SHKODRA SPORT

Ky sezon është një nga më të vështirët për skuadrën e Kukësit. Pas 12 vitesh në elitë dhe ku kanë arritur të bëjnë historinë në Superiore, skuadra verilindorë nuk ia doli të mbijetonte dhe në sezonin e ri do të rinisë gjithçka për rikthimin sa më të shpejtë në elitë.

Trofeu i Kupës së Shqipërisë shikohet në Kukës si ‘ngushëllim’ për këtë sezon. Por jo vetëm kaq, pasi me fitimin e këtij trofeu, verilindorët do të merrnin pjesë në kompeticionet europiane. E sigurisht në një rast të tillë të ardhurat dhe përfitimet nuk mungojnë.

Në Kukës janë pa “frena”. Bëhet me dije se lojtarit do të mund të marrin premio për fitoren ndaj Egnatias dhe nëse ia dalin të ngrejnë lart trofeun e Kupës. Janë plot 30 milionë lekë të vjetër që do t’i shpërndahet skuadrësn nga drejtuesit, të cilat kanë menduar të motivojnë ekipin para një finaleje mjaft të rëndësishme. Siç dihet, vlera e shpërblimit të kësaj skuadre është më e madhe se ajo e Egnatias.

Kujtojmë se Kukësi në të kaluarën e ka fituar dy herë këtë trofe, ndërsa sot në “Air Albania” në orën 19:00 do të kërkojnë trofeun e 3 në historinë./newsport/

Të premten dhe të dielën do të luhen dy ndeshjet gjysmëfinale të “Final Four” ku do të vendoset finalja e madhe e sezonit në kampionatin “Abissnet Superiore”. FSHF si organizatore e ndeshjeve të “Final Four” ka përcaktuar edhe ndarjen e tribunave për tifozët.

Sa i takon gjysmëfinales Egnatia – Vllaznia, siç është bërë e ditur tashmë, ajo do të zhvillohet të dielën më datë 19 maj në orën 20:00, po në stadiumin “Air Albania”.

Në këtë sfidë tifozët e Egnatias do të pozicionohen në sektorin N, ndërsa tifozët e Vllaznisë në sektorin S. Në tribunën kryesore, sektorët W 101, W 102 dhe W 103 janë në dispozicion të tifozëve të Egnatias, ndërsa në sektorët W 105, W 106 dhe W 107 do të vendosen tifozët e Vllaznisë. Ndërsa tribunat e tjera do të jenë në dispozicion të tifozëve të dyja skuadrave dhe për të gjithë futbolldashësit e kampionatit shqiptar.

Biletat për ndeshjet e “Final Four” mund të blihen online në ebileta.al si edhe në pikat fizike pranë stadiumit “Air Albania” dhe stadiumit “Selman Stermasi” në fashën orare 10:00-18:00. Ndërsa biletat me çmim promocional shiten vetëm në dy pikat fizike pranë stadiumit “Air Albania” dhe stadiumit “Selman Stermasi”.

Sezoni 2023-2024 është në fundin e tij dhe Egnatia është ekipi i vetëm në vend që është në lojë për të fituar të dy trofetë aktualisht.

Të parin mund ta fitojë sot, kur rrogozhinasit do të luajnë finalen e Kupës së Shqipërisë kundër Kukësit.

Drejtuesit e klubit, përtej bonuseve të firmosura në kontratë me futbollistët, kanë premtuar edhe një premio të majme. Nga burime pranë klubit mësohet se shuma që mund të përfitojnë stafi teknik dhe futbollistët është 20 mijë euro.

Po ashtu, një shpërblim të konsiderueshëm do të ketë edhe për titullin kampion në Superiore. Kujtojmë që gjatë sezonit Egnatia fitonte bonuse pas 3 fitoreve radhazi. Presidenti Demrozi ka dashur ta motivojë gjithmonë financiarisht skuadrën në duelet vendimtare të sezonit 2023-2024.

Nga Endri ÇINARI

Sot në orën 19:00 do përcaktohet fituesi i trofeut të parë për sezonin 2023-24 në futbollin shqiptar. Fjala është për kupën e Shqipërisë që shikon në finale Kukësin dhe Egnatian. Verilindorët një surprizë e vërtetë në këtë edicion të kupës. Ku gjatë rrugës eleminuan ekipe si: Partizani apo Tirana.

E ndërsa do kërkojnë të vijojnë surprizën për të triumfuar edhe ndaj rrogozhinasve. Ku pavarësisht se tashmë sezonin tjetër do luajnë në Kategorinë e Parë, Kukësi do tentojë fitoren e trofeut dhe kualifkimin në Conference League. Nga ana tjetër është Egnatia, që ka zhvilluar një super sezon si në kampionat e po ashtu në kupë.

Gjithashtu ekipi i drejtuar nga Tetova është edhe fituesi në fuqi i trofeut dhe do dojë ta ruajë fronin. Një vëmendje për këtë sfidë patjetër që ka edhe Vllaznia. Kjo për të parë formën dhe formacionin me të cilin do prezantohet Egnatia sot. Duke qenë se tashmë rrogozhinasit do jenë kundërshtari i kuqebluve për gjysmëfinalet e kampionatit.

Finalja e sotme do analizohet në mënyrë të detajuar nga Brdaric dhe stafi i tij. Ku përfaqësues të shkodranëve priten edhe në shkallët e “Air Albania”. Për të ndjekur nga afër kundërshtarin e së dielës dhe pengesën e parafundit të kuqebluve drejt fitimit të titullit kampion.

Sot dy skuadra do të luftojnë për të fituar trofeun e parë të sezonit, Kupën e Shqipërisë. Kukësi dhe Egnatia do të sfidojnë njëra tjetrën në finalen që do të luhet në orën 19:00 në stadiumin “Air Albania”.

Rrogozhinasit vijnë si favoritë në këtë sfidë, por edhe si kampionë në fuqi. Të besuarit e Tetovës janë në garë edhe për trofeun e Superiores teksa do të përballen me Vllazninë të dielën në orën 20:00.

Ndërsa verilindorët do të duhet të japin shpirtin në fushë për të mos dalë pa asgjë këtë sezon duke qenë se ranë nga kategoria. Sezonin e ardhshëm do të luajnë në Kategorinë e Parë. Kukësi luan ndeshjen e fundit për verdiktet e këtij sezoni, ku një sukses i mundshëm do ju mundësonte një shumë prej 50 milionë lekësh të vjetra, shpërblim ky i caktuar nga FSHF-ja për fituesin e Kupës.

Por “pjesa e ariut” është nga Europa, e cila të garanton 325 mijë euro automatikisht në klub. Pra, Kukësi sot në orën 19:00 do të luajë për 325 mijë euro dhe 50 milionë lekë, me një total prej 375 milionë lekë të vjetër përafërsisht.

Sezoni i rregullt i Superiores ka përfunduar dhe tashmë 4 ekipet që luajnë në “Final – Four” vazhdojnë ende aktivitetin e tyre. Ndërkohë për ekipet e tjera është koha për të bërë merkato.

Kështu një nga të parët që pritet të ndryshojë ambient është Ardit Deliu. Mesfushorit kavajas i përfundon kontrata në fund të qershorit me Tiranën dhe tashmë për të kanë nisur edhe kontaktet e para nga një ekip tjetër i Superiores.

Pikërisht Dinamo kërkon të përforcojë mesfushën me lojtarin bardheblu. Madje “Nëndetësja” ka nisur punën dhe bisedimet me lojtarin për transferimin e tij te “Blutë”.

Drejtuesit e Dinamos kërkojnë të përfitojnë, pasi Tirana dhe lojtari ende nuk kanë rinovuar kontratën mes tyre. Mbetet të shihet se çfarë do të ndodhë mes palëve dhe ku do të jetë e ardhmja e Deliut./newsport/