Manuel Lokateli është gati të japë maksimumin për të ndihmuar Kombëtaren italiane të kualifikohet për Botërorin 2026.
Tashmë ka nisur përgatitjet për ndeshjen e parë, kundër Estonisë, që do të zhvillohet këtë të premte dhe që do të shënojë debutimin e trajnerit të ri, Xhenaro Gatuso, në pankinë.
“Me të duhet të shkosh fort dhe të pedalosh, përndryshe ai zemërohet,” tha mesfushori i Juventusit në Vivo Azzurro TV. “Jemi këtu prej dy ditësh, por ai ka vendosur një intensitet të lartë. Na kërkon të shtyjmë. Misteri është i motivuar, jemi të gjithë të motivuar për këto ndeshje. Ka pak kohë për të folur shumë, duhet të fitojmë dhe të bëjmë gjërat konkretisht.”
ATMOSFERA BRENDA GRUPIT – Lokateli foli edhe për atmosferën brenda skuadrës. “Nuk ka senioritet të tepruar, por një dëshirë të madhe për t’u përmirësuar. Jemi një grup i mirë. Duhet të njohim më mirë njëritjetrin, sidomos me të rinjtë, por kemi një harmoni të mirë. Ka lojtarë më të vjetër me të cilët kam luajtur shumë, dhe është gjithmonë kënaqësi t’i ribashkohesh. Shumë prej tyre i njoh prej kohës së grupeve të moshave, ndërsa të rinjtë duan të mësojnë dhe të provojnë veten.”
QËLLIMI: BOTËRORI – Qëllimi kryesor është i qartë: kualifikimi për Botërorin. “Gatuso na ka kërkuar të kemi ndjenjën e përkatësisë, që është themeli për të arritur këto kompeticione. Por pa nxitim, sepse me nxitim nuk arrihen rezultatet. Duhet të jemi të qetë dhe të ekuilibruar. Krenaria duhet të jetë e madhe. Pa këtë ndjenjë përkatësie, më mirë mos të vijnë,” shtoi mesfushori i Juventusit.
IDHUJT E TIJ – Lokatelli foli edhe për futbollistët që e kanë frymëzuar. “Del Piero, Toti, Pirlo… Kohët e fundit kam ndjekur shumë Kros dhe e kam admiruar jashtëzakonisht. Më pëlqen shumë edhe De Jong. Një tjetër mesfushor shumë i mirë në vitet e fundit ka qenë Kasemiro.”
VENDOSMËRIA DHE AMBICIET – Me këto fjalë, Lokateli tregon vendosmërinë dhe besimin te skuadra dhe trajneri i ri. Intensiteti i stërvitjes dhe fryma e grupit janë sinjale të qarta se Italia synon të kualifikohet pa debate për Botërorin e ardhshëm.
