Maget Gueje vazhdon të kontribuojë për Partizanin, edhe pse tashmë luan në Spanjë me Rejsing Santander. “Panorama Sport” zbulon se marrëveshja mes klubit të kuq dhe spanjollëve për transferimin e lojtarit nga Senegali në gushtin e vitit 2024, nuk përmban vetëm 500 mijë euro.
Kështu Partizani përveç 40% të kartonit të lojtarit përfiton edhe bonuse shtesë të përfshira në kontratë.
Një bonus që po konkretizohet është 100 mijë euro nëse Rejsing përfundon “Segunda Division” në zonën play-off apo edhe 300 mijë euro nëse kjo skuadër mbërrin në La Liga.
Aktualisht Santaderi, duke u renditur në vendin e pestë në kampionat do të luajë fazën play-off. Fillimisht ndaj Mirandes do të jenë dy takime vajtje-ardhje në gjysmëfinale më 8 dhe 12 qershor. Më pas është finalja me skuadrën që do të fitojë nga çifti tjetër Almeria-Oviedo.
(PANORAMA-SPORT.COM)
