Lucas Paqueta po kërkon të ndryshojë ambient dhe të largohet nga West Ham. Brazilianit i kanë mbetur edhe shumë pak kohë për të gjetur ekipin e ri.
Ndërkohë, “Defensa Central” zbulon një prapaskenë jo pak të bujshme. Paqueta ka kërkuar transferimin te Real Madrid, duke dashur t’iu bashkohet brazilianëve të tjerë të “Los Blancos”. Në anën tjetër, Xabi Alonso vërtet ka kërkuar një mesfushor nga drejtuesit, por Lucas Paqueta nuk është profili që ai kërkon.
Në këtë situatë, drejtuesit e klubit madrilen kanë refuzuar mundësinë e transferimit të Lucas Paqueta në formë huazimi me të drejtë blerje. Fakti që refuzoi Paqueta-n, nuk do të thotë që klubi madrilen ka hequr dorë nga mundësia për të bërë një përforcim në mesfushë, por po shqyrton kandidatë të tjerë.
Përsa i përket Paqueta, për brazilianin ka interes edhe brenda Premier League dhe nuk do jetë aspak befasi nëse ai ndryshon destinacion deri nesër në orën 20:00, kohë kur mbyllet zyrtarisht merkato.
