Nedim Bajrami zyrtarisht nuk është përfshirë në listën e Rejnxhërs, për grupet e Ligës së Europës. Ky është lajmi më i keq që fantazisti i Kombëtares mund të merrte, ndërsa është në grumbullim me kuqezinjtë.
Klubi skocez është treguar disi i paqartë me Bajramin. Pasi nuk e preferoi në fazën “play-off” të Ligës së Kampioneve, ku u turpërua nga Klub Bryzh, vendosi ta kthente në kampionat.
Në barazimin ndaj Sëlltikut madje luajti 14 minuta, teksa sfida u mbyll me barazim pa gola. Rejnxhërs nuk e ka nisur aspak mirë këtë edicion në Skoci sepse në katër javë numëron vetëm 4 pikë.
Dhe Bajrami është diskutuar për një largim. Me mungesën e hapësirave, nuk do të ishte çudi nëse vjen ditët në vijim.
