SHKODRA SPORT

Klubi i Liverpool po përgatit për periudhën post Jurgen Klopp teksa pritet që të emërojnë në krye të skuadrës, holandezin Arne Slot. Madje, drejtuesit e të kuqve po përgatisin edhe dhuratën e parë për teknikun holandez, dhe bëhet fjalë për një dhuratë me vlerë 100 milionë paund. Objektivi është Anthony Gordon i Newcastle.

Britaniku ka spikatur me “Qymyrxhinjtë” këtë sezon duke shënuar 10 gola si dhe duke asistuar në 10 raste të tjera. 23-vjeçari, u transferua te Newcastle nga Everton në janarin e vitit 2023 për shifrën e 45 milionë paundëve, e tashmë duket për hapin më të madh të karrierës.

Gordon ia ka dalë gjithashtu të bëhet pjesë e Anglisë së Gareth Southgate teksa Liverpool e sheh si lojtarin e duhur për të mbuluar korsinë e majtë të sulmit për sezonin e ardhshëm.

Vlen të theksohet se si fëmijë Gordon ka qenë një fans i madh i Liverpoolit, derisa në moshën 11-vjeçare iu bashkua Evertonit. Megjithatë, tashmë sulmuesi është shumë pranë rikthimit në qytetin e Liverpool.

Zv.presidenti i Interit, Javier Zanetti, dha një intervistë të gjatë për podcastin “Pass by BSMT”: “Kur vendosa të ndaloja së luajturi doja të bëja diçka që lidhej me futbollin dhe Interin. Nuk do ta mohoj se kur Interi më informoi që do të bëhesha zv.president, kam përjetuar një moment gëzimi të madh.

Në të njëjtën kohë kam përjetuar edhe përgjegjësi të madhe, sepse Interi është një nga skuadrat më të rëndësishme në botë, mendoj se kërkon përgatitje si drejtues i saj. A e mendova gjatë përgjigjen? U mendova për një kohë, por duke e njohur veten thashë: tani mbaron karriera ime si futbollist. Diçka shumë magjepsëse, që zgjati gati 41 vite.

Pasi vrapova kaq shumë kilometra thashë: Ok, do ta marr përsipër këtë detyrë të re. Për ta bërë këtë isha i vetëdijshëm se po nisja një karrierë të re plotësisht nga e para. Nuk doja të isha një menaxher i lidhur vetëm me anën sportive, por me vizion 360 gradë.

Dua të diplomohem në universitetin “Bocconi”, jam duke bërë një kurs. Shpresoj të jem në gjendje ta dorëzoj tezën time në maj, eksperienca në krye të Interit më ka ndihmuar shumë. Sinqerisht kam zbuluar kaq shumë gjëra që nuk mund t’i kisha i njohur si futbollis.

Gjëja më e mirë është se duke bërë këtë rol më bën të ndihem shumë i dobishëm në fusha të ndryshme. Mbi gjithçka falënderoj Interin, së pari për gjithë ato vite si futbollist. Fanella zikaltër më dha shumë, edhe unë dhashë gjithçka për të”.

Kylian Mbappe pritet që të bëhet lojtari më i ri i Real Madridit këtë verë, dhe një njoftim zyrtar nga klubi është më afër se kurrë.Pas shumë vitesh përndjekje nga klubi spanjoll, ylli francez më në fund do të jetë në gjendje që t’i bashkohet atyre, por lojtari ka bërë një kërkesë unike para se të transferohet.

Sipas asaj që raporton El Chiringuito, Mbappe e pëlqen sportin e golfit. Për këtë arsye, ai ka kërkuar një fushë golfi afër shtëpisë së tij në La Moraleja të Madridit.

Shumica e tifozëve të Real Madridit janë të njohur me këtë sport pasi ish-lojtari i tyre Gareth Bale po ashtu e pëlqente këtë sport dhe kohën e lirë e kalonte duke luajtur golf.Mbappe me shumë mundësi do të zyrtarizohet si lojtari më i ri i Real Madridit pas finales së Ligës së Kampionëve.

Ai e ka luajtur ndeshjen e tij të fundit në ‘Parc des Princes’, por që fatkeqësisht ajo ndeshje përfundoi me humbje. PSG-ja pësoi me rezultat 3-1 ndaj Toulouse, por Mbappe shënoi përballë tifozëve vendas për herë të fundit.

Pas ndeshjes disa tifozë pritën që Mbappe të mos shqetësohet aq shumë për festën e fitimit të titullit, por ai ua dëshmoi të kundërtën.Ylli i PSG-së festoi së bashku me kolegët e tij teksa festuan titullin e 12-të të Ligue 1. Përndryshe, PSG-ja do t’i zhvilllojë edhe dy ndeshje në ligë, para se të luajë finalen e Kupës së Francës ndaj Lyonit./Telegrafi/

Ka një arsye të thjeshtë pse tifozët e Bayern Munichut kanë protestuar për fanellën që Harry Kane dhe bashkëlojtarët e tij do ta veshin sezonin e ardhshëm.Është e drejt për t’u thënë se ky ka qenë një sezon zhgënjyes për Bayernin, një klub tifozët e të cilit ishin mësuar me një sukses konstant gjatë dekadës së kaluar.

Bayerni fitoi 11 tituj rresht të Bundesligës mes viteve 2013 dhe 2023, por këtë sezon ata u dominuan nga Bayer Leverkuseni i udhëhequr nga Xabi Alonso.Përkundër faktit që Harry Kane shënoi 44 gola në 45 ndeshjet e tij të para për klubin, Bayerni do ta përfundojë sezonin pa asnjë trofe të fituar për herë të parë që nga viti 2011/2012.

Të dielën Bayerni mposhti me rezultat të pastër 2-0 Wolfsburgun në ‘Allianz Arena’ në atë që ishte ndeshja e fundit si vendas për këtë sezon.
Ata shfrytëzuan mundësinë për të debutuar me fanellën e tyre të re si vendas për sezonin 2024/2025, por shumë tifozë mbetën të zhgënjyer.

Fanella e re e prodhuar nga Adidas për herë të parë në histori të klubit nuk e pati prezente ngjyrën e bardhë.Për këtë arsye tifozët e klubit shpalosën një baner me mesazhin: Ngjyrat e klubit janë e kuqja dhe e bardha.Fanellat si vendas të Bayernit kanë ndryshuar shumë gjatë viteve të fundit, me disa dizajnë ku dominonte kryesisht ngjyra e kuqe./Telegrafi/

Vinicius Junior pritet të jetë në garë për të fituar Topin e Artë 2024 pasi po shijon një sezon fantastik me Real Madridin.Tani sipas Marca, bashkëlojtarët e tij po përpiqen gjithashtu ta shtyjnë brazilianin që të vazhdojë me këtë formë për të fituar çmimin.

Në të vërtetë, zhveshtorja e Real Madridit ka filluar fushatën për ta ndihmuar brazilianin ta fitojë këtë çmim individual për herë të parë në karrierën e tij.Tek Real Madridi besojnë se Vinicius Jr e meriton absolutisht Topin e Artë për mënyrën se si i ka ndihmuar ata të konkurrojnë për tituj këtë sezon.

Por, braziliani do të përballet me një konkurrencë tejet të ashpër për ta realizuar këtë qëllim. Edhe bashkëlojtari i tij Jude Bellingham, i cili po kalon një sezon debutues të mrekullueshëm tek Real Madridi me 22 gola dhe 10 asistime është po ashtu njëri ndër favoritët.

Sidoqoftë, kjo nuk ka bërë që Bellingham të mos e tregojë mbështetjen e tij për Viniciusin pasi në paradën e festimit të titullit të La Ligas, ai e quajti brazilianin ‘lojtari më i mirë në botë’.Për më shumë, Kylian Mbappe do të luftojë gjithashtu për këtë çmim. Ai ka kontribuar në 54 gola për PSG-në dhe gjithashtu do të ketë para vetës Kampionatin Evropian me Francën.

Vinicius do të duhet që të paraqitet shumë mirë në Copa America dhe ta ndihmojë Brazilin ta fitojë këtë trofe për të rritur edhe më shumë gjasat e tij për të fituar Topin e Artë.23-vjeçari ka bërë 36 paraqitje për Real Madridin këtë sezon, duke shënuar 21 gola dhe duke dhuruar 11 asistime./Telegrafi/