Teuta është e fokusuar për të afruar emra me peshë këtë sezon. Albi Doka është lojtari i radhës që ka firmosur me durrsakët duke shtuar forcat në repartin difensiv.
Ish-mbrojtësi i Skënderbeut dhe Kombëtares shqiptare do të japë kontributin e tij në linjën e djathtë. 28-vjeçari u bashkohet tre zyrtarizimeve që janë deri tani.
Më parë Teuta ka prezantuar Gentian Selmanin, Florian Përgjonin dhe Harallamb Qaqin. Qartësisht duket se pjesa mbrapa po përforcohet fillimisht në projektin e ri me në krye presidentin Fatos Troplini.
