Spektakli i futbollit botëror kulmon sot më 13 korrik në MetLife Stadium të New Jerseyt, ku në orën 21:00 do të zhvillohet finalja e shumëpritur e Kupës së Botës për Klube mes Chelseat dhe Paris Saint-Germain.
Dy gjigantët e futbollit evropian, të përforcuar me yje dhe ambicie të mëdha, do të kërkojnë të shkruajnë historinë në këtë edicion të veçantë të turneut që për herë të parë zhvillohet me formatin e ri.
Chelsea, pas një sezoni të ringritjes, ka treguar stabilitet dhe pjekuri në rrugëtimin drejt finales, duke eliminuar kundërshtarë të fortë dhe duke dëshmuar se rikthimi në elitë nuk është rastësi.
Nga ana tjetër, PSG ka qenë bindës në çdo paraqitje, me një repart ofensiv që ka bërë diferencën dhe me synimin për të fituar trofeun e parë të rëndësishëm ndërkombëtar nën udhëheqjen e trajnerit të ri.
