Çiklistet e Vllaznise kane bere nje paraqitje te mire ne diten e pare te kampionatit kombetar individual qe ka nisur sot ne Belsh te Elbasanit. Ne garen e kronometrit individual, kane qene tre sportiste te ekipit shkodran qe kane arritur te ngjiten ne podium duke treguar nje forme te mire sportive.
Spikat mbi te gjitha çiklisti Luis Margjoni i cili ne garen e kadeteve ka zene vendin e pare ne garen e kronometrit individual prej 12 kilometrash duke e pershkruar ate me kohen 20’45” duke qene i shkeputur plot 48 sekonda nga sportisti Clayson Kabetaj i Flamurtarit.
Ne garen e te rinjve nderkohe nje figure te mire ka bere çiklisti Alesio Kola, i cili pas nje shkeputje disamujore ne Itali, rikthehet serish tek Vllaznia duke u ngjitur menjehere ne podium. Ne garen e kronometrit individual prej 18 kilometrash, ka arritur kohen 33’19” duke u renditur i treti pas Leo Pilkut te Studentit dhe Markelian Bedulles se Skenderbeut. Nderkohe çiklisti tjeter i Vllaznise Bekim Tafili me kohen 33’50 eshte renditur ne vendin e peste.
Edhe tek te rriturit ka patur nje tjeter shkodran qe ka bere nje paraqitje te mire. Mateo Balaj e ka pershkruar distancen prej 36 kilometrash nee garen e kronometrit individual me kohen 56’55” duke i renditur ne vendin e trete pas Olsion Veliajt te Tiranes dhe Lukas Sulaj Kloppenborg te Studentit.
Ne kete menyre gara e kronometrit individual mbyllen me nje titull kampion per çiklistet e Vllaznise, ate te Luis Margjonit dhe me dy vende te treta, per Alesio Kolen dhe Mateo Balajn.
Neser do te zhvillohet gara e rezistences dhe çiklistet shkodrane nen drejtimin e trajnerit Leonat Kola synojne serish te renditen ne vendet e para te kampionatit.(www.shkodrasport.com)
