Egnatia pret nesër në orën 20:00 Elbasanin për të luajtur ndeshjen e vlefshme për javën e 2-të të kampionatit.
Rrogozhinasit vijnë në këtë duel pas humbjes me Vllazninë ndërsa verdheblutë pas fitores me Flamurtarin. Në prag të këtij dueli, trajneri i kampionëve, Edlir Tetova ka dalë në konferencën e zakonshme për shtyp.
“Nuk ka lidhje me atmosferën çdo është le të themi në vijë, na mbetet vetëm të konsolidohemi, kjo është pika që kemi të gjithë si staf dhe çdo gjë do të vijë hap pas hapi.
Kemi bërë analizë të hollësishme për pjesën e ndeshjes, jemi të gjithë bashkë. Është shumë shpejt, por nga ajo që kam parë Vllaznia ka ruajtur përqindjen e madhe të grupit, bashkë me Elbasanin. Siç e thash jemi në konsolidim, është viti i katërt në drejtimin tim, ne vazhdojmë të blejmë ose shesim lojtarë.
Mendoj që nuk do të ketë shumë afrime, theksi është te grupi që kemi, sigurisht bëjmë lëvizje, por mbetet në janar. Lojtarët i përgëzoj, sidomos të ardhurit. Ka një vizion që lojtarët vijnë, ngrihen te Egnatia dhe shiten për një gjë më të mirë, vazhdojmë me të njëjtin progres dhe filozofi. Mendoj që të jemi sa më afër lojës që unë mendoj ndaj Elbasanit”, deklaroi ai.
