Ish-trajneri dhe komentatori aktual i “La Gazzetta dello Sport”, Arrigo Saki, komentoi humbjen e Milanit kundër Kremonezes. Ai u shpreh se humbja vërtet dhemb, por që ekipi do të forcohet me kalimin e kohës.
“Do të ishte e lehtë të kritikoje kuqezinjtë, por nuk do të ishte e drejtë. Mendoj se Alegrit i duhet kohë për të mbledhur ekipin dhe për t’i vënë ata në lojë, dhe mendoj se klubi ka detyrën të ndihmojë trajnerin dhe lojtarët tani.
Të humbasësh në debutimin tënd dhemb, vërtet dhemb, dhe tifozët janë sigurisht të zhgënjyer, por mendoj se karakteri forcohet nga vështirësitë. Kushdo që mendonte se Milanit do t’i duheshin vetëm disa nënshkrime për të ndryshuar gjërat pas sezonit katastrofik të kaluar, ishte qartësisht gabim.
Nuk është çështje lojtarësh, një mesfushor apo një mbrojtës krahu, një sulmues apo një mesfushor: duhet, para së gjithash, të kesh një rezultat dhe pastaj të zgjedhësh lojtarët”, tha ai.
