SHKODRA SPORT

Nga Endri ÇINARI

Sot në orën 19:00 do përcaktohet fituesi i trofeut të parë për sezonin 2023-24 në futbollin shqiptar. Fjala është për kupën e Shqipërisë që shikon në finale Kukësin dhe Egnatian. Verilindorët një surprizë e vërtetë në këtë edicion të kupës. Ku gjatë rrugës eleminuan ekipe si: Partizani apo Tirana.

E ndërsa do kërkojnë të vijojnë surprizën për të triumfuar edhe ndaj rrogozhinasve. Ku pavarësisht se tashmë sezonin tjetër do luajnë në Kategorinë e Parë, Kukësi do tentojë fitoren e trofeut dhe kualifkimin në Conference League. Nga ana tjetër është Egnatia, që ka zhvilluar një super sezon si në kampionat e po ashtu në kupë.

Gjithashtu ekipi i drejtuar nga Tetova është edhe fituesi në fuqi i trofeut dhe do dojë ta ruajë fronin. Një vëmendje për këtë sfidë patjetër që ka edhe Vllaznia. Kjo për të parë formën dhe formacionin me të cilin do prezantohet Egnatia sot. Duke qenë se tashmë rrogozhinasit do jenë kundërshtari i kuqebluve për gjysmëfinalet e kampionatit.

Finalja e sotme do analizohet në mënyrë të detajuar nga Brdaric dhe stafi i tij. Ku përfaqësues të shkodranëve priten edhe në shkallët e “Air Albania”. Për të ndjekur nga afër kundërshtarin e së dielës dhe pengesën e parafundit të kuqebluve drejt fitimit të titullit kampion.

Sot dy skuadra do të luftojnë për të fituar trofeun e parë të sezonit, Kupën e Shqipërisë. Kukësi dhe Egnatia do të sfidojnë njëra tjetrën në finalen që do të luhet në orën 19:00 në stadiumin “Air Albania”.

Rrogozhinasit vijnë si favoritë në këtë sfidë, por edhe si kampionë në fuqi. Të besuarit e Tetovës janë në garë edhe për trofeun e Superiores teksa do të përballen me Vllazninë të dielën në orën 20:00.

Ndërsa verilindorët do të duhet të japin shpirtin në fushë për të mos dalë pa asgjë këtë sezon duke qenë se ranë nga kategoria. Sezonin e ardhshëm do të luajnë në Kategorinë e Parë. Kukësi luan ndeshjen e fundit për verdiktet e këtij sezoni, ku një sukses i mundshëm do ju mundësonte një shumë prej 50 milionë lekësh të vjetra, shpërblim ky i caktuar nga FSHF-ja për fituesin e Kupës.

Por “pjesa e ariut” është nga Europa, e cila të garanton 325 mijë euro automatikisht në klub. Pra, Kukësi sot në orën 19:00 do të luajë për 325 mijë euro dhe 50 milionë lekë, me një total prej 375 milionë lekë të vjetër përafërsisht.

Sezoni i rregullt i Superiores ka përfunduar dhe tashmë 4 ekipet që luajnë në “Final – Four” vazhdojnë ende aktivitetin e tyre. Ndërkohë për ekipet e tjera është koha për të bërë merkato.

Kështu një nga të parët që pritet të ndryshojë ambient është Ardit Deliu. Mesfushorit kavajas i përfundon kontrata në fund të qershorit me Tiranën dhe tashmë për të kanë nisur edhe kontaktet e para nga një ekip tjetër i Superiores.

Pikërisht Dinamo kërkon të përforcojë mesfushën me lojtarin bardheblu. Madje “Nëndetësja” ka nisur punën dhe bisedimet me lojtarin për transferimin e tij te “Blutë”.

Drejtuesit e Dinamos kërkojnë të përfitojnë, pasi Tirana dhe lojtari ende nuk kanë rinovuar kontratën mes tyre. Mbetet të shihet se çfarë do të ndodhë mes palëve dhe ku do të jetë e ardhmja e Deliut./newsport/

Me caktimin e çifteve gjysmefinaliste dhe datat e ndeshjeve, Federata Shqiptare e Futbollit ne bashkepunim me kater klubet pjesmarrese ne “Final 4” ka nisur edhe punen per shitjen e biletave dhe çdo gje tjeter qe ka te beje me organizimin e ketyre ndeshjeve.

Nderkohe pak minuta me pare, klubi shkodran permes faqes zyrtare ka bere te ditur se duke filluar nga pasditja e sotme do te nise shitja ne Shkoder e biletave te ndeshjes gjysmefinale ndaj Egnatias. Ja njoftimi i shperndare:

Të nderuar sportdashës!
Ju bëjmë me dije se duke filluar nga sot pasdite, biletat per ndeshjen gjysmëfinale Egnatia – Vllaznia, do mund t’i gjeni edhë në Shkodër, në pikat e mëposhtme:

– Biletaria e Stadiumit “Loro Borici”
Enjte – Shtune
Ora 10:00 – 17:00

– Dyqani UNIVERSAL
E marte – Shtune
Ora 09:00 – 20:00

– ONLINE

Biletat

!

Kategoria Superiore ka mësuar zyrtarisht përballjet në gjysmëfinalet e Final Four. Egnatia gjen Vllazninë, ndërsa Partizani shortohet me Skënderbeun. Ky çift i fundit do të jetë i pari që do të çelë siparin e formatit të ri më 17 maj në orën 20:00, në Air Albania, ndërsa 2 ditë më vonë ndeshja tjetër.

Të gjithë presim për spektakël dhe klubet luajnë për lavdi e në fund të fundit, për para që është shumë e rëndësishme në futbollin e sotëm. Thonë që favorit në finale të mëdha nuk ka, gjithçka e vendos fusha e blertë që është e aftë të të shtang nga momenti në moment. Megjithatë, gjuha e statistikave ka fjalën e saj.

Një vëzhgim i shpejtë i Newsport për përballjet direkte mes 4 finalistëve, vihet re se dy ekipet që e mbyllën të parët e rrjedhimisht marrin pozitën e ‘favoritit’, nuk duket të jena kaq shumë favorit. Nga 12 përballje secila në këtë ‘minikampionat’, është Vllaznia ajo që bën ‘ligjin’ duke u renditur e para me 18 pikë, 5 fitore, 3 barazime dhe 4 humbje.

Me 1 pikë më pak, “çuditërisht” ndjek Skënderbeu me 5 fitore, 2 barazime dhe 5 humbje. Egnatia kryesuese renditet e treta me 16 pikë dhe një rekord baraspeshë me 4 fitore, barazime e humbje. Shumë pas Partizani që e mbyll e 4-ta këtë minikampionat me vetëm 13 pikë, 2 fitore, 7 barazime e 3 humbje.

Sipas statistikave nga kampionati titulli kampion i ‘takon’ Vllaznisë, por siç e tham më sipër, mbetet një gjuhë statistikash dhe është fusha e blertë ajo që thotë fjalën e fundit./newsport/

PIKËT E GRUMBULLUARA NË PËRBALLJET DIREKTE:

1. VLLAZNIA 18 PIKE

2. SKENDERBEU 17 PIKE

3, EGNATIA 15 PIKE

4. SKENDERBEU 13 PIKE