Cristiano Ronaldo është një nga lojtarët më të mirë në historinë e futbollit. Ai e filloi karrierën në skuadrën e Sportingut, më pas luajti për Manchester United, Real Madrid, Juventus dhe pas një episodi tjetër te Djajtë e Kuq, u transferua në Arabinë Saudite.
Në vitin 2023, nënshkroi për ekipin Al-Nassr dhe më pas u bë lojtari më i paguar në historinë e këtij sporti. Edhe pse shumë shpresonin për një fund “romantik” të karrierës së tij, pra një rikthim në Sporting, kjo me siguri nuk do të ndodhë.
Pak ditë më parë doli lajmi se Al-Nassr po përgatit një kontratë të re për Ronaldon, i cili është shumë i hapur ndaj këtij opsioni. Deri më tani nuk diheshin detajet e kontratës së ofruar për lojtarin portugez, por së fundmi janë zbuluar. Këto janë shifra marramendëse.
Në bazë vjetore, Cristiano do të fitonte mbi 171 milionë paund, pra rreth 3.3 milionë paund në javë. Nëse e nënshkruan këtë kontratë, Ronaldo do të thyente rekordin e tij personal për kontratën më të paguar në historinë e futbollit dhe është e vështirë të imagjinohet se dikush tjetër do ta thyejë atë në të ardhmen e afërt. /Sport Ekspres/
