Merkatoja rreth Rafael Leao është ndezur papritur. “Sirenat” që vijnë nga Gjermania për të, veçanërisht nga Bayern Munich, janë të destinuara të bëhen gjithnjë e më këmbëngulëse.
Siç raporton “Tuttosport”, javën e ardhshme pritet kontakti i parë mes klubit bavarez dhe Milanit, me bavarezët të gatshëm të ofrojnë fillimisht 60 milionë euro “cash”, plus një homolog teknike (ende për t’u përcaktuar), për t’iu afruar kërkesave të kuqezinjve dhe marrë miratimin për transferimin e portugezit.
Megjithatë, marrëveshja është gjithçka përveçse e thjeshtë, pasi Milani synon ta mbajë fort liderin e vet. Allegri, në fakt, është një admirues i madh i cilësive të kampionit portugez. Trajneri livornez është i bindur se nën drejtimin e tij Rafa mund të bëjë hapin përfundimtar drejt cilësisë së lartë, të bëhet më konstant dhe të imponohet si një nga yjet kryesorë në skenën e futbollit botëror.
Për pasojë, Allegri i ka kërkuar Igli Tares të bllokojë çdo lloj oferte për portugezin. Rreth tij, në fakt, Allegri synon të ndërtojë Milanin e ri, që do të duhet të rikthehet në pozitat e para të Serie A. Leao do të jetë pjesë e këtij kursi të ri, përveç rastit kur vjen ndonjë ofertë tronditëse prej 90–100 milionë eurosh.(telesport)
