Ish-sulmuesi Antonio Cassano, i ftuar në podcastin “Viva El Futbol”, foli kështu për garën e titullit në Serie A, ku Napoli dhe Interi ndahen vetëm nga një pikë në prag të javës së fundit të kampionatit:
“Javën e kaluar thashë: edhe nëse Napoli nuk e fiton titullin, vlerësimi për të është 10. Po ta fitojë, atëherë meriton edhe fletë lavdërimi. Meritat e mëdha të Napolit janë të padiskutueshme, ka bërë diçka të paharrueshme, jashtë çdo logjike. Vlerësimi është 10 që sot. Yjet po rreshtohen për Napolin, një skuadër që e meriton ta fitojë kampionatin për mijëra arsye; mes dëmtimeve dhe lojtarëve të spikatur që janë larguar.
Pa dyshim që e meriton më shumë se Interi. Conte është një gjeni, e ka “helmin” në gjak, po shpik gjithçka këtë sezon. Është sikur të shkosh të vraposh dhe të jesh i treti ose i katërti përballë Usain Bolt, me një sekondë diferencë, që janë si 10 metra distancë. Megjithatë ai (Conte) e ka përmbysur gjithçka; është bërë vetë Bolt pa pasur mundësitë dhe cilësitë. I ka bërë lojtarët të besojnë se mund të shkojnë përtej diellit, ka bërë një mrekulli.
Ndeshjen e së premtes do ta fitojnë 80 mijë tifozët e “Maradona”, jam i sigurt 100%. Cagliari është i shpëtuar dhe, nëse bën ndonjë të papritur, nuk del dot nga stadiumi deri në vitin 2042.
Tani të flasim për Interin. Për tri vite, titulli është humbur prej p*rdhëve të mëdha nga zikaltrit, tri herë në katër vite. Interi në tri raste ka pasur skuadër më të fortë se të tjerët dhe e ka humbur titullin, e fitoi vetëm vitin e kaluar./telesport/
Faji është i Inzaghit, që nuk arriti të fitonte me një skuadër dukshëm më të fortë. Pastaj, për sa i përket Ligës së Kampionëve, unë do ta mbështes Interin me fanellën zikaltër, por këtu po analizojmë kampionatin. Dhe Interi ka shpërdoruar prej p*rdhëve të mëdha 3 tituj nga 4 të fundit”.
E përmbledhur: Në stilin e tij tipik provokues dhe pa filtra, Cassano lavdëron Conte dhe Napolin për mrekullinë që po realizojnë, ndërsa kritikon ashpër Interin për mënyrën se si e ka humbur avantazhin dhe mundësinë për titull.
