushtim në krye të kuqebluve dhe ka bërë njëfarë bilanci të punës dyjavore në krye të tyre. është mëse I kënaqur me mënyrën si kanë shkuar të gjitha gjërat dhe kjo e ka bërë entuziast.