SHKODRA SPORT

Egnatia triumfoi me shifrat minimale 1-0 kundër Kukësit, port ë mjaftueshme për të “rrëmbyer” trofeun e Kupës së Shqipërisë për të dytin sezon radhazi. Golin e vetëm të sfidës e shënoi Edison Ndreca. Ky i fundit në një intervistë për mediat, u shpreh shumë i lumtur për trofeun por gjithashtu hedh sytë nga takimi me Vllazninë në “Final 4”:

“Jam shumë i lumtur që fituam. Tani kemi edhe 2 ndeshje të tjera dhe shpresoj ta fitojmë edhe tjetrin sepse kemi luftuar të gjithë sezonin.

Patjetër që është ndeshje e vështirë, e vlerësojmë Vllazninë sepse ka arritur me meritë deri aty. Do luftojmë që të kalojmë në finale dhe të fitojmë titullin kampion.

Ne do e vlerësojmë shumë ndeshjen me Vllazninë, ua dimë forcën atij ekipi sepse këtë vit kemi bërë 6 ndeshje, por do bëjmë maksimumin për t’i kaluar.

Rëndësi ka që morëm triumfin në fund. Tani edhe Kukësi ka meritat e veta sepse ka kaluar Tiranën edhe Partizanin për të ardhur deri këtu. Finalet fitohen dhe ne këtë bëmë”,- përfundoi Ndreca.

Egnatia shpallet për të dytin sezon radhazi fituese e Kupës së Shqipërisë. Natyrisht që një meritë të madhe duhet t’i shkojë edhe trajnerit Edlir Tetova, që i komandoi rrogozhinasit deri në këtë moment historik. Pas përfundimit të takimit kundër Kukësit, Tetova doli në një intervistë për mediat ku tha se ua kishte vënë si detyrim djemve të ekipit që të triumfonin sërish:

“Rinovimi i kontratës? Mendoj që kemi pasur një gjysmëfjale me presidentin, e mira është që të kemi një diskutim përsëri.

Atëherë, Kupa e dytë, triumfojmë për herë të dytë në finalë. Është një emocion i dyfishtë. Një rrugëtim i mirë i skuadrës në Kupë dhe Kampionat. Kemi akoma punë për të bërë, çdo gjë do të mbyllet me datë 19.

20 minutat e para, një çrregullim total i skuadrës, në momentin që qarkulluam topin pastaj shkuam te idetë e mia.

Fitorja i sheshon të gjitha, pas asaj penalltie ekipi u vu në presion por e kaluan.

Unë kam kërkuar mbrojtjen e titullit të Kupës, ne jemi një ekip i ri por me 2 trofe, gjë që na bën të shkojmë në ndeshjet e Kupës me moralin më të lart. I kam kërkuar djemve ta fitonim që të kishim më të lehtë në “Final 4”.

Për mua e rëndësishme ka qenë maratona e kampionatit, finalja është finale. Do të luajmë me dinjitet, ashtu si kemi luajtur gjithë kohës.

Kampionatin e fiton Eganitan”,- e mbylli Tetova.

Egnatia shpallet ekipi fitues i Kupës së Shqipërisë për të dytin sezon radhazi. Rrogozhinasit mundën në finale Kukësin me rezultatin minimal 1-0, teksa sfidën e vendosi Edison Ndreca me golin e shënuar në minutën e 38-të.

Një finale mjaft e luftuar nga të dyja ekipet që prodhuan lojë të bukur e me raste të pastra shënimi. Pas disa insistimeve në portën kundërshtare, Egnatia zhbllokoi rezultatin në të 38-ën me Edison Ndrecën. Kaq mjaftoi për pjesën e parë.

Në fraksionin e dytë, të dyja skuadrat shpërdoruan disa raste të pastra shënimi.

Në të 79-ën Egnatia pati mundësinë e artë për të dyfishuar rezultatin nga pika e bardhë e penalltisë. Gjuajtja e Fernandos u ndal nga portieri Tafas.

Në fund ndeshja u mbyll me rezultatin 1-0 për Egnatian që fiton për herë të dytë radhazi trofeun e Kupës së Shqipërisë. Në fund të ndeshjes u zhvillua edhe ceremonia e dhënies së medaljeve dhe Kupës së Shqipërisë, që iu dorëzuan Egnatias nga Zv.Presidenti i FSHF-së, Lutfi Nuri.

Finalja e Kupës së Shqipërisë

Kukësi – Egnatia 0-1

Shënues: Edison Ndreca

Skenderbeu eshte ne gare per te fituar titullin kampion te ketij sezoni, por edhe nese ndodh kjo skuadra korçare siç dihet nuk do te mundet te luaje ne Kupat e Europes per arsye te pezullimit te saj nga UEFA.

Por shumekush eshte i paqarte se edhe sa vite kane mbetur nga denimi i kesaj skuadre? Per t’i dhene nje pergjigje kesaj çeshtje ka menduar vete presidenti Ardian Takaj i cili ne nje prononcim te dhene per mediat eshte shprehur:

“Na duhet të presin dhe tre vite që Skënderbeu të kenë mundëisinë që të marrë pjesë sërish në kompeticionet ndërkombëtare”.

Nga denimi i Skenderbeut kete vit kane fituar te gjitha skuadrat pjesmarrese ne “Final 4” te cilat kane siguruar automatikisht te drejten per te marre pjese ne Kupat e Europes dhe madje ne rast fitoreje te Kupes nga Egnatia, do te perfitoje edhe Tirana per t’i zene korçareve vendin ne Europe.

Ky sezon është një nga më të vështirët për skuadrën e Kukësit. Pas 12 vitesh në elitë dhe ku kanë arritur të bëjnë historinë në Superiore, skuadra verilindorë nuk ia doli të mbijetonte dhe në sezonin e ri do të rinisë gjithçka për rikthimin sa më të shpejtë në elitë.

Trofeu i Kupës së Shqipërisë shikohet në Kukës si ‘ngushëllim’ për këtë sezon. Por jo vetëm kaq, pasi me fitimin e këtij trofeu, verilindorët do të merrnin pjesë në kompeticionet europiane. E sigurisht në një rast të tillë të ardhurat dhe përfitimet nuk mungojnë.

Në Kukës janë pa “frena”. Bëhet me dije se lojtarit do të mund të marrin premio për fitoren ndaj Egnatias dhe nëse ia dalin të ngrejnë lart trofeun e Kupës. Janë plot 30 milionë lekë të vjetër që do t’i shpërndahet skuadrësn nga drejtuesit, të cilat kanë menduar të motivojnë ekipin para një finaleje mjaft të rëndësishme. Siç dihet, vlera e shpërblimit të kësaj skuadre është më e madhe se ajo e Egnatias.

Kujtojmë se Kukësi në të kaluarën e ka fituar dy herë këtë trofe, ndërsa sot në “Air Albania” në orën 19:00 do të kërkojnë trofeun e 3 në historinë./newsport/

Të premten dhe të dielën do të luhen dy ndeshjet gjysmëfinale të “Final Four” ku do të vendoset finalja e madhe e sezonit në kampionatin “Abissnet Superiore”. FSHF si organizatore e ndeshjeve të “Final Four” ka përcaktuar edhe ndarjen e tribunave për tifozët.

Sa i takon gjysmëfinales Egnatia – Vllaznia, siç është bërë e ditur tashmë, ajo do të zhvillohet të dielën më datë 19 maj në orën 20:00, po në stadiumin “Air Albania”.

Në këtë sfidë tifozët e Egnatias do të pozicionohen në sektorin N, ndërsa tifozët e Vllaznisë në sektorin S. Në tribunën kryesore, sektorët W 101, W 102 dhe W 103 janë në dispozicion të tifozëve të Egnatias, ndërsa në sektorët W 105, W 106 dhe W 107 do të vendosen tifozët e Vllaznisë. Ndërsa tribunat e tjera do të jenë në dispozicion të tifozëve të dyja skuadrave dhe për të gjithë futbolldashësit e kampionatit shqiptar.

Biletat për ndeshjet e “Final Four” mund të blihen online në ebileta.al si edhe në pikat fizike pranë stadiumit “Air Albania” dhe stadiumit “Selman Stermasi” në fashën orare 10:00-18:00. Ndërsa biletat me çmim promocional shiten vetëm në dy pikat fizike pranë stadiumit “Air Albania” dhe stadiumit “Selman Stermasi”.