Paulo Dibala është duke menduar seriozisht largimin nga Roma për të nisur një aventurë të re dhe për të mbushur arkat tani në “fundin” e karrierës së tij.
Për argjentinasin ka interes në Arabi dhe i ofrojnë një rrogë të majme, 20 milionë euro në sezon.
Al Qadsiah gjithashtu ka bërë një ofertë zyrtare për skuadrën e Romës deri në 18 milionë euro. Dibala pritet që ta pranojë. “Nuk e mendoj dot një Romë pa Dibalën dhe pa zëvendësuesin e tij. Të shohim çfarë do të ndodhë”, ka thënë trajneri De Rosi.
Ndërkohë që për pasuesin e tij kanë dalë në skenë disa emra, mes tyre edhe ai i Edon Zhegrovës. Zheremi Boga është një tjetër lojtar që mund t’ju interesojë kuqebluve për repartin e avancuar.
