Mbrojtesi i majte i kombetares shqiptare Mario Mitaj arrin nje tjeter sukses ne karrieren e tij. Mbremjen e sotme ai ka fituar edhe Kupen e Arabise Saudite duke kompletuar nje tjeter trofe, pas titullit kampion qe fitoi pak dite me pare.
Finalja e kupes ne mes Al Ittihad dhe Al Qadsiah eshte fituar nga skuadra e futbollistit shqiptar me rezultatin 3-1. Serine e golave e ka hapur i zakonshmi Karim Benzema, ndersa Aouar ka dyfishuar shifrat ne minuten e 43-te per Al Ittihad.
Megjithate ne minutat shtese te pjeses se pare ka qene Aubameyang ai qe ngushtuar shifrat per kundershtarin teksa eshte treguar i sakte nga pika e bardhe e 11-metershit. Nderkohe ne fundin e ndeshjes do te ishte Benzema qe do te shenonte edhe nje tjeter gol dhe ketu do te mbyllej gjithçka.
Mario Mitaj ne kete menyre pas titullit kampion fiton edhe Kupen e Arabise Saudite dhe kjo padyshim qe eshte nje arritje e madhe ne karrieren e tij. Per me teper, keto dy trofe vijne pas nje periudhe te veshtire qe kaloi si rrjedhoje e kryerjes se nje nderhyrje kirurgjikale dhe nga ana tjeter, trofete me Al Ittihad vijne para ndeshjeve te qershorit te kombetares shqiptare dhe te shpresojme nje paraqitje dinjitoze ne to.
