Një natë e çmendur, një barazim që peshon si një humbje te Interi. Zikaltërit humbën mundësinë e artë për të rifituar kontrollin në garën për “Scudetto”, duke e lejuar Lacion të barazonte në shifrat 2-2 dhe duke u larguar nga “San Siro” me më shumë zemërim sesa me fjalë.
Heshtja për shtyp e imponuar nga klubi dhe ekipi është një shenjë e pakënaqësisë së thellë, e cila shpërtheu mbi të gjitha për penalltinë e dhënë për bardhekaltërin pasi Bisek preku topin me dorë në zonë.
Një episod i kontestuar ashpër, i cili i shtohet një menaxhimi të arbitrimit, tashmë të vështirë për t’u tretur. Sipas “La Gazzetta dello Sport”, Inzagi i cili u përjashtua në kaosin e fundit, u mbyll në dhomën e zhveshjes me lojtarët dhe trajnerët për një kohë të gjatë, me sa duket për më shumë se një orë për të provuar të mbante së bashku pjesët emocionale të një skuadre që pa mundësinë më të mirë të vitit t’i shpëtonte nga duart.
Për ta bërë situatën edhe më të hidhur, pati një gabim të pabesueshëm në minutën e 95-të nga Arnautovicc, i cili hyri në fushë për të provuar goditjen e fundit dhe në vend të kësaj ishte protagonist i një tjetër shansi të shpërdoruar.
