Barcelona mund të ketë një shqetësim të ri për dlëmtime pasi Lamine Yamal ndjeu shqetësime në ndeshjen kualifikuese të Spanjës për Kupën e Botës kundër Bullgarisë të enjten.
Ylli 18-vjeçar e nisi ndeshjen dhe i dha asistim golit të Mikel Merinos pak para përfundimit të pjesës së parë, por u zëvendësua në minutën e 78-të nga trajneri Luis de la Fuente.
Kamerat treguan Yamalin duke i bërë masazh pjesës së poshtme të shpinës dhe u dëgjua duke përdorur fjalën espalda (“shpina”) ndërsa fliste me një shok skuadre.
Sipas Javi Herraez, Yamal kishte pasur disa shqetësime që nga ndeshja e ligës në Rayo Vallecano.
Raporti shton se problemi nuk duket të jetë serioz: ylli i Barcelonës do të pushojë të premten, por pritet të jetë i disponueshëm për ndeshjen e radhës kualifikuese të Spanjës kundër Turqisë.
Për momentin, Barcelona do ta ndjekë nga afër gjendjen e adoleshentit ndërsa vazhdon pushimi ndërkombëtar. /Telegrafi/
